|
يالله أنا طالبك تغفـر لـي ذنوبـي يـاغفـور
[frame="13 98"]
يالله أنا طالبك تغفـر لـي ذنوبـي يـاغفـور أرجيك وألجا لك وأنـا أسألـك وأعيـد المسألـه لو ماتطهرنـي بعفـوك مـا تطهرنـي البحـور جيتـك وذنبـي قـد تعـلاّ غاربـي يـا مثقلـه أنا من الطين إنخلقت أخطـي ولانيـب بمعـذور قامت علي الحجّـه بدعـوة رسلـك المرسلـه مؤمن بتوراتـك وإنجيلـك ومؤمـن بالزبـور وبسنّـة محمـد وآيـات الكـتـاب المنـزلـه لكن خُدعت بزخـرف الدنيـا وزادتنـي غـرور أبدت مفاتنهـا وورتنـي مـن العمـر أجملـه طبعاًً بما إنـي بنـي آدم حصـل منّـي قصـور وأذنبت يـامـولاي ذنـبٍ بالخفـا مـاتجهلـه أسألك تغفر لي وتستر موقفـي يـوم النشـور إليا أخذت خلقـك صحايفهـا وهـي مستذهلـه من يستلمها بالشمال أفلس وهـو يدعـو ثبـور ومن يستلمها باليميـن أفلـح بخيـر المنزلـه وأسألك ياربـي تعاونّـي علـى نيـل الأجـور أحيا حيـاةٍ مكسبـي فيهـا مـن البـر أفضلـه وأسألك جاهٍ مع هـل الدنيـا وحـظٍ مـايبـور أيضاً وعرفٍ مـع هـل الحكمـه ورزقٍ تكفلـه من لاتهيّا لـه مقـامٍ مـع طويليـن الشبـور يبكي على ماضاع من عمره وخيبـات عملـه وإن شاب راسه لا ترجّى فيـه تجبيـر الكسـور لاخير فـي تالـي زمـانٍ مـا تغانمـت أوّلـه ولانيب ناسي قصةٍ صـارت وأنـا أزور القبـور لازلـت أفكـر فـي غرابتهـا وبالـي تشغلـه ساعة ظهر لي شايبٍ له حول قرنيـن محجـور في وسط قبرٍ عن أهـل الدنيـا طـواه ويعزلـه سلّم وجا يمي يقول أبنشـدك ياللـي تـزور عن حالة الدنيا وعن وضع الزمان وعـن أهلـه أنامضى وقتي ومـرّت بـي طويـلات الدهـور والباقـي بعمـري أبعيشـه بينكـم وأستكملـه قلت الزمان اللي يبارينا علـى خبـرك يـدور الوقت نفسـه مـاتغيّـر ماشـيٍ فـي جدولـه أما البشر لا والله إلاّ غير من حد الجـذور صار إنتقالٍ مـن يميـن إلـى يسـار المنقلـه إستغرب الشايب من اللي قلـت وبليّـا شعـور حط اليمين أعلى الشمال وخاطـره فيـه أسئلـه قال أفتني عن حالة الشيبان والشيـخ الوقـور أهل الخبر والراي والحكمـه وضـرب الأمثلـه القدوه أصحاب الأمور اللي تطـاع بكـل شـور اللـي يفضّـون النـزاع ويحكمـون المشكلـه قلت البعض منهم على ماقلت في وصفك وقور قدوه ولكن رايهـم مـا ينفـرض فـي مسألـه الطاعه العميـا بقـا منهـا مجاملـة الحضـور اللـي تحصلهـا مـع أوّل فـرصـةٍ متنصّـلـه والبعض لاعبـدٍ يخـاف الله ولا عبـدٍ شكـور لا زهّـده شيبـه مـن الدنيـا ولا هـو جمّلـه والبعض الآخر شابت رموشه على درب الفجـور ينقـل جـوازه للسفـر مـن مزبلـه لا مزبلـه أشيمطٍ زانـي قضـا عمـره بحانـات الخمـور والعايلـه ورعٍ يغـرّر بـه وبـنـتٍ مهمّـلـه قال أفتني عن حالة الخفـرات ربّـات الخـدور اللي تصـان بـبيـت عايلهـا وبابـه تقفلـه شيهانةٍ تشمخ عفاف وتصقـل فـروخ الصقـور بين الفريق بـبشتهـا الضافـي وثوبٍ تسبلـه قلت العـذارى فـي زمنّـا ببغـاوات الطيـور تقليد هرج وعرض ريـشٍ خلفهـا تستخملـه تلبس عباةٍ ضيّقة حـول الردايـف والخصـور فضيحةٍ تكشف جسدها مـن علـوّه لأسفلـه وموضة شيالٍ تكشف الوجنات وألـوان الشعـور والمحـرم إتبـدّل بـجـوالٍ بيـدهـا تحمـلـه لا فوّحت صفر الدلال ولاعرفت غـوش القـدور تطبـخ لـهـا خـدّامـةٍ بالعايـلـه متوكـلـه الأم ماصانت عفاف البنت من عمـر الزهـور والأبو ديّـوثٍ تحكـمـه حـرمـةٍ مسترجـلـه وشلـون تـبغاهم عيـال أم التبـرّج والسفـور إلاّ خنـازيـرٍ دمـاهـا بــارده ومغـفّـلـه قال أفتني عن الشباب الصلب صيّـاد النمـور الفـارس اللـي ينطـح خصومـه بزنـدٍ يفتلـه الوافي الشهم الغيور اللي لعرض الجـار سـور البار عند أمّـه وأبـوه وعلـم ربعـه يشغلـه قلت الشباب بوقتنا وجهه مثـل بـدر البـدور والجسم من زود الرخا ما تنفتـل فيـه عضلـه قصّـة شعـورٍ صيّرتهـم لا إنـاث ولا ذكـور والثـوب راح ولابقـى إلاّ عـالـمٍ متبنطـلـه ناسٍ (فلنتينو) وناسٍ تلبـس (كرستان ديـور) صار التنافـس بينهـم فـي لبسهـم والجنتلـه من كان يشرب من قرار البير مشروبه (بيور) والبل راعيها غدا يشـرب حليـب (النستلـه) مامنهم اللي قام دون أعـراض جيرانـه غيـور من قام قالوا وش ملقّف حضرته وش دخّله والوالدين حقوقهم ضاعت وعنهـم فـي نفـور إن غـاب عنهـم لاتذكرهـم ولاجـاه الولـه بدّا عليهم شلّـةٍ تهـوى الوطـا بيـن الجحـور لو تعزله عنهم تبـي لـه شـان كنّـك تقتلـه ما راح يوم يشارك ربوعه بحـزن ولاسـرور حتى إبن عمّه يعرفه بالوجـه وإسمـه يجهلـه مبدّلٍ هرجه ومضيّـعٍ إسلومـه وحالـه فـي دبـور وإن شاف ضيف إندس حتى إنّه يفـارق منزلـه فكر بي الشايب بعينٍ تجمـع السبـع البحـور يقول أنا لايمكـن أدخـل مجتمعكـم وأقبلـه أنتم لكم وقتٍ تصـدّع مـن بلاويـه الصخـور مايقعد الجمّال به ساعـه ولـو ضـاع جملـه [/frame] |
راقت لي .. يعطيك العافيه على النقل ..
... |
نص رااااااااااااااائع جدا
وبصوت المنشد/ سمير البشيري أروع تسلم الأيادي على هالنقل ,, كلمات في قمة الروعه ,, ربي يغفر لنا ذنوبنا كلها |
اللهم آمين يارب العالمين
يسلموووو لكـ ويعافيكـ ربي ويسلمكـ |
| الساعة الآن 01:17 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين