هل تقبل بالزواج .....؟ ارجو الجميع يدخل و يكتب رده و رأيه
هل تقبل بالزواج بطالبة مبتعثة لامريكا او اروبا ؟ اي يعني بعد التخرج؟؟؟؟؟؟
|
اتوقع اننا اتخطينا هذا التفكير
|
كل الحديث عن الابتعاثات و ما لها وما عليها
إلى ان اصبحت حديث المجالس حتى ان وصل الموضوع الى الاعلام واخص بذكر الاعلام الاجتماعي ولكن يبقى السؤال ؟؟؟؟؟؟؟؟ هل تقبل الزواج من طالبة مبتعثة في إحدى الدول الغربية ؟ او لا موضحا الاجابة |
اهم شي في البنت دينها واخلاقها سواء كانت تدرس بامريكا او بالسعوديه يمكن اللي تدرس بامريكا تكون محافظه على نفسها اكثر من اللي بالسعوديه وبين اهلها كيف تضمن اخلاق وحده عمرها ما شافت جواز السفر ؟ هل لانها ما تدرس بالخارج تضمن انها كذا :rolleyes: |
سوال غريب
|
اشكركم على المرور
|
المزيد من الأراء
|
اش المشكلة يعني؟؟!
عشانها مبتعثة وعاشت برا |
~~طيب ..فرضاًًَ ماقبل ..والبنت اخلاق وعقل ودين ..في غيرها ؟! يستاهلها ..وربي رحمها من تفكيره المحدود !!!
وخليه هو يقعد يدور اللي تعجبة ...وان شاء الله يعرف ان الله حق..~~ ~~من عهد الرسول صلى الله علية وسلم والمراءة ممرضة مجاهدة مربية معلمة مقراءة ؟؟...وين المشكلة وكثير نماذج لرقي المراءة ... |
ganate اشكرك على المرور
|
زمن الصمت
مشكره على المرور |
نريد ردود
من دون اي انفعالات يهمني الموضوع |
انا يمكن اسافر بره للدراسه واذا تفكير الشاب في البنت المبتعثه غلط فهذه مصيبه
|
مفروض يحمد ربه يجلس مع واحده متعلمه تعليم عالي وتفيده وتفيد نفسها
|
اقتباس:
نفس الراي |
السلام عليكم ورحمة الله وبركاته
انا والله لااقبل فيها 1-علشان الاختلاط.>> نقطة مهمه<< 2- هي رايحة تدرس سنه او خمس سنوات مو يوم او اسبوع حتى نقدر نقول مايمديها تخترب او تاخذ طبايع الحريه وانتم عارفين كيف الحريه 3- انتم عرفتو اين يسكن المبتعث؟ الجواب لكم 4- من عاشر قوم اربعين يوم صار منهم (كلام صحيح) كيف خمس سنوات(.......) والله الشغله صعبه القرار وسؤالك جميل جدا والله يوفقنا وياااك بالخير والعافيه وانا اخوك/ الـ ـمـ ـشــ ــتـ ـكـ ـي |
طيب اذا ايه مبتعثه
وش المشكله عااااااادي <<<< على مااظن اللي يجوب الشباب حتى نعرف وجه الاعتراض على الموضوع يعني احنا في 2007 وللحين ترضى ولا ماترضى اهم شي في البنت اخلاقها ودينها تقبلوا مروري |
تدرين اختي اني كنت بقدم بعثة
والله ان اخوي يقنع في ابوي وابوي يرد عليه يقول اذا راحت تدرس 3 سنين متى تتزوج ؟ يعني بالله ضامنين اني لو جلست هنا بتزوج قبل 3 سنين هذا علمه عند ربنا بس يحبون يوقفون في وجه الواحد الحمد لله على حال |
لا
سوال غير محير ولا يحتاااااااااااج تفكير كيف اتزوج وحده مافيه امريكي او سعودي مبتعث او مين ما كان الى وشافه ويمكن تعرف عليها بعد ولو انك انسان متفتح الشيطان مو خليك بيخليك تشك وتوسوس من اي تصرف حتى لو الحق معها حبيبي العب على المضمون وقول لامك تشوف لك وحده تعرفها وما عليها كلام ولا شك |
اهم شيء الاخلاق والدين .... سواء البنت ...او الولد
لفته بسيطة : الفساد موجود داخل البلد ...اذا بحثت عنه الفتاة ....!!!! لذلك ارجع واقول ... اهم شيء الدين ..ثم الاخلاق ... فهي صمام الامان للشاب والفتاة تذكر ...( احفظ الله يحفظك ) |
سؤال محير
|
اقتباس:
رد غريب من إنسان واعي...........للأسف:( أخوي طموح ولكن ............لما تفكر تتزوج لازم ترضى بمحاسن ومساوئ إلي راح ترتبط فيها... وإذا هي غاليه أكيد راح تعدل مساوئها بأسلوووبك ...... وعموما أحس إنه مسألة الإبتعاث بالنسبه للبنت أو الولد مو إشكاليه.. الإشكاليه بالبيت إلي هي تربت فيه والمحيط إلي كانت عايشه فيه هل يعتبر درع حمايه لها بالغربه .. والثقه فيها إذا بنيتها لا تحاول تهدمها بمجرد شكوك .....أي غلط صححه وخلك واثق بنفسك.. الرجل له سلطه على المرأه وإنحرافها مقدور عليه .. بس إذا الرجل هو إلي إنحرف هنا المشكله الحقيقيه.. مره كلمتني صديقه لي عن أخوها كان توه راجع من أمريكا حاصل على ما جستير السالفه قبل أشهر .. بالحرف الواحد قالت أخوي ما أثرت فيه الخمس سنين محافظ على عاداته وعبادته بس حب سعوديه بأمريكا وهي تكشف وأمي حلفت عليه ماياخذها علشان كذا ندورله ... الرجال ماتغير بس قلبه بالغربه... وأي إجازه يسافر فيها لأمريكا يعني المسأله؟؟؟؟؟؟؟؟؟!!!!!! الله يسعدك.........أخوي وطرحك للفكره بحد ذاته رائع |
مثلها مثلك جايه تتعلـــم ،، واذا رضيت باخلاقها ودينها وجمالها فتزوجهــا وما المانع من ذلك بالعكس لا ننظر إلى جميع البنات بهذه النظره الدونيــة فالبعكس هناك من ذهبت تتعلم بالخارج ورفعة للأسلامة رايه بحشمتها وعلمــها ...
وعن نفسي إذا وجدتها بالأخلاق والحشمه والدين والجمال الحسن أقبل بها كزوجة أماً لأبنائي |
انا بتكلم كاعراقي لو بنت ابتعثت من بغداد الى امريكا رايح تخلع البواشي مال حكها وتسرح وتمرح متسفرة يعني (بلا بواشي =عباءه بالسعودي) شنو رائيي بيها عن نفسي ما بخذها لانها مو شريفه
لو كانت شريفه ما راحت لدول الغربيه؟؟؟ |
نعم موافق بس تكون دينه
|
اللهم المستعان
طرح الموضوع في منتدى كيف وكان الرد جميل و ساخن مما طرح افكار جميلة لكل الطرفين البت و الولد ولكن الي اقراءه بعضكم وده يرسلي على الخاص كفين هذي نهاية العلم الي توصلت فيه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟ |
اتمنـــــــــى ان اتزوج وحدة متعلمة تعليم عالي .. والسبب ذالك التعليم ينعكس في حياتنا ووتربية الاولاد.
بس يكون انا اكبر منها :d |
اقتباس:
المشكلة مو بالولد او البنت المشكلة بحد ذاتها تقف على البيئة الي راح يسكن فيها و من يرافه كثير من الشباب و الشابات يرون ان البتعاث هو حج و قضى حاجة يعني دراسة و سياحة هذا المفهوم خاطئ و الله بعض الجامعات ان الطالب او الطالبه ما يقدر يرفع راسه من كثر التمارين الي قاعد يحله!!!!!!!!!!!!!! بل يصل الحد الى عدم الخروج من مقر سكنهم بسبب استذكرهم !!!!! و بعض المواد تكون ذو تسلسل فهمي و هذا يتطلب التركيز اثناء الاستذكار هذا غير الدخول بالجامعة و الي اقصده الدراسة بالمعهد تلقى الطالب او الطالبه يعاني من هم كيف يتعلم الانجليزي ؟؟؟؟؟؟؟؟؟وما هي الطرق الاكتساب اللغة بشكل اسرع؟؟؟؟؟؟ تحصل بعضهم من الشباب يلبس السلاسل و الملابس الغربية و القصات الشعر وووو...... وشخص يذكر لي , كان مرافق, انه كان يزورهم نساء سعوديات مبتعثات في بيت اهله في امريكا ومنهم من لبس القصر ومنهم من لبس الضيق الى درجة تحجيم مفاتنها انا لست ضد الزواج من فتاة مبتعثه ولكن قبل الاقدام بالزواج لابد ان تكون اذا لم تكن لديك الفكره عن الفتاة وهذه الفتاة لديها فكرة عنك , يكون أهلها اقرب الها في رقابتها |
اقتباس:
ثانيا لو هي طالعه مبتعثه انت معاها وش المشكله.؟ انا اخوي اصغر مني زوجناه وخليناه ياخذ حرمته تبتعث معاه لامريكا،، وين المشكله.؟ انا من رأيي الشخصي ان هذا لا يمنع من الزواج،، الا اذا البنت فيها عيوب،، والله يصلح كل مسلم ومسلمه،، وبالتوفيق للجميع |
لا حول والا قوة الا بالله لماذا ياخوان نفكر بهذا التفكير انا عشت في امريكا مايقرب سنتين كانت اعياش في ولاية هيوستن و85% من السعوديات محجبات الحجاب الكامل لماذا نوجه التهام عندما البنت او الولد يذهبون من اجل الدراسه نحن الان متعلمون اتقوا الله ولكم جزيل الشكر
|
الساعة الآن 07:29 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين