|
فرصة لاهل الاغنام والحلال
السلام عليكم ورحمة الله وبركاته
اخواني عندي سجل استيراد اغنام من الخارج ومو محدد فيه الدولة يعني لو ابي اجيب من سوريا او السودان بس مادري كيف استفيد من هذا السجل يقولون في ناس يجيبون عليه اغنام من الخارج ويعطونك على الراس 50 ريال هل هذا الكلام حقيقي واذا السالفه هذي صح شوفو اللي يبي يجيب حلال على هذا السجل مافي مشكل علما بان العدد مفتوح ومدت السجل خمس سنوات وانا رجال ابي استفيد ارجو من اخواني اللي لهم خبره يفيدوني وينوروني لاني والله غشيم بهالسالفه:d |
اسمح لي بهاذا السؤال بس من وين جبت السجل
|
شغلت هالسجل حوسة ياخوي والسجل من وزارة التجاره طبعا بعد موافقة وزارة الزراعه وخلوني استاجر احواش غنم وحوسة ومرمطه الوكاد كلف حوالي خمسة وسبعين الف ريال ولي سنة وانا اطارد فيه وتوه صدر قبل اسبوعين تقريبا ووينتهي عام 1437 واذا عندك خبره بالمجال هذا ياخوك تكفا تشرح لي لاني والله مافهم فيه شي ولك اجمل تحية مني على مرورك ياخوي حمد
|
طيب شف كم اسعار الغنم إلي بتستورد ووشو نوعها واحولها وان اشاء الله كان السعر يناسبني اتفقت معك
|
السلام عليكم ورحمة الله وبركاته
جندي عاطل أنت من أي مدينة ؟ |
بالتوفيق
|
سبحان الله لي يومين وانا افكر في هل المشروع وانا مراة كيف اقدار اطلع السجل
و ايش الخطوات الي اتبعها علشان اقدار اخوض هذا التجارة وهل يكون هناك دعم من صناديق الدولة اذا كان هناك للمشروع اساسيات وضوابط واكون مقدرة ومشكورة لكم |
اخوي رعبوب الحمام انت تبي غنم من سوريا والا السودان ترا انا ماعندي خبرة ولكن مدري عن اسعارها اللي يعرف اسعار الحلال يالربع يفيدنا لان اخوكم جندي عاطل غشيم جدا بسالفة الحلال
اخوي فايز الحجي انا من مدينة تبوك |
تبيع التصريح لي بـ 3 مليون ؟؟؟
انتظر ردك ^ ^ ^ امزح :) احسك دخلت جووو على سالفة ال 3 مليون وشكلك طماع تقول لا عشرة مليون او ماني بايع اخوي بالنسبة للي تقول انهم يشترون الراس بـ 50 ريال نعم بس مو رخصة استيراد الكلام على امر استيراد والتصدير لان الاستيراد موقف حسب علمي من سوريا والسودان ولكن هذا الكلام قبل سنتين ما ادري فتحوه او لا وكذلك التصدير الى دول الخليج واذكر قطر كانوا يشترون التصريح للراس الواحد من 50 الى 150 حسب المواسم فالرخصة للاستيراد الكل يقدر يطلعها لكن الامر بالتصدير او الاستيراد هذا الصعب والى عليه الواسطات |
اقتباس:
وعلى فكرة اذكر احد الإخوان كان داخل في هذا المجال عام 1990م ولليوم ما استفاد شي تعب وهرج وفي الأخي يطلع الكلام مو صحيح يجه معلومة ان به امر بعشرة الاف راس من منفذ ..... يطامر هو وربعه يبون المشتري وبعد مايلقونه يخبرهم الوسيط ان الأمر بيع وهكذا دوامة مافيها الا التعب غير المسائلات القانونية في بعض الأمور انصحكم ابعدوا عن هذا الموضوع هذا طريق له ناسه ممارسينه صعب الدخول به يضيع وقتك وانت ماسويت شي |
| الساعة الآن 06:49 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين