|
تجربتي مع الصدقة....لمن يهمه الامر
السلام عليكم ورحمة الله وبركاته في احد ايام الصيف البارد ...........ههههههههههه امزح معاكم بس متأثر بخوينا مسلف بيل جسيت قبل فترة ميب بالقصيرة حصل لي موقف غريب مع الصدقة... كنت اعاني من ضائقة مالية....وكان عندي قطعة ارض ابي ابيعها ...وفي نفس الوقت كنت اتمنى ان يجيني قرض الزواج من بنك التسليف مع بيعة الارض عشان الازمة تنفك على الاخير... المهم .. مرة ثانية...في احدى ايام الربيع الدافيء...طلعت انا وزوجتي وفجر...كنت مشتهي عصير رمان انا سمعت انه يشيل الصرقعه والطفاقة اللي في الشخص.... http://elmilion.com/wp-content/uploads/11284920130.jpg المهم رحت لعالم العصاير اللي في شارع حراء.....ويوم وقفت الموتر نزلت وشوي اشوف واحد يدق بوري ويناديني...ماشاء الله موتره شي لاند كروزر قلت الظاهر ان الرجال عنده قروش زايده خل على الاقل يسدد فاتورة جوال بس لا يعقد يمتحني يبيني اطلع معاه... قربت منه قالي انت من هذي الارض الطيبة....قلت اهاااااااااا السالفة فيا ان واخواتها وعيال عمها...قلت ايه....قال انا ياخوي اخذت عمره وانسرقت قروشي....والله العظيم ماعندي حق البنزين...قلت ايييييييييييه ....وانا مو من هالديرة انا من المدينة....الصراحة حسيت انه صادق يوم شفت عياله وحريمه....ماعرفت وش اسوي...قلت له طيب ابشر بسعدك وانا اخوك....اعبي لك بنزين يوصلك لاهلك في المدينة...قال الله يجزاك خير... قلت هيا امش وراي...وطلعت السيارة قالت لي ام فجر وش فيك؟ قلت لها دعيني وشأني ؟ هالرجال اللي وراي يبيني اعبي له بنزين يوصله لاهله.....ههههه على نياتها قالت مسكين شكله مضيع فلوسه.... في نص الطريق قاعد اشاور نفسي اضيعه في الطريق وافتك منه واسحب علاه:wa...والا اعبي له...:yaa: قررت اني اعبي له بضغوط من ام فجر.....دخلته المحطة قلت الرجال شكله بيعبي بنزين اخضر 91 ......اهييييب علاه عبى احمر ابو 95 ........ب51 ريال ........وضاعت فلوسك ياصابر وراح الرمان وماعاد فيه الا سنتوب ابو نص والا سنتوب ابو ريال ومعاه مصاصين... :Looking: بعد ماخلص ويبي يطلع من المحطة دق بوري قال الله يستر عليك ويحفظك...وانا اقول بيني وبين نفسي الله يهبلك قنبلة ...قنبلة ماتكفي...الله يهبلك درزن قنابل خربت علينا الجو وطيرت علينا عصير الرمان....قلت له وانا اخوك ترى دعوة المسافر مستجابة ادعي لي ان الله يفرج همي.... وطلع من المحطة.... وفي نص الطريق تذكرت شي مهم..............متى بيرجع الفلوس....واروح ادور له في شارع الامير سلطان .....قنصته من بعيد وقاعد ااشر له بالنور ابغى اقل شي اعطيه رقم حسابي يحول لي الفلوس....لكنه دعس وراح الكلام هذا يوم الربوع....يوم السبت بعد المغرب اتصل علي مكتب وبعت الارض....وبعدها بربع ساعة اتصل علي خويي من بنك التسليف يقولي تعال خذ فلوسك بكرة..... وسددت ديني وفرجت والحمدلله على الاخر وازهرت الازهار واخضرت الورود وطارت العصافير وبنيت السدود والجسور والانهار والمدارس وعبدت الطرقات <<<<انحشر ماعرف ينهي السالفة........... تحسبون السالفة انتهت هنا....... صرت كل يوم ربوع الفلف عند المحطات اشوف أي واحد مضيع فلوسه عشان اعبي له بنزين ويدعي لي هذي هي تجربتي مع الصدقة كتبه ابو فجر...باحث واكاديمي سعودي ونصاب سابق والسلام عليكم ورحمة الله وبركاته |
وعليكم السلام ورحمة الله وبركاتة وبعد ( موبس انت تكسب الاجر حتى احنا ندور عليه :d) وبعد مدري اسمعهم دايم بالمحاضرات بعد السلام يقولون وبعد اتوقع ان بها الخير الكثير ولا ماكان حرصوا عليها الطيبين اكيد انها كلمة وراها سرّ على انها اربعه حروف يعني مانزلت موضوعك الا بها الوقت وحاط صورة عصير رمان و بارد كان خليته بعد المغرب ماتعرف ان اليوم الناس صايمين ليه شذي تعذب الجواعه انا من الفجر واقاوم جوعي واصبر نفسي بقرطاس قابلت التلفزيون عشان انسى اني صايمه وحطيت على توم وجيري خابرتوم حقير ونذل كنه عارف اني صايمه اليوم يجي قدام الكميرا ويحط رجل على رجل ويقرمط بخبز وحاط فيه جبنه صفرا اظنها كرفت او ابو ولد المثلثات ويجغم بعصير ونصه عصره على الطاوله متعمد الشلب بيحدني ع الفطور وعارف نقطة ضعفي :Looking: وانا اردد اللهم اني صائمه :c الرجال طالبك ومعه عائلته وانت ناوي تضيعه بطريق وتسحب عليه خخخخخخخخخخخخخخخخخ اما انك سويت زي الي يقول ياعبيد انا بدعي عليك وانت ادعي ليه :d يدعي على الرجال ويوصيه يدعي له لو دري عن دعوتك بالقنابل كان دعى عليك بالقحط خخخخخخخخخخخ اجل بروح ابسط بسطتي عند المحطات يمكن القى مسافرين خلاقينهم تمزعت ويصير اعطيهم من بسطتي واقول ادعوا لي ادعي لكم بصير احسن منك مابدعي عليهم :d فرجة كربتهم وربي فرج كربتك وفتحها بوجهك وانت كنت متحسر ع عصير الرمان الي طارت فلوسه وعوضك ربي بضعف الله يوسع برزقك ويخليك لضعوف والمتوهقين خخخخخخخخخخ وثيقه مرت من هون |
موضوع في قمة الخيااال
طرحت فابدعت دمت ودام عطائك |
وين العجيب بالموضــــــوع!!!!
القرض ومقدم عليه وجاك والارض تبغى تبيعها وانباعت ماني شايف اي علاقه بينها وين الصدقه اللي طلعت منك بالقوة:) |
الله يزيدك من فضله وسعته والله ان الصدقه تريح النفس وتدفع البلى والامراض..
يكفيك دعوات الرجل واهله تلقاه كل ماجيت على باله دعالك الله يخلي لك بنتك ووالدتها. |
ماشاء الله يزيدك ربي من فضله
كل وقتك وانت تسب وتحش وتدعي على هالفقير المسكين ماصارت صدقه كانك بخيل مسروق منه ريال هههه اكيد طبعا تلطف الموضوع ببعض العبارات .......تقبل الله منا ومنك صدقتك وصياكم |
اقتباس:
ههههههههههههههههههههههههه الله يزيدك من فضله ياابو فجر |
صادز وأنا أختك بس حبيت أبين للجميع أمرين :
1 / الصدقه مثل ما حتسا أبو فجر الله يخلي له أهله . 2/ الحمد على النعم اللي حنا فيها ودايماً رددوا الحمدلله كما ينبغي لجلال وجهك وعظيم سلطانك والله وعد بالقرآن قال ( وإذ تأذن ربكم لأن شكرتم لأزيدنكم ) وعده حق والحمدلله شايفته بعيني يارب زد وبارك ما أعطيتني من نعم لا تعد ولا تحصى . |
نزلك قرض الزواج وبعت الارض يعني امورك الماديه توب ...
عندك سلف !!! أنت صقيقي من اليوم وراااايح !! |
^^^^
خلني اجربك لمدة اسبوعين |
| الساعة الآن 01:37 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين