|
الله لايعودهامن مقابله..
شوفو وش صار معي في المقابلة الله لايعودها من مقابله....
....اتصلت علي مدرسه قبل درست فيها ترم كامل من غير راتب!! اش أسوي طفشونااا بالخبرة اللي صاروا يطلبونها قبل الشهادات...>>>برجع للسالفة قالت عندك موعد مع المديره رحت للموعد استقبلتني الوكيلة ..مصرية...قالت إنتي أبله فلانه قلت نعم قالت :دلؤتي انا داخله عالمديره ابلغها بوصولك...استني شوية ...قعدت ساعه انتظر قلت شكلهم نسوني فتحت الباب على المديرة إلا المصرية تقوم وقالت وبكل وقاااحه::-دانا نسيت ابلغ المديره عن الموعد طالعت المديرة قالت موعدك معها يعني مع المصريه دخلت وراها للمكتب عطيتها ملفي اعطتني اوراق اعبي بياناتي على قولتها جددي بياناتك اللي عندنا ....اخذت ملفي قاعده تقلب فيه بالطول وأنا شهاداتي كلها بالعرض مادري عيونها كيف مركبه!!! تستهبل معاي...الااا ويجيها اتصال عائلي وهي قاعده تقلب الشهادات ورقه ورقه وعيونها في السما لا ياليت مكالمتها سنعه الا تكلم بنتها وتقولهاااا(((حبيبتي ماتدخليش غرفة الغسيل لوحدك..ازا عاوزه تغسلي لازم تؤلي للداده بتاعتك وهي حتغسل هولك ....>>>وهات يانصايح معها وانا قاعده اقول في نفسي(( رزق العقال عند المجانين))..وقفت باطلع الا قفلت السماعه قالت انتي عارفه ان مافيش شواغر لوظيفه بس فيه وظيفة مراقبه عاوزاها ولا لأ....قلت اتفاقنا العام على معلمه وانا جايه اسوي العقد معاكم قالت : مافيش غير كده . .قلت لها الشره مو عليك الشره علي لاني صدقت وعودكم و درست ترم من غير راتب في هالمدرسة ..اللي فيها وكيله تتعامل بهالاسلوب اللي يسد النفس ولايخلي احد يقبل يكون فراش فيها بعد.. ومسكت الباب وطلعت وانا اقول حسبي الله ونعم الوكيل ... بعدها كرهت شي اسمه تدريس..ومقابلات... |
طولي بالك يا بنت الحلال عندنا وعندك خير لكن الشرهه عليا احنا السعوديين اللي معطين الاجانب فرصة يشوفوا انفسهم علينا بس كان ودي تسمعي المصرية كم كلمة ترفعي فيها ضغطها :mad: دامها خربانه خربانه ربي يعوضك باللي احسن منها |
لاحول ولاقوة الله بالله الله يعينك قعدتي تررم بدوون ررااتب والله لو اني انا لا انشب في حلووقهم ,,,,, لاكن الشرره مو عليهم على الي سلمهم ها المــناصب وهم ماهو كفو لها وخســارة فيهم هاالعــــنوووه ,,,, |
الله يكون في عونك اختي
|
لا تشرهين عليها
اشرهي على اللي عينها ورزقك على الله |
ترم بدون راتب
شرف وجود امثالك ومصيبه وجود امثال هـ المصريه الذين يقتلون كل طموح وابداع |
الله يعوضك حبيبتي :(
|
ماشاءالله عليك شلون صبرتي ترم بدون راتب لكن ماعليك ياختي وش تبين بالمدارس الاهليه اللي مديراتها اجانب معروف انها مرره غير منظمه ماكثّر الله الا المدارس ابحثي وماعليك وبيني وبينك حتى السعوديه ماتسلمين انا اختي رفضت المديرة تسوي معها مقابلة بحجة انها تشّقر حواجبها:Looking: والمديرة صغيره يعني مو كبيرة في السن .....والا كان عذرناها الله يوفقك ويعوضك خيراً منها |
:rolleyes: الله يعوضك احسن منها ياقلبي:rolleyes: كــــــــــــــــــــــــــــانت هنـــــــــــــــــــــــــــــا ◦°˚◦ღ♥ஓ ◦°˚◦ ايه احبك°˚◦ღ♥ஓ ◦°˚◦ |
اللي مخليني اصبر ترم كامل الخبره اللي كل المدارس والقطاعات يطالبون فيها اولاً قبل الشهاده..
...ومشكوره على كل من واساني ودعا لي .... |
| الساعة الآن 12:41 PM |
Powered by vBulletin Version 3.8.9
Copyright ©2000 - 2026, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين