فصلوني من وظيفتي !!!!
السلام عليكم ورحمة الله وبركاته ..
طبعاً الموضوع باين من عنوانه : انا ياجماعة الخير انفصلت من وظيفتي ويشهد الله اني مظلووووم ومالي ذنب . :z انا بقلكم قصتي من البدااااااااااايه وانتو احكمو .. انا طالب لسى متخرج السنه هذي من الثانويه ونسبتي الحمد لله تمام وكل شي تمام بس انو راح عليه تسجيل الجامعة بسبب وفاة الوالد ( الله يرحمه ) :cry: .. المهم قلت راح اتوظف وظيفه ابو مشي حالك لحد السنه الجايه واسجل في الجامعة . :d والله واروح مكتب العمل عندنا في ابها وارسلوني على شركة الراجحي حقت الحديد في خميس مشيط والحمد لله توظفت .. وكانت وظيفتي امين صندوق :ash: والله العظيم كنت اداوم من 8 الصباح الى 2 الظهر ومن 4 العصر الى 9 الليل .. والله كنت اتعب كثير وكنت لما احس نفسي طفشت او تعبت افكر في الراتب واقول يارجال اشتغل .. واقسم بالله العلي العظيم كنت حالف يا ان اول راتب يجيني احط برادة في مسجد الحاره على نية الوالد < الله يرحمه > المهم كان عندي تلفون على المكتب ويشهد الله اني ماكنت استخدمه الا في امور الشغل وبسس .. الاتصال بمندوبي الشركة او الاتصال على بعض عمال الشركة .. وأما اموري الشخصية فكنت استخدم جوالي .. وربي شايف وعارف . وكان معي موظف مصري في نفس الغرفه لكن على مكتب ثاني واقسم بالله العلي العظيم انه كان ماسك التلفون 24 ساعه .. لا ويكلم دولي كمان . طبعاً انا توظفت في يوم 4/11/1431 .. وفي يوم السبت 22/11/1431 داومت الصباح وزهمني المدير دخلت عنده .. وسلمت وقلتله نعم آمر قال جانا قرار فصلك :m .. اقسم بالله ماصدقت , وقلتله انت صادق قال ايوه صادق . قلت طيب ليش وش السبب : قال انت عندك 18ساعه مكالمات تلفون والله العظيم انه كذاب مكالمتي كلها من يوم توظفت ماتجي ساعه ولا ساعتين وكلها مكالمات عمل يشهد الله .. قلتله والله العظيم اني ما امسك التلفون الا في المكالمات الخاصة بالعمل قال والله انا ما بيدي شي انا جاني قرار فصلك اليوم .. ولازم يتنفذ قلتله طيب اروح عند من .. منهو الي اقدر اكلمه قالي خذ ملفك وروح المحاسبه خذ حقوقك والله يستر عليك . قلتله حرام عليكم انا انسان يتيم وانتو ظلمتوني ... قال اذا انت يتيم هذي مشكلتك واذا احنا ظلمناك ادعي علينا .. قلت والله لأدعي عليكم في كل صلاه .. قال لا تقصر واروح اخذ حقوقي حقت 18 يوم 830 ريال .. بس ما اقول الا حسبي الله ونعم الوكيل , حسبي الله ونعم الوكيل , حسبي الله ونعم الوكيل بس اهم شي سويت الي كان في بالي وحطيت براده في المسجد على نية ابويه ( الله يرحمه ) لكن الناس قاعده تتكلم وتقول فلان كان امين صندوق في شركة الراجحي وفصلوه اكيد انه سرق ولا سوى شي .. مايدرون اني مظلوم ولو احكيلهم قصتي ماصدقوني . هذي قصتي وسلامتكم واعذروني لو اطلت عليكم .. لكن والله كان ودي افضفض |
طيب قولهم يراجعون المكالمات او البرنت حق المكالمات اصلا هي بالعقل خليهم يشوفون الارقام اللي في الفواتير او انا اظن اظن انه الحركه مقصوده وقرار فصلك مقصود المهم قولهم يراجعون المكالمات او يشوفون برنت المكالمات او يشوفون المفتاح والمكالمات الدوليه هذا المصري والله يعوظك بالوظيفة اللي احسن منها يارب00000000
|
والله قلت للمدير كذا .. وقال هذا قرار فصلك في يدي ولازم انفذه
ما اقدر اسويلك شي .. شاكر مرورك اخوي .. دمت بود |
تحس انها حركه مقصوده المدير قالك قرار فصلك في يدي ولازم انفذه
ما اقدر اسويلك شي .. طيب تدري روح اشتكيهم لمكتب العمل معروف مكتب العمل عندنا في الطائف متشدد مره مع الدوائر الحكوميه والقطاع الخاص او دق على 999 وان كان ماجات طز فيهم في حريقة في 20 الف وظيفة غيرها الله يوفقك يارب بس لاتسكت عليهم0000000 |
يارجال خلها على ربك .. بس المشكلة الحين اسمي موجود في مكتب العمل اني متوظف
وش اسوي ؟؟ |
:( الله يكون بعونك يأ اخوي
وقرار مستعجل وانا ما ابي ادخل بالذمم لكن هالأجنبي !! ربي يعوضكـ اخوي بأحسن منها وربي يساعدك ويعينكـ |
ربك عـآلم بالخفـآيـآ والنوآيـآ ..
أهم شي أنك حققت مرآدك >> وآنك آشتريت برآده على نية أبوك >> الله يرحمه وصدقني بإذن الله رآح تتيسر أمورك > بس أنت أجتهد وأطلب ربك .. |
الله يعوضك باحسن منها
وينورلك طريقك |
حسبي الله ونعم الوكيـل .. أحلى مافي الموضوع حققت الي ببالك واشتريت البراده ، من السالفه واضحه .. قرار فصلك متعمد ، ويستغنون عنك انت ولا يبون يخسرون الأجبني أهم شي انك اديت عملك بذمه وضمير .. وربك مايظلم ،، وكلن راح ياخذ جزاه ، وان شاء الله خيره .. ربي يوفقك وتحصل الوظيفه الي تغنيك عنهم .. ولا عليك من حكي الناس الناس مالها الا الظـاهر ،، |
الحمد لله على كل حااااال ..
شاكر مروركم .. ودمتم في حفظ الرحمن |
الساعة الآن 10:58 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين