حلول البطالة Unemployment Solutions - هذا ماحدث لي صباح يوم الاثنين!

اسعد الله مساء الجميع اعذروني انا لاااجيد المقدمات بالشكل المطلوب:cool: وبيني وبينكم انا من اليوم الصباح وانا مضيع زين قدرت ادخل المنتدى وباقي معي ذاكره للحين والله العظيم للحين اللي صارلي ماني متخيله مرره ولا باالأحلام:cry: خلاص ماعاد اكذب شي بتوب موفيز:b ادري شوقتكم وبتعرفون وش السالفه انا بقولكم بس طولو بالكم تراي راعي طويله واحب التفاصيل
البارح نمت باليل قلت ياولد بصحي بدري اروح اراجع كم مشوار
المهم كشخت ونزلت ع الساعه 7 وفتحت باب الشارع تخيلو وش حصلت قدامي؟؟ لاتنسون اني بالرياض داخل حاره يعني ماني بقريه والا غيرها.
تخيلو قدامي عجوز عمرها اقل شي 100 ونحييييفه وماهي متغطيه لا وبعد( وحافيه)
انا علطول قفلت الباب شوي قلت اعوذبالله:k وش السالفه الا وهي تستنجد بي (ياوليدي لاتتركني) قلت ياولد هذي جد والا وش السالفه
المهم رجعت فتحت الباب قلت هلا ياخاله ؟
قالت ياولدي انا ضايعه لاتتركني انا هنا انحست مااادري وش اسوي
قلت ادخلي ياخاله قالت لا ماراح ادخل لين ااشوف حرمه قدامي
(خايفه مني)
قلتي ابشري ياخله واتصل على ولد عمي ودق على امه وطلعت واخذتها المهم قالت انا ولد فلان ؟
قلت زين بسأل عنه ان شاء الله مايصير الا كل خير ياخاله
ولدها اسمه مستور وهي قالت منصور مضيعه
المهم قلت ياولد البيت الللي تشوف عنده حركه وناس تحس انهم مناحسين وقف واسألهم وامشي واحوس الناس نايمين
ماعندك احد.
شوي واحصل شباب واقف يدخن وقفت عنده وسالته عن بيت منصور قال البيت الابيض هذاك
قلت زين وعلى البيت وادق الجرس ويطلع رجال منفوش شعره مخرب نومته وقلت ياعم السالفه كذا وكذا قال روعتنا انت وش تبي؟
قلت الشره ماهي عليك ومشيت وتركته
المهم قلت ياولد انت مالك الا ثلاث سنين بالرياض وماتعرف شي خلاني اتصل على ولد عمي الي طول عمره بالرياض يمكن يعرف هالرجال واكلمه قال لا والله ماااعرفه بس مالك الا تروح للمدرسه
الابتدائيه اللي بوسط الحاره وتسأل عن الاستاذ فلاح هو له 12 سنه بالمدرسه ويعرف الحاره زين وفوق هذا من نفس قبيله منصور قلت زين وعلى المدرسه انواع البزران فله حصلتهم يفطرون واقابل المدير قالي الاستاذ فلاح مستأذن عنده موعد لاكن امر؟
قلت السالفه كذا وكذا بيني وبينكم بالبدايه حسيت انه قال بينه وبين نفسه ياليل الحشيش على الصبح بس بعدين ساعدني وراح للبزران يسألهم احد يعرف منصور الفلاني؟
شوي وجوالي يدق طلع ولد عمي قال تعال ابشرك حصلو ولدها
طلع مستور ماهو منصور بأخر الحاره :c
وناسين الباب الصباح وهي طعلت وضيعت :i
وكنسلت مراجعتي كلها بيني وبينكم تشأمت :dمن يومي دام البدايه كذا
يالله سيوو:w