مشروع كوافير نسائى ...
السلام عليكم ورحمة الله وبركاتة
اللهم صلى على محمد والـ محمد الطيبن الطاهرين كيفكم اخباركم انشا الله بخيــر اممم افكـر فى انى اسـويـ لى مشروعـ وافكـر افتح كوافيـر فقبلـ لابدا حبيت ادرسـ الموضوعـ عدلـ فمن اساسيات المشروع الناجح الدراسة وعندى اسئلة واستفسـاراتـ وقلتناخد المشورة ياليت اصحـاب المشاغــل او الى عندة اى فكرة يوقفونـ معاى واكونـ شاكرة لهمـ منـ كل قلبـى ولهم منى احلى دعوات ورحمـة الوالدينـ تكلفت المشغـل ..؟؟ احياجات المشغــل ..؟؟ من وين اقدر اوفــر اغراضـ المشغــل والاغراضـ كيف مستواهـا يكوون ماركات ولا شنو وشنو الى راح احتاجـة ومهم ؟؟ اسباب نجاح المشغـل ؟.؟ كم عاملـة ومن وين اجيب لى ..؟؟ الرواتبـ كيف تكون وين الافضل بالنسبة ولا راتب محدد وفـى حدود كم رواتب ؟؟ وكم اسعر كل خدمـة هل مخفضـة ولا الاسعار العاديـة ؟؟<< فى ناسـ مايعجبها الاالغالى والشي الرخيصـ تقولـ اكيد مو اوكى وممكن كمان الاسعار المخفضة ماتعطى المشرروع حقــة ... المصاريف الى راح اصرفهــا ع المشغـل ..؟؟ انتو اهل الخبرة شورو علـى عندى اسئلة كثيررة بسـ حاطة الموضوعـ ع السريع وانشاء الله اد دكرت شـى بكتبة كمان انتو اى معلومة راح تفيدنى لاتبخلوون فيها ورحم الله والينكم كلكم وربى يوسع ويفتح على الى يرد على اوسع ابواب الرزقـ الموضوع بسـ دراسـة يعنى للحين ماسويت شـى لين ماحس انى درست الموضوع عدلـ انشا الله بعدهـا انتقل للخطوة الثانية الى هى التنفيد |
اذا انتي بجده عندي مشغل للتقبيل
لتغيير النشاط ارسلي رقمك ع الخاص |
انا اوفر لك كل الاغراض والتجهيزات بس انتي حددي وش الخدمات المقدمه وكم عدد العاملات الي تبين تحطينهم
بخصوص اسباب النجاح الاهم العاملات اذا انتي بالرياض انصحك تحطينه حول ملاهي زي الروضه والخيمه وانصحك تقومي بزياره للمشاغل وتكلمي صاحباات المشغل او تقومي وتروحي للبنك التسليف مثلا وتطلبي منهم يدلونك على وحده دعموها عشان تستفيدي من خبرتها غير كذا انتي بنت المفروض انك اخبر منا حنا يالعيال عموما اخر نصيحه انصحك تروحي وتسولفي مع العاملات وتحاولي تنقلي كفالتهم عليك طبعا قبل ماتسالين تشوفين كم رواتبهم وغير كذا تجربي خدمات اشهر مشاغل الرياض عشان تشوفي نقاط القوه والضعف في كل مشغل بالتوفيق يارب |
تاجرة انا من الشرقيـــــة مشكورة ع مرورك الرووعــة
تاجر انا عندى خلفية بسـ بغيت الى فاتحة مشغلـ بيكون فى اشيا انا مااعرفهـا هى اخبر وتنصحنى فيهــا من احتياجات المشغل وكد موفقين ومشكورين ع مروركم ومعلوماتكم |
والله ماعندي فكره
ان شاء الله غيري يفيدك وبتوفيق ان شاء الله |
يستحسن الاستفسار عن شروط البلديه قبل الاقدام
على اي خطوه خوفي الواحد يتعب وبالنهاية بيقولو لازم خريجة معهد مهني بالتوفيق يارب للجميع |
من الاسئلة الي طارحتها مبين انك ماعندك خبرة في هالمجال عشان كذا اقترح عليكي تشوفين صالون جاهز لتقبيل
ادوات الصالون ممكن توفرينها من اي محل موجود عندكم لتجهيز الصوالين فيه نزيه والمشاط ومحمود سعيد << الافضل ماعرف لو عندكم بس اعرف انها موجودة في جده ومممحمود سعيد روعة اسعار ونوعية حتى المكياج اكثر من رائع عندهم وانصحك بماركة بيل فيزاج في الاضلال اكثر من رائعة واغلب مشاغل جده يستخدمونها بالنسبة للاسعار حق الخدمات على حسب الموقع تحددي يعني لوكانت منطقة بسيطة لو سويتي خدمات غالية اكيد محد بيجي ولو في منطقة راقية لو رخصتي اكيد بيستنقصون من قيمة الشغل مع ان لو المكان راقي اكيد الايجار اكثر وبالتالي طبيعي الخدمات تكون غالية بس خير الامور الوسط شوفي متوسط الاسعار في الصوالين يعني اقل سعر واكثر سعر وكوني في الوسط بالنسبة للرواتب على حسب نوع العاملات والخبرة لاكن لوكانو اختصاصيات اكيد مايقل عن الف الى ثلاثة الاف ولونظافة عاملة ب800 عدد الموظفات على حسب المكان وخبرتهم يعني لو فيه وحدة تسوي شعر ومكياج اوكي بس لولقيتي وحدة اختصاص مكياج مضطرة تجيبين خبيرة شعر |
بالتوووووووووووفيق
|
حبيبتي المشغل والله تعب واهم شي لا تاحطين رواتب عالية وانتي توك بالبداية الرواتب من 1000 الى 1700 ريال والكوافيرات افضلك تجيبين شاملات كل شي ولازم تكون شخصيتك قوية على العاملات ولا لعبو عليك وحطي مديرة تكون شخصيتها قوية تكون في الوجهه عشان مشاكل الزباين اللي ما تخلص واذا انتي لقيتي مشغل للتقبيل افضل لك من تأسيس جديد (اقل تكلفة) وبالتوفيق
|
موفقه بإذن الله ... لكي مني أجمل تحية .
|
الساعة الآن 07:51 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين