مشكلتي مع زميلتي والحل بيدي ولكن أحببت أن أشكو لكم :)
 

هذي مشكلتي مع زميلتي في المكتب حبيت أنقلها لكم وطبعا عندي الحل ولكن حبيت أشكي لكم منها ....

أنا خريجه جديده ومن شهرين بس توظفت في جهة حكومية معاي في المكتب موظفتين وحده منهم ما أسمع صوتها غير لما تقول السلام عليكم أول ماتدخل ولما تقول مع السلامه وهي طالعه .. انسانه جدا ذويقه وهااااااااديه وخلوووووقه ومؤدبه ومتربيه ومن بيت طيب...
بس المشكله مع الموظفه الثانيه انسانه عقاره يعني تحب تجيب في سيرة الناس بالشين وتغتابهم واسلوبها مب حلو تتهاوش مع الموظفات في الأقسام الثانيه وتجيني تغتابهم عندي وتطلب مني ما أكلمهم ولا أقترب صوبهم مع ان علاقتي وياهم حلوه وماحسيت في يوم من الأيام ان فيهم شي شين أو انهم يحاولون يطيحون بي مثل ماقالت لي او انهم يحقدون علي طبعا بما اني مااحب المشاكل ولا أحب عوار الراس قررت أروح بكل هدوء لمديري وأطلب منه ينقلني لقسم ثاني على ان قرار النقل طالع منه هو مب مني وعارفه ان المدير بيتفهم هالشي خصوصا ان هالموظفه معروفه بسمعتها وانها راعية مشاكل وسبق لها انها تهاوشت مع وحده كانت وياها في المكتب لين ماطفشتها...

هذي مشكلتي باختصار شديد وشكرا على وقتكم الثمين اللي عطيتوني منه دقايق :rolleyes:

هلا والله أختي تام .. عزيزتي ترى حتى الموظفه الثانيه متأذيه منها ماتخيلين لأي درجه الموظفه الثانيه كبيره في السن ومب متزوجه وأسمعها تعايرها بهالشي وتحرجها لولا انها بنت حلال وفي حالها كان مسحت بها بلاط الأرض ومافي شي يمنع من النقل دام اني شايفه ان في موظفات احسن منها اقدر اقعد وياهم واضمن انهم ماراح يجيبون في سيرة الناس الا بالخير وحتى هم يبوني وقالولي اني لو ماطلبت من المدير ينقلني عندهم هم بنفسهم بيكتبون كتاب يطلبون فيه نقلي عندهم وبصراحه أشوف هالشي أفضل لي ...
إيه والله صدقتي حريم مايخلون عوايدهم عاد تصدقين المشكله اني ما أجاريها ومع ذلك ماعندها غير سيرة الناس حتى مع الموظفه الثانيه واحنا الثنتين مانعطيها ويه بس طبيعتها جذي يعني لو مالقت احد تعقر معاه مستعده تعقر مع الطوفه

وبالنسبه لوقت الفراغ في العمل بالنسبه لي مايشكل أي مشكله لأني عارفه شلون أستغل هالوقت فيما يناسبني بس مع ذلك ماتعطيني فرصه حتى لو أفتح كتاب الله اقرا فيه ألقاها تقاطعني :) شسوي وياها؟؟؟

وبالنسبه للنصيحه ماقصرت بس بوطبيع مايجوز عن طبعه والله يهديها

ألف ألف شكر عزيزتي على المرور والتعقيب

ودمتِ بود

هلا واللـــــــــــــه
أنا مثلج أكره هالنوعية من الناس ونفس الشي أتبع وياهم اسلوب "التطنيش حتى التطفيش" <<< أحد أساليبي الشعنونيه :d
المشكله اني ماالتفت لها والله ولا أجاريها وأسوي نفسي متملله من سوالفها بس هي من الناس اللي يقولك إذا ماتبي تسمعني بالطيب بتسمعني بالغصب لانها ثرثااااااااااره وتحب تنتقد الناس وماتشوف نفسها :court:

عزيزتي أشكر لج مرورج الغالي وعسى الله مايحرمني منج :rolleyes:

مدري والله كأني داخل موضوع نسائي وأخاف تقولن وش دخلك بسوالف الحريم بس رأيت أن المشكله موجود لدي الرجال أيضا وما قول إلى الله يعينك لا تلحقكي للمكتب الثاني

هههههههههه لالاأبد مابقول حياك وبالفعل سمعت ان المجتمع الرجالي يعاني من نفس المشكلة ولكن في اعتقادي ان هالمشكله في المجتمع النسائي منتشره بشكل أوضح .. أما بالنسبة انها تلحقني للمكتب الثاني بصراحة ماأستبعدها عنها وبس أنتقل للمكتب الثاني بقولك شصار معاها :d

ألف شكـــــــــــــــــر على المرور والتعقيب:rolleyes:

اختي العزيزه الله يعينك الله يعينك الله يعينك
اكيد انك ترجعين للبيت وانتي كارهه نفسك وراسك يوجعك وكل سوالفك عند اهلك عنها
اقوووول اختي دام انك بجهه حكوميه ماودكم تطردونها واجي انا بدالها:d
تري وش حليلي <<<<<< بدت تتميلح ههههههههههه :d

هلا والله هلا والله هلا والله :d

إيه والله صدقتي أم لنا أرجع البيت ماأصدق بس أنام من الصداع اللي يصيدني من سوالفها البايخه :cry:

ياريت والله أقدر أطردها بس ما أنصحج تقعدين مكانها ترى حتى مكانها يعدي أخاف بكره تصيرين مثلها وأتبع معاج أسلوبي الشعنوني "تطنيش حتى التطفيش" ويحدث مالا يحمد عقباه :yaa:

يا هلا فيج والله أم لنا عزيزتي شرفني تواجدج ومرورج الغااااااااااالي ويامرحبا بج :rolleyes:

لاحول ولاقوة الا بالله

اذن من طين واذن من عجين
ولا كنك سمعتي شي
ما سبك الا اللي نقلك الكلام

هههههههههههههههه

الله يعين عندنا المصارية مركبين راديوا في فمهم بس وش نسوي

طالبه نقل لقسم ثاني والمدير وعدني خير والله يصبّرني لين مايتم النقل :cry:

إذا كل واحد مضايق من زميل أو زميلة راح يطلب نقل
صدقيني محد راح يقعد في مكانه
انقلي إذا كان المكان الثاني أفضل إداريا ..ماديا و نفسيا..و تقدرين
تثبتين نفسك فيه أكثر
أما محبة النميمة و الغيبة (اللهم نسألك العافية)
قولي لها ان اللي تسويه يضيع حسناتها
و هاتي كتيبات عن الغيبة و النميمة و حسن الخلق و وزعيها على
الجميع بدون استثناء لعلها تهتز بكلمة تقرأها
و اطلبي منها بشكل صريح ما تدخل في اختيارك بزميلاتك
و ان اللي ينقل كلام لي عن الغير ممكن ينقل كلام عني للغير
و لما تطنشيها مرة بعد مرة حتوقف عند حدها
أنا متوظفة توني في وظيفة جديدة و صدقيني لازم يطلع لك
في كل مكان علة تعل القلب..
الله يهديهم و يصلحهم و يكفينا شرهم نساء و رجال
لي عودة لقراءة بقية الردود لأني لازم أجهز للدوام

فعلا هو سبب النقل الأساسي بغض النظر عن الزميلة اللي تكلمت عنها ان القسم الثاني أفضل فقلت أستغل الفرصة وأضرب عصفورين بحجر منها أبتعد عنها ومنها اني أقدر أثبت نفسي في القسم الثاني وبالنسبة للنصيحة مااعتقد فيه أقوى من انها قاعده في مكان منبوذه فيه من الجميع ومع ذلك ماتغير عندها شي مثل ماهي ،، حاليا انا مريحه راسي لأنها طالعه إجازه ،،

موفقة منولة وقواج الله

اتبعي هالمقوله " طنش تعش تنتعش"

اللي يتهم من كلام هالعالم ويسمع كلامهم وربي ليتعب ويجيه السكر وووو الخ

الجار قبل الدار

يمكن هالكلام ماله دخل ..:d
بس بصراحه الله يعينك أنا أكره هالنوعيه من الناس ودائما أستخدم أسلوب الطناش معهم...
عارفه ....باين عليك تلتفتين لها كثير علشان كذا هي صايره تدخل وتزعج ..:mad:
الله يعينك من جد..:d
وبالعكس حلو طرحك لهاالمشكله لأنها فعلا من المشاكل إلي نواجهها أثناء العمل ..:rolleyes:
وهي عادات وأخلاقيات سيئه :mad:
الله يعين الكل على هالنوعيه من الناس
والله يسعدك خيتو

_________________________________________

نفس الكلاااااااااااام

ههههههههههههههههه

والله مشكله

تبين نصيحه ( خلك على مجنونك لا يجيك أجن منها ترى المجانين وااااااااااااااااااجد) الله يوفقك وأنتي أبخص منا بحلولك

أقول أحمدي ربك بس ولا تنقلين خليك
عند الثرثارة ع الأقل تضيع لك الوقت
وبعدين ماودك توظفيني عندك عادي
لو بالصومال ترى بموت من الطفش

يلا بالتوفيق

سي يو

مشكوووووريييييييييين كلكم على الردووووووووود وأبشرررررررركم من زمان انتقلت مكتب ثاني وماشفتها لي شهرييييين وزوووووووووود والله لايردها قولوا آمين :d

والحمدلله ربّي عوضني باللي احسن منها زميلة طيبة قلبها تسوى الكون ومافيه :)

ألف شكر لكم جميعا

ههههههههههههه قطوره أغلب موظفين الوزارات يعانون من قارئي نشرات الأخبار ولو يبطلون يوزعون جرايد على الموظفين بتكون رحمة لنا لأن إذا انتي وياج وحده تقرا في حدود المكتب عندنا موظف الله بالخير يقرا الجريده وصوته يرنننننن في الممرات :cool:

الله يعين يابنت الحلال انتي بس اخذي ورقه A4 واكتبي عليها "من حسن إسلام المرء تركه ما لا يعنيه" بتلقينها اليوم الثاني بالعه لسانها <<<طريقه مجربة ونافعه 100% :rolleyes: :p

شكررررررررراااااااا على مرورج يالغلا

أتوقع يا أغلى وطن المشكلة فيكي ماهو فيها بمعنى أنك تقولين أن فيه موظفه أخرى معكم في نفس القسم ولكن ماتشتكي منها أو من طريقتها هذا الواضح من كلامك علشان كذا نصيحتي لك لا تحتكين بها و أفعلي مثل ما تفعل زميلتك الأخرى و لا تخجلين منها وحاولي أن يكون كلامك معها في حدود العمل فقط لاغير بحيث أنك تتجنبينها وفي نفس الوقت ما تجى حزازيات بينك وبينها .
ولكي مني جزيل الشكر . موظف وعاطل .

ههههههههه يحليلج صباح الخير لا أبشرج ويانا بعد وحده اسمها قطريه من شمر بس اختفت لها فتره مابينت عسى غيابها خير

وبعدين لاتقولين في جميع الوزارات لو أسحبج الإداره اللي أنا فيها أحيان يجي ضغط شغل مب طبيعي بس أحيان يعني يمكن مره في الأسبوع :d
وبعدين انتي وشطارتج دوري قسم تسمعين ان الشغل فيه وايد عشان ماتمين سنين مكانج ومحلج سر ومحد يدري عنج مثل الموظفين اللي خبري خبرج واللي ماهمهم الا تطقطق الكروت الساعه 8 وماتدق الساعه 11 إلا هم داقين سلف وطالعين ترى هذيلا بكره بينشاتون شوته معتبره وراح أذكرج ان شا الله ;)

للأسف لو انك قريت المشكله كامله مع الردود بتعرف ان المشكله فيها مب فيني،،ماانكر يمكن انا اتحمل جزء من اللي صار لأني ماعرفت أردها بس ليش اني مابي اسوي مشاكل واشوه سمعتي عشان وحده ماتسوى ووحده معروفه في كل القسم انها راعية مشاكل ،، وعلى فكره لو تدري ان رئيس القسم بنفسه يكرهها من كثر بلاويها وبمجرد مانجيب طاريها يصرخ ويقول جيبوا لي طاري أي أحد في الكون إلا هذي مابي اسمع اسمها...

شرفني تواجدك في موضوعي وللعلم تم نقلي إلى قسم آخر والآن الحمدلله انا مرتاحه والله عوضني بزميله مااقدر اقول عنها زميله لكنها صديقه واخت غاليه على قلبي وبالنسبة للموظفة الثانية اللي مااشتكت صح هي ماكانت تشتكي بس كان يبين عليها انها متضايقه منها والدليل اني سمعت ان هي الثانية طالبه نقل لقسم ثاني لكن المدير رفض طلب النقل لأنها موظفه قديره وفي حالها وكاف خيرها شرها ومااقدر أقول الا الله يعينها على بلواها


تقبل خالص تقديري