السلام عليكم ورحمة الله وبركاته

يا شباب انا موظف وفي فترة التجربة يعني لسه ما انهيت ثلاثة اشهر مع الشركة

وربي وفقني في شركة ثاني احسن في كل حاجه والحمد لله

والحين اريد ان اعرف هل لابد من تقديم استقالة او اسحب عليها

مع العلم اني مسجل في التامينات الاجتماعية يعني فيها اخلا طرف

والشركة الجديدة طلبت اخلا الطرف كيف راح يكون الوضع

ياطويل العمر دامك تحت التجربه مايلحقك شي لانك ماوقعت عقد بس خذ منهم ورقه اخلاء طرف ورح للتأمنيات

وخذ منها ورقه وقدمها على الشركه طبعآ رقمك بالتأمينات نفسه .. وتقدم للشركه الجديده اخلاء طرف ورقم

تسجيلك بالتأمينات .. الله يوفقك ويارزقك .. بس نصيحه لاتقدم استقاله ولاتكلمهم لين تضمن الوظيفه الجديده

وتوقع العقد مو تتورط ..

الله يعطيك العافية تقنية وربي لا يحرمني من طلتك وتسلملي اخوي

ابشرك رحت اليوم وقعت العقد مع الشركة والعصر كنت في المستشفى وسويت التحاليل وكل حاجه سليمة على قول الدكتور يعني انشالله انها اوكي

وربك يسهلها

بس خايف الشركة القديمة تماطل معاية في اخلا الطرف لانو عندنا مدير مزاجي
والشركة الجديدة لازم ادوم السبت

بس على قولك خليني اتأكد من التحاليل بعد ما تروح للشركة يمكن يطلعولك بحاجه ولا يجيبو مكانك واحد بواسطه

وبعد كذا برجع لهم واقدم استقالة

مشكور ومقصرت اخوي

عادي داوم السبت
واخلاء طرفك يجيك ان شاء الله ..
واعتقد انهم في فترة التجربه مايسجلونك بالتامينات ..
واذا فيه عرض وظيفي من الشركه الجديده حلو عشان تظمن حقك مايدخلون واسطه

والله يوفقك يارب

والله يا اقريقيا انت الي عارف الحكاية انا جالس افكر فيها قلت نفس كلامك يمكن يجي احد واسطه شي
مع انو وقعت العقد بس خوفي يطلعو شي في التحاليل مع ان التحاليل بأذن الله ميه ميه كلو سليم

بس يعطيك العافية لانك ثبت الفكرة عندي انو ادوم السبت هناك واشوف الوضع
بس المشكلة انو مسجل في التأمينات لانو يخصمون على كل شهر 380 تامينات

مشكور اخوي وما قصرت

الف مبروك
توكل على الله وعط خبر الشركتين
الي تبي تخليهم وش يبون منك
والي تبي تشتغل عندهم يابون اخلاء طرف من السابق ولا لا
اما التامينات اذا توقفت عن العمل في الشركة الاولى هم راح يحذفون اسمك دايركت بسبب تراكم المبالغ عليهم وانت لم تعمل معهم في هذه الفترة
الله يوفقك