خريجة ثانوي ـ ارجوكم ساعدوني
السلام عليكم ورحمة الله وبركاته
بقولكم قصتي بأختصار انا خريجه ثانوي علمي من اربع سنين هذي السنه الرابعه على تخرجي اخر دفعة للوزراه معدلي 96.29 % طبعا قدمت على جامعة الملك سعود وانقبلت الحمد لله من وقتها وانا منتحسه لا اقدر اكمل وكل شوي معتذره تخيلو اني مفروض سنه رابعه وانا توني ثانيه لا واعتذرت اليوم كمان عن الترم المشكله مدري هي فيني او في القوانين لكن انا الصراحه ماعاد ابغى اضيع عمري اكثر من كذا ابغى ادرس ابغى جامعة تحترمني كطالبة ارجوكم دلوني مافي تقديم للترم الجاي على اي جامعه مو شرط في الرياض عادي اروح سكن برا الرياض بس ابغى جامعات معتمده لا احد يعطيني جامعه خاصه لأني مقدر ادخلها :( الله يجزاكم خير ساعدوني :c |
وعليكم السلام ورحمة الله وبركاته
ماشاء الله معدلك حلو وش تخصصك ؟ وهل اخترتيه عن رغبة او تقليد لزميله ؟ او اختيار الاهل ؟ قيسي ميولك الشخصية فيه مواقع بالنت لقياس الميول ادقها موضوع قياس الميول في مدونة الاخ ابوهارون ولاتحاولين تدرسين لمجرد الشهادة وبس يمكن مو قادرة تتقبلين وتتكيفين مع جو الجامعة كلنا مرينا بهالمرحلة وحنينا لايام الثانوي وفارقنا زميلاتنا وصعوبة تكوين صداقات بالجامعة بحكم تعدد واختلاف الشعب بس مو لازم نخليها تأثر فينا اقري الاذكار والرقية يومياً واستخيري في دراستك وشفي الاصلح والانسب لك والتقاديم اللي اعرفها بتفتح معهد الادارة واعتقد المعهد العالي للتقنية بعد بيفتح للمره الثالثة بس مااعرف متى مواعيدهم وبالتوفيق |
اقتباس:
:c:c:c انا تخصصي كلية العلوم الطبية التطبيقيه وهي ابدا مو رغبتي لكن معدلي في السنه التحضيريه نزل ولا حطوني غير علوم طبيه :cry: واساسا الكليات الصيحيه من البداية ماكانت رغبتي بس الحين مااتخيل نفسي بشي اخر :c بشوف المعاهد يلي قلتي عنها شكرا لردك علي :m |
اختي استعذيي من الشيطان الرجيم وتوكلي على الله واكملي دراستك الجامعية والكليات الصحية الان افضل كليات ومعتمدة وخاصة الدرجة بكالوريوس والمسمى الوظيفي اخصائية في تخصصك راجعي نفسك وخاصة انت في جامعه قوية جدا وكانت من الجامعات الدولية وترتيبها على ما اظن مئتان وشوي وهي الجامعه الوحيدة في المملكة حازت عليها |
اقتباس:
مافائده ماتقوله عن الجامعه جامعه لاتستقبل طلابها اجي للوكيله ماتستقبلني اعرف ان جامعتي من اقوى الجامعات لكن انا ماعاد اقدر اكمل فيها ظلمت فيها كثير من الأدراه وظلمت نفسي اكثر :cry::cry::cry::cry: بالله عليكم يااخوان اي احد يعرف كلية او جاامعه فيها تقديم ترم ثاني لا يبخل علي والله تعبت :c:c:c:c:c:c |
يااختي تابعي مواقع الجامعات وشوفي متى يفتحون االتسجيل
وبصراحه امرك عجيب فيهه احد يرضى يترك اهله ويروح للتعب والمشاوير والسفر طيب ليش انت ماحاولتي تجتهدين وتجيبين معدل وتحولين للقسم اخر اقولك استخيري الله ترى البعد عن محيط العائله والسكن بعيدا عنهم صعب جدااا يااختي كلنا انظلمنا بدراستنا ومانلقى مين يسمع لنا ودرسنا وتخرجنا وشكرنا الله ودخلنا اقسام مو راضين فيها لكن نسينا هالشي وخلينا هدفنا نواصل ونواصل ونواصل والحمدلله |
اقتباس:
بعرف ان الظلم في الجامعات للكل غالبا بس والله جامعتي تعبت منها ماعاد قادره اكمل فيها لا من قسم ولا دكاتره ولاحتى طالبات :cry: بالنسبة للعائله اساسا انا ماعندي احد في الرياض غير اخت متزوجه الله يحفظها وبس :c يعني متعوده على العيشة لحالي بعد وفاة بابا الله يرحمو :c:c |
[align=center]
اختي العلم يبغاله صبر اصبري وكملي وانشاءالله ماتندمين وهذي نصيحه مني خذيها والله يوفقك لكل خير [/align] |
اقتباس:
لماذا لا تنتظرين للسنة القادمة ؟ هل إختبرتي قياس وتحصيلي ؟ وكم الدرجة ؟ هل إنسحبتي من الملك سعود أم تم فصلك ؟ هل الشهادة مختمة من الخلف بختم الجامعة ؟ ماهو التخصص الذي ترغبين به ؟ ولماذا لا ترغبين بالكليات والجامعات الخاصة ؟ ماهي المدينة التي تفضلين الدراسة فيها ؟ هل تستطيعين الدراسة بدون مكافئة ؟ أرجو الإجابة عن الأسئلة ضروري وإن شئتي أرسليها على الخاص إن كنتي لا تريدين الإجابة على العام . سأعود بعد ساعات . |
اقتباس:
والله يااخوي اني موقنه بكلامك وعارفه انو الدراسه والعلم يبغاله صبر بس انا ضاع عمري الدراسي بغلطه وبدءت ادفع ثمنها :c |
الساعة الآن 07:49 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين