قصائد بالجيب الشاص
 

صبحكم ومساكم الله بالخير والرضىء والعافيهـ


اليوم وأنا أدورج وأتفحص بالشيخ قوقل .. لقيت هالموضوع منسدح ومدد كراعيبنه بأحد هالمنتديات

وبما أني رجال أهوى الطلعات والتمشيات بأرجأ مملكتنا الحبيبه
في رأسي أشتري جيب شاص .. بس مالظاهر أن لنا فيه نصيب بالقريب العاجل

فقلت ياولد أحلم ع راحتكـ من زول مخكـ مفتح وماله أمل ينقفل




الموهم ..

ماعليكم من الهلس والخمبقه اللي فوق ..


هذي قصائد أعجبتني عن الجيب الشاص
وحبيت أسدحها لكم فيذآ

تفضلو يافلذت سبدي




مـــدخـــل00}}




راكب الي كـن زولـه زول ذيـب
ان نطحتـه وان قفيتـه مــن ورا
وان عرض لك قلت مابلوصف ريب
جنب ذيبـآ لااحقـه جـوع وعـرا
شاصي التصميم لند كـروز جيـب
مايبيعـه مـن شـراه ليـا شــرا
ما يبيعـه غيـر مـردي النصيـب
ومـن يحـده علـى قروشـه زرا
مايهـمـه لانـفـود ولاجـذيـب
ولطلوع الـي مثـل طلعـت كـرا
لاهمزو قير ادبلـه جالـه نحيـب
مثل من ميتـه علـى بالـه طـرا
ناحل الاطراف تصميمـه عجيـب
مع سماح الـدرب مشيـه بختـرا
كـن جـرات الربابـه بالسبـيـب






هذي القصيدة للشاعر/حمود بن نايف العنزي

يا لعنبوه الشاص الألفين وأثنين *** عز الله أن المبدعين أبدعوا به
تساعدوا في صنعه أطلق خبيرين *** بإشراف عالم مبتداه أبتدو بــه
بروفسور مخترعلة براهين *** فعله حصانة عن خطاه ورسوبـه
حصل شهادة علم مع خبرة سنين*** ولة جائزة نوبل زمان محسوبة
من عائلة بالعلم دايم ملمين *** تاريخهم بالعلم توارثو بــه
أبوه ياباني سياسي قوانين *** في دولته يصدر نظام العقوبه
والأم نازية مواليد برلين *** وخوال خاله من مواريث كوبه
صحيح ناقص لأن ماهو على الدين *** عالم وعلمة ما يكفر ذنوبه
أهم أختراعاته على الراس والعين *** يشكر على أفكارة ودقة أسلوبه
أسخر بصنع الجيب من قبل عامين *** بالسر حتى دولته ما درو به
لين أنتجه وأنتاجه أزين من الزين *** رغم أختراع الغرب تفاجأو به
من جودته له بالصحافه عناوين *** بالسوق ربح كل من تاجرو به
رجح موازين وهبط موازين *** كل الدول بالبورصة ساهمو به
نزل من الدولار بالسعر ثلثين *** ودعم رصيد الين نوبه ونوبه
لاند الكروز اللي تعشقه ملايين *** قبل يجي للشرق تباشرو به
من دولته جابه وكيله بتأمين *** لدولة آل سعود ما الفاهدو به
أسعد نفوس اللي لروياه شفقين *** كل دعا له بالجزا والمثوبه
أباصفه كله من يسار ويمين *** لو أن في وصفه عليّا صعوبه
بين كما أبو الهول مبنى الفراعين *** كله حجر مابه حديد وطوبه
وبين المواتر سكبته تجلي البين *** سكبه زعيم ومحتفل في خطوبه
واللون بيج وبويته من بلاتين *** ضد الحرارة والهوا والرطوبه
وحَمَار خطه مثل سيل البراكين *** والا حَمَار الشمس حزه غروبه
وكبوته أنحف من حجم بديَه شوين *** ورفارفه متناسقه مع جنوبه
ونظام دفع الحركة دفع تربين *** فريد من نوعه وهم طورو به
وماطور صماماته أربع وعشرين *** وبخاخ مصروفه يقلل شروبه
وتحظيرتين أمام وخلاف عكسين *** وستة عشر جنطة على قد هوبه
ومساعدات أربع وقدام يايين *** ودفرنس وفريول يحرك كعوبه
وكوابح آي بي أس تعمل نظامين *** وبكل هوب للكوابح أنبوبه
وونشين سحب ويسحبن وزن طنين *** وهزاز يمنع بالصحاري نشوبه
وحمولته بالكيلو ألفين وألفين *** على الشدايد فيه عزم وصلوبه
من قوته يصبر على الزين والشين *** الطقس ما همه جليده وشوبه
متعدد الأغراض للأتجاهين *** ما فيه عيب أقول ذا من عيوبه
لأقفى مكوك كل طقمه مغادين *** علم الكواكب والفضا كلفو به
لأقبل كما الجاكوار والا السقستين *** في وقت غاره والعدو ولعو به
لأعرض شهاب مرسل لشياطين *** ظرب غلاف الجو وأحدث شبوبه
منوة غريب شف باله بعيدين *** الدرب لو طول بسرعة يلوبه
ما يمنعه لا رمل لا أحجار لا طين *** غريب ما تمشي المواتر دروبه
وأن قلت للسواق يا الأخو من وين *** يعطيك علم أرض قفر ما وطو به
ما هو زماله عايلات ووراعين *** ولاهو زماله للعفون وجلوبه
سلعة ثمينة للرجال الثمينين *** راع الولع يشريه لو باع ثوبه
لوأملكه لو قيمته كلها دين *** أهديه للي بالكرم مجدو به




وهذة القصيدة قالها أحد الشاعر عندما راى أحد الشباب المراهقين وهو يقوم بتفحيط على جيب شاص جديد
بالاضافه إلى انتشار الجيوب وبشكل ملفت جدا مع الشباب الخكاريا فثارت قريحته

وأنشد يقول :-



يا شاص جيتك نأوي اليوم أعزيـك
........................قرب يجيك الموت حـان ارتحالـك
من يوم شفنا لابس ألكـاب راعيـك
.......................مدري وش اللي غير اليـوم حالـك
أبـو سبيـب كنهـا شكـة الديـك
.........................يمشـي وكنـه مـوردك للمهالـك
إن كـان ذا حالـك فحنـا نخليـك
.........................عقب الربـع قالـو ترانـا رجالـك
عقب الكوامري ولعبـن بالشرابيـك
.....................واليوم فوق الشاص عقب الكدالـك
مـا بـقـا الايقلبـونـك تماتـيـك
.......................ويبـدلـون ألمرتـبـه بالمـدالـك
مادام حطولـك جنـوط وسيراميـك
.......................اصبر وتحمـل كـل شـي ينالـك
يا للي ركبته وش تبـي بالمهاليـك
.....................غلطان أبوك اللي رضا وشترا لـك
الشاص ماهو لك ولا هـو باغيـك
...................الشاص للرجال اللي تعرف المسالك
لصار جـو البـر يمخـش اياديـك
.......................خله يجـي قرمـن يسوقـه بدالـك
مدام طوقك مرتفـع عـن علابيـك
.........................وأبـوك زود بالنعـومـة دلالــك
عز الله إن أبوك ما عـرف يربيـك
.....................ولامسك نصب المساحـي بشمالـك
لمـع وضلـل صافيـات الشبابيـك
....................ولا يفارق الفيري مع الوقـت بالـك
الشاص مالك به أقصار خطاويـك
........................حـدك الدائـري وهـذا مجـالـك




يا مل قلـب (ن) خطـوط الشـاص تلنـه
............................اليا شفتها قمت أنا أبدعهـا بالألحانـي
أبــدع بيـوتـن تـوصـف حسـنـه وفـنــه
...........................مصيوغة (ن) لأجل بيبانـه والأركانـي
اليا صار مخش (ن) يزيد الهم بالونـه
.........................أحـس مخشـه علـى كبـدي ومصرانـي
دم الظبـي لـون خطـه احمـر (ن) كنـه
.........................سيل (ن) تحدر علـى الوديـان بركانـي
ولونه كما النفـد قاسـي الريـح يسفنـه
.........................يمشـي مـع الظلـع والقيعـان مـا بانـي
بأيـت طريـق (ن) تقضـب فيـه لـو انـه
.......................ربـاضـة (ن) كـايـده او كــان حيفـانـي
حـيـث الـوعـر والمـراقـي مــا يـردنـه
......................ليـا صـار الأول مـع الاسبـيـر مليـانـي
اضـرب جلـد فـي الفيافـي بالـك تحـنـه
......................متعـود (ن) قطعهـا لـو كـان مـا كانـي
ومعي رفيق (ن) سنافي ضاحـك سنـه
.....................اليا خـذت شـوره علـى الشـده تعدانـي
وعزبه وبنـدق علـى الصيـدات يرمنـه
....................وفـرخ الوحـش علـى شبتـه شيهـانـي
اختم قصيد (ن) خوافي القلب صاغنـه
...................وارجوا السموحة إذا قصرت بأوزاني
بصـلاة ربـي عـلـى محـمـد لــه المـنـه
..................اللـي شـرع حـفـظ ديــن الله ببرهـانـي



مـــــــــخــــــــــرج00}}



صـوت ماطـوره ليامنـه ســرا
نحروه الليل مـع وقـت المغيـب
اثنيـن الـي علـى العـز اقصـرا
ماعليه الا صحيبـآ مـع صحيـب
بالـزاد واطيـب والملـح اخشـرا
ما عليهم من بسيط ومـن صعيـب
بـادروب وبالمـحـلات اخـبـرا
ودهـم مـا يمرحـون الا قريـب
المكانـاآ تقـل لاجــوه اومــرا
من شعيب يحدرونـه مـع شعيـب
الغضـا مشمـوس والديـره ثـرا
ديرتـآ ربـي لهلهـا مستجـيـب
كل وادي من فضـل ربـي جـرا
والله ان اعماس راسـي مايطيـب
ولا يطيـب الـزاد ويلـذ الـكـرا
غير لاارقبت النبـا مثـل الرقيـب
ونمـت فيـه ايـام لـو شـح اذرا
بلخصوص ليا صدف جوآ رهيـب
وقمت ادوج من الفياض اليا القـرا
فوق جيبآ كـن زولـه زول ذيـب
ان نطحتـه وان قفيتـه مــن ورا

وسلامتكم وأربعين عافيه


منقول مع التصرف

الله يرزقك بشاص آخر موديل :d
بس مدري وش عاجبكم في هالشئ مو كشخه ابد :d:d


صـح لسان عشاق الشاص
وتسلم ع هالطرح يافيصل

وعليكم السلام ورحمة الله وبركاته



يازينه للقنص والبران وياشينه يكسر الظهر


ربي يحقق أمانيكـ بـ وظيفه وشاص إن شاء الله


وتسلم على القصائد وما تقصرررر عليها

الله يرزقك بأحلى شاص يافيصل ,,
تستاهل كل خير ..

ان هاوي شاص 2006 شاص وبس الله يرزقنا شاص امن الطرق

أمييييييييييين يارب ~> بس مابغى أتشرط .. ماهوب لازم أخر موديل
المهم أنه شاص وبس

لونه زي هذا راضي فيه :k

http://www5.0zz0.com/2010/12/23/13/420024474.jpg

ع الاقل وين ماقوله مشينا مايقول لا .. ماهو زي الخنافس لازم زفلت :q

وش عاجبنا فيه ~> هذه المعرفه راح تتكفخ :mish:

صح بدنكـِ ياعاشقة الكشخه :q

كيف تقولين تسلم ع الطرح وبنفس الوقت تعطيني محش عليه :Looking:
يالله مقبوله
الله يسلمكـِ من كل شر ..:):w

أي والله يازينه ~> ولوني أخذه ماتشوفني مسنتر وأمدد كراعيني

وإذا يكسر الظهر ~> سهله :k
ركبله جواعد أصليه ودبلها بعد :d <~ جاب الغايبه :Looking:

أمين حناااا وياكـ

الله يسلمكـ .. وشاكر ومقدر مروركـ الكريم :)

لا الله يرحم والديكـ لاتحلف .. :m

أقول لايكثر .. روح سنع عمركـ وتوظف وبعدين سو نفسكـ مهايطي علينا :q

وش رايكـ .. تقول بالمرة يفدوني جماعة وقبيلة الشاص .. أحسلكـ من الحويسه :d

أه :( خله يجي وذيكـ الساعه أركبكـ معي بالصندوق ويمكن ع الصدام الخلفي :d <~ نذل :Looking:

ولكـ مني جزيل الشكريأ ~> متعوب عليها :Looking:
على المرور المتعنطـــــــــــــر :)

أمييييييييين حنا وياكـِ <~ :Looking:

وأنتِ بعد .. تستاهلي كل خييييييييير ..

الله يسعدكـِ .. وشاكر ومقدر مروركـِ العطـــــــــــــــــــر .. :)

ما شاء الله .. مشرفنا بيننا :k

وأنا أقول وش ذا النجوم اللي تبرق ع موضوعي .. طلعت أنت أتكوشخ عندي :q

والله مالجميل غير تمرمركـ وتسيركـ علي :d

أمييييييييييين .. ( راجع ردي ع حنين الرووح :d) <~ مهين مافحاله يكتب :Looking:

يالله ربكـ كريم .. :m

وإن شاء الله أشوفكـ راكبن واحد شد بلد
وأقولكـ

راكب الي كـن زولـه زول ذيـب
..........................ان نطحتـه وان قفيتـه مــن ورا


وكل الشكر لكـ يالاسحم أقصد يالاطيخم ع مروركـ المتعنطــــــــــــر :d:h