كم تكلفه انشاء ملعب انجيله ( الدعوة للكل )
السلام عليكم ورحمه الله وبركاته
أسعد الله مسائكم وصباحكم من اعضاء وزوار .. أنا عندي فكره مشروع انشـاء ملعب ويكون ( أنجيله صناعيه ) وطبعآ الملعب بيكون من شبك حاجز على الملعب وكشافات والانجيله الصناعيه .. طبعآ الملعب يكون يتسع مابين 8 لـ 10 أشخاص للفريق الواحد بالكثير .. :ash: اللي ابي اعرفـه الحين سوائآ من اصحاب الخبـره او أصحاب الملاعب الي زي كـذا او من نفس الاشخاص الي يلعبون في هالملاعب .. الانجيله عرفت سعرها من كثر مابحثت في النت ولقيتها تتراوح مابين الـ 35 ريـال لـ 75 ريـال للمتر مربع ..:m لكن الي ماعرفته للحين وجالس اسالكم اياه .. :Looking: كم المساحه المطلوبه للملعب ويكون بالشكل هذا مافيه زياده :d http://www.almlf.com/get-11-2010-almlf_com_7rt3kfva.bmp[/URL] الشيء الثاني الشبك كم بيكون تكلفته تقريبآ وبكم المتربع المربع .؟ والشيء الثالث الكشافات كم تتقوعون بيكون سعرهـا ؟ هذي اشياء بحثت عنها بالنت ومالقيت غر الانجيله السعر تقريبآ ..! اتمنى ماتبخلون علينآ لو كانت بـ معلومه بسيطه جدآ لانه ممكن بتفيدني في هذا المشروع طبعآ حصلت موضوع يتكلم عن هالشيء بس ماطلعت منه بافاده كثيـره ، خصوصآ انه وصل سعر التكلفه لـ 200 الف رييــال .!!! :Looking::do5h: وانا ماتوقع بيوصل سعر المشروع لكذا خصوصآ انه الاشياء الللي فيه بسيطه .. وجزاكم الله خير جميعآ .. |
الملعب بيكون لك في استراحه ولا تبي تأجر الملعب <<< اتوقع تبي تاجره
اذا كان أجار تفكيرك سليم 100% لان في بريده عندنا العالم طابور على هالملاعب ... وبالنسبه لتكلفه ما اتوقع 200 الف لا وبعدين وش اللي حدك يكون الملعب انجيله فيه نوعيات افضل .. اسف ع الاطاله .. |
سوري نسيت اكمل بعض الاجابات
تكلفه الشبك يمكن يكون غالي بس مو غالي مره .. والكشافات ما اعتقد غاليه لان فيه انواع كثيرة (لان عندنا ملعب متهالك وفيه 6 كشافات وهو صغير ) يعني اكيد اسعارها مو غاليه + وين تبي تحط الملعب بالرياض ؟ |
حي الله كودي مارتن
لا طبعأ الملعب ايجار بيكون وماهو في استراحه واذا كان عن النوعيات الثانيه وشو هي لو تكرمت .؟ بالعكس يالبى قلبك ردك اسعدني حيــل بارك الله فيك |
النوعيات الثانيه تسمى بودره وما انصح فيه
النوع الثاني رمل مرصوص بالارض ويكون خفيف تبي الصراحه هذا افضل شي سألت اخوي معي قالي الكشافات اسعارها تقريبا 50 الى 100 ريال تقريبا ..(حسبب كلامه ) لك ودي . |
طيب ماقلت لي مساحه الارضيه كم بتكون .؟ في حاله كان عندك علم لهالشيء
واما بخصوص الكشافات اتوقع اتوقع ماتتعدى سعرها الـ 10 الاف خصوصآ اني شفت في احد المواقع فكره انشاء ملعب بس جبار هالملعب وتكلفته فوق الـ 800 الـف وعلى حسب الي قريته من صاحب المشروع او الفكره في احد المواقع العقاريه .. ماتتتعدى سعر الكشافات لـ 10 الاف |
ياحبيبي
بالسنبة للشبك ماراح يكلفك ولا حتى الانارة انت كذا وكذا يبيلك حداد فنان تتفق معاه على اعمدة الانارة واعمدة توصيل في نص المعب متناظرة عشان الشبك اللي راح يكلفك ارضية المعب الاغلبية يروح لمحلات الموكيت عندهم الفرش الاخضر البلاستيك بعد ترصيص الارض يفرشو لباد سميك وفوقه الفرش البلاستيك ويصير عندك ارضية لعب صناعية وطبية اتوقع بيكلفك المتر المربع تكلفه عامة 40 ريال وعليك الحسبة لو ان الملعب عرضه 10 وطولة 16 يعني ملعب سداسي بيطلع عندنا 1600 متر مربع في 40 بيطلع 64000 تقريبا مع الانارة والشبك بتدخلك في 70 الف فما فوق اتوقع مناسب مقارنة بميتين الف ريال تحياتي |
اقتباس:
ممكن يالبى قلبك تشرح لي اكثر شلون البودره هذي .. مع انه مدري هي انجيله ولا لا .. واذا ماكانت انجيله الاغلب يستخدمون الانجيله وزي ماذكرت انه سعرها تقرييبآ المتر مربع لـ 35 ريال معتمد من الفيفا :w |
اخوي صالح الخرشمي يعطيك العافيه يابعـدي ماقصرت كفيت و وفيت
معناته المساحه يوم تكون 1600 قليله ..!!؟ |
لحضه لحضه
وشو الكشافات اللي بعشره الاف تبي نفس كشافات السانتياغو .!!!! ياليت توضح نوع الكشافات اللي تبيها البوده مثل ماقلت لك ما انصحك فيها لانها تسبب الربو .. وبعدين انت تقول الملعب اجار يعني ليه التكلفه هذي كل اللي يبي يكلفك الشبك والشبك حديد والحديد غالي .. |
الساعة الآن 12:49 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين