استفسار
 

شباب انا طلع اسمي في الدفعه الرابعه ورحت سويت الكشف الطبي وكل شي يوم الثلاثاء اول يوم في السنه وقالي الموظف تبي تاخذ الخطاب ولا نحنى نرسله قلت لا ارسلوه وسالته متى يوصل قال يوم الاثنين والثلاثاء الي هو اليوم راح استفسر ولد خالي قلي باقي ماوصل

طيب بعد مايوصل خطاب المباشره كم يوم لي عشان اباشر ؟؟؟؟؟؟؟؟؟؟؟؟

خايف انه يسحبون عليه وانا ماني قريب من الرياض وعندي اشغال ارتبها عشان اسافر للرياض

فالك الخير مع بداية هالسنه باذن الله ..
على حد علمي انه خطاب المباشره يكون فيه تاريخ المباشره ..
او تكون المباشره من اول ماتستلم الخطاب ..
او اتصل فيهم واسألهم أفضل ..
ربي يوفقك

الله يعطيك العافيه اخوي

ننتظر الشباب لفيدونا اكثر والله اني قلقان

ماني عارف ايش اسوي ؟؟؟

ابي مشورتكم

مبروك الوظيفة

والله يعطيك خيرها ويكفيك شرها .

الخدمة المدنية ترسل خطاب للجهة المعين فيها انت بأنه تم قبولك ويصدر قرار تعيينك من قبل الجهة التي عينت فيها ويجب عليك المباشرة في العمل خلال 15 يوم والا تروح عليك الوظيفة وفيه ناس قالوا شهر وفيه ناس قالوا شهرين

آها طيب وش الحل

تتاكد .............
خل ولد خالك يروح لهم ويستفسر احسن شي علشان تاخذ العلم الاكيد والا اتصل على مدير شؤون الموظفين واسأله .

هذي طال عمرك وظيفة تبنى عليها آمالك ومستقبلك بعد الله سبحانه وتعالى مايصير تفرط فيها وتتهاون وتقعد تسأل في المنتديات لأن مافيه احد يعطيك خبر ميه في الميه

على فكرة ترى فيه فرق بين قرار التعيين وخطاب المباشرة
قرار التعيين يصدر قبل ماتداوم يعني مثلاً يصدر في 5/1/1432هـ

خطاب المباشرة واضح من اسمه خطاب يفيد بأنك قد باشرت العمل يعني داومت يعني رحت للعمل مثلاً في
5/1/1432 او في 6/1/1432 بعد صدور قرار التعيين

احتراماتي للجميع