السلام عليكم ورحمه الله

ياعالم انا مضغوط نفسياً وبنفس الوقت مقهور

اشتغلت بشركه متعاقده مع أحد الجامعات , من 9 شهور وشغلي تمام لا غياب لا تأخر حتى الأجازه ما اخذت الا 3 ايام بس , حتى أني بعض الاحيان اشتغل شغل السكرتير و شغل ناسخ الآله وشغلتي اللي هي التصدير , راتبي كان أقل من راتب السكرتير ونآسخ الآله مع العلم أن كلنا بالشركه وحده لكن قلت شي أحسن من لاشي , رفعت اسمي مع اسماء اللي كانو ع الشركه لشؤون الموظفين عشان ناخذ ترسيم والحمد لله نزل الترسيم
اللي معي بنفس الإداره ترسمو والله يوفقهم ,
رحت لمدير شؤون الموظفين وانا طاااااااااااااااااااير من الفرحه وقالي تم ترسيمك ع الثالثه فررحت كثيرر لكن قالي ترسيمك راح يكون على بدله يعني راح تكون سكرتي برا
كييييييييييف شلووووووووون معي خبره , معي شهاده حاسب , 9 شهور وانا أطبع خطابات وأصدرها بسرعه عاليه وأخرتها سكرتي قال ماعندنا مكان الإداره فل وبعد اخذ وعطا قال أحمد رربك أنك ع الثالثه المهم أني وقعت ع الموافقه وانا مابيها أبدددد
نزلت مكتبي , وشفت احد رئيس الأقسام عندنا يكلم واحد راح يترسم ويقوله " هااه خلصت اوراقك ...! أستعجل عشان نحطك عندنا ... وين اخوك فلان .. "

: (

يعني عشان يعرف أخووه يحطه بالإداره وهو مايعرف لا للنسخ ولا لأي شي , وانا يحطني برا !
قههههههههههههههههر والله قهر


دام ترسيمي يكون برا ع بدله وسكرتي وفيه هضم لحقوقي وظلم لي , مابي الترسيم ..
نقعد ع الشركه لما الله يفجرها

والله ياخوي انا نفسك 3 شغلات بشغله مراسل+استقبال+ سكرتير= كلها على ظهري وصعبه اغيب +تاخير
لن مو قعي مره حساس ولي فيها 6 والحين داخل بالسابع والله مالنا غير الصبر وكثرة الاستغفار والتوكل على الله
ومثل ماقلت شغله احسن من لاشي وبعدين عندنا خبرة والرزق من الله

بالعكس قول الحمدلله رب العالمين والله كريم جد تترسم احسن من تظل بالشركه ولو كانت مسماها افضل بالنهايه تظل موظف قطاع خاص
امشي بالتدريج اكل العنب حبه حبه , وربي يعوض صبرك شوف لك طريقه ترفع فيها بتعديل وظيفتك او ممكن تصير مسابقه عمل وانت تترشح لها , وياليت تطلع وظيفه بالحكومه لو ماهي مسماي الوظيفي لاترك المكان اللي انا فيه اليوم قبل بكرة
بالاخير قول الحمدلله ان ربي انعم عليك , غيرك ماتحصل له , ادعي لي انا تعبت بالخاص

الله يكون في عونك و عون الجميع
يا أخي الظلم و القهر ليس معك فقط
الكثير يشتكي من وضع الشركات و تعاملهم مع السعودي
و أغلبهم يوظف السعودي مجرد تكملة عدد و بداء يبداء التطفيش
و صدقني لن تنتهي عند سكورتي
و ما علاقة السكورتي بالنسخ و الطباعة
و يمكن أى شخص و ابتدائي يقوم بها لكنه التطفيش لا غير

هذا هو القطاع الخاص لا جديد
انت مو اول واحد ولا آخر واحد ينظلم ..الشكوى لله ..والله يعوض صبركم خير

لا تحلطم

شـنسوي وأسطه قوية الرجال

أنت بـزمن الـواسطات

الي له واسطه يمشي سوقه ياخوي وسع صدرك واصبر لين ربي يفرجها الله كريم يابن الحلال انت ذكرتني فيني دقوا علي وسويت الانتر فيو وخلاص دقوا علي قالو تعالي بالتاريخ الفلاني عندك تدريب وقبلها بيوم دقوا يعتذرون معليش اختي نعتذر ياخسارة فرحتي بس اكيد جاهم احد له واسطه واسقطوا اسمي وحطوه بدالي تلاقي انت بعد كذا كانوا ناوينك لشي وحطوا احد مكانك تحسب عليهم وخذ شغلك بسعة صدر وربي كريم

قول الحمد الله

وشوف لك مدير من احد الادارت واشرح موضوعك ويطلبك عنده