مشكلتي في البنك

مؤمل خير · #1 (**permalink**) 14-12-2010, 08:22 PM

السلام عليكم ورحمة الله وبركاته
اخواني الغالين على قلبي اخوكم مؤمل خير موظف في احد البنوك والحمد لله
انا حاليا اعمل في احدى اقسام الاداره العامه في هذا البنك وراتبي جيد ولله الحمد ومرتاح نفسيا
لكن اخواني في الله مشكلتي هنا انني ارغب ان انتقل الى قسم التحصيل والاسترداد لوجود عمولات شهريه بعد تحقيق المطلوب والعمولات تصل الى 10000 ريال كمتوسط عموله من غير الراتب
لكن اخواني الشباب الي اعرفهم وهم (الي طلعو من التحصيل وجو قسمنا) يقولون لا تروح نصيحه
لانهم بيستقعدون لك ويهينونك المدارء الي في التحصيل وشغله مقرفه ولعانه مع العملاء الي يتكلمون معهم ومدري وشو بس في الاخير يعطوني عمولاتي اذا حقت التارقيت الشهري ...

اخواني في الله ما هي وجهة نظركم هل ابقى في قسمنا وابلع العافيه ...
او اني اروح التحصيل وانكرف واخذ عمولات من غير الراتب...

الرجاء الافاده من المختصيين في العمل بالبنوك او الي يعرف المعرفه عنها

اخصائية 2007 · #2 (**permalink**) 14-12-2010, 08:32 PM

شوف اذا انت نديون او عندك هدف وناوي تحققه روح للكرف وللاهانه بس اذا ماوراك شي مهم اقعد مكانك ابرك وريح نفسيتك الراحه النفسيه والرضا والاقتناع اهم من الفلوس

لاتيني · #3 (**permalink**) 14-12-2010, 09:20 PM

أخوي هالقسم زبالة عزك الله

لأن الموظفين اللي يشتغلون بهالقسم كرامتهم عند باب البنك برا حاطينها ويدخلون

خلك بمكانك أفضل

La vie en bleu · #4 (**permalink**) 14-12-2010, 09:20 PM

اقتباس:

المشاركة الأصلية كتبت بواسطة اخصائية 2007

شوف اذا انت نديون او عندك هدف وناوي تحققه روح للكرف وللاهانه بس اذا ماوراك شي مهم اقعد مكانك ابرك وريح نفسيتك الراحه النفسيه والرضا والاقتناع اهم من الفلوس

^^^^^
نفس الرأي ...
لأن الراحة النفسية مهمة ولها دور كبير في عملك
وكمان الديون هــم وقلق
بس ممكن يكون معاهم حق الشباب لأنهم تركوا العمولات اكيد فيه مضايقة
وفي مثل يقول لو كان فيه خير مارماه الطير..والقناعة كنز لا يفنى ..

مؤمل خير · #5 (**permalink**) 15-12-2010, 08:47 PM

معقوله لحد الان ما حد افادني

La vie en bleu · #6 (**permalink**) 15-12-2010, 10:09 PM

^^^^
ياليتني ما رديت !!!

مؤمل خير · #7 (**permalink**) 16-12-2010, 02:53 AM

اقتباس:

المشاركة الأصلية كتبت بواسطة بانة

^^^^
ياليتني ما رديت !!!

اسفنا كان قصدي شي بالعكس كلامك واقعي وصحيح بس انا قصدي قسم التحصيل نفسه والشغله نفسها

انا اسف للمره الثانيه

راجو القحطاني · #8 (**permalink**) 16-12-2010, 03:05 AM

قال لك الاخ القسم ما يصلح و أنت كذلك قلت هذا الشئ
و أنصحك اذا فيه بيع ذمة و تنفيذ أوامر مدراء مهما كانت و كذب على عملاء
اتركها و خلك على قسمك و الراحة النفسية قبل كل شئ
و الله يوفقك

فييييء · #9 (**permalink**) 16-12-2010, 07:16 AM

شوف رسالتي على الخاص

إنتماء · #10 (**permalink**) 19-12-2010, 04:34 PM

الكرامـــــــــــة
صدقني لو الواحد فقد الامانة بيصير مثله مثل الالة الي تشتغل لا احترام لها ولا تقدير
دامك مرتاح فعسى الله يوفقك صدقني لو تروح يمكن اول شي تندم عليه الراحة الي بتفقدها
استخر والله كريم