|
موظفتين سعوديات ومدير سعودي ...هل اقدر ارجع حقي والا فات الاوان؟؟؟
[align=center]
بسم الله الرحمن الرحيم انا عضوه جديده في المنتدى ...وعندي مشكله ابي حلها +مشكلة مديرتي ..... المهم انا كنت اشتغل في معهد إداريه كرف مو صاحي وغثى بنات :mad: ولا زود على كذا مدير نفسيه ...طبعاً اشتغلت سنتين الا شوي في المعهد على راتب الف ريال فقط لا غير مع ان المعهد يدخله مردود فوق الممتاز وطبعا قادرين يدفعون للموظفات أكثر من هالراتب بس مستغلين حاجة البنات للوظائف ولا زود على كذا يالله ينزل بعد اربع شهور او شهرين والاجنبيات على طول اول باول من يبدا الشهر الميلادي ينزل ليش؟لانهم اجانب ومساكين وصاجينا بالسعوديين تجار ومدري ايش مايحتاجون ...ومره اعترضنا نبي رواتبنا وش قال المدير :اللي محتاجه عطوها !!!!!!!! كانننا نطر يبي يحرجنا يعني ؟؟!! ...المهم قلت يمكن الراتب مايسوى بس الخبره واكتشفت انهم ماسجلوني بالتامينات يعني خبره مافي ...لا طلت خبره ولا راتب ....ابي اسوي شي كيف ارجع حقي ابي الخبره سنتين من عمري ضاعت على الفاضي مستحمله غثا المديرررر كل يوم طالع له بموال والبنات كاننا نطر منهم دفعنا ودفعنا يبون يسوون الللي يبون بدون حسيب ولا رقيب والمعلمات قسما بالله كل يوم مشاكل يتطاقون بالسكن ويجون يفرغون طاقتهم عندنا تعبت تعب كل يوم بلوه هذا غير المستخدمات وحركاتهم البايخه يافتنه يامشاكل مع السواقين هذا غير السواق المغزلجي ... المهم ابي الخبره كيف آخذها؟؟؟؟ علماً بان مديرنا مسجل بنته على انها تشتغل معنا بالتامينات والله ماعمرنا شفنا وجهها يعني قاعده ببيتهم مرتاحه وتجيها خبره واحنا نكرف ببلاش ...ليش؟؟ وشي ثاني انا قدمت استقالتي لمديرتي المباشره ووافقت ماعلمت المدير اني بستقيل ولا هي قالت له يمكن يقول اني ماقدمت استقالتي له او شي كذا كانقطاعي عن العمل بدون اذن ومعي الخبره اللي تثبت اني مشتغله عندهم من... إلى....(الخبره من المعهد وعليه الختم وتوقيع مديرتي واللي اعرفه اذا ماسجلت بالتأمينات ابل هالخبره واشرب مويتها يعني مالها داعي) الشي الثاني اللي هي مشكلة مديرتي قدمت استقالتها للمدير المهم هو اصلا قايل لها قدمي استقالك والعذر انها موقعه عقد تشتغل مدرسه(يبي يتخلص منها لانه يبي وحده يمشيها على كيفه ماترفض له طلب قصدي يطلع شهادات بالهبل للي يعرفهم عشان يثقل ملفاتهم وشغل حوسه يعطي برامج من دون تراخيص وكل شي بوجهنا ومشاكل مع المؤسسه بسبة هالبرامج ...المهم قدمت استقالتها وبعدين اتصلت عليه تبي الخبره وش قالها النفسيه ....اصلا انا ماوافقت على استقالتك!!!! (أنا شايفه رسالته بنفسي اللي يطلبها تستقيل) قالها اول شي تعالي واذا جت بديلتك دربيها وبعدين قدمي استقالتك يعني ماراح يعطيها اخلاء طرف (على فكره هو جايب بديله ومعلمتها جزء من الشغل اللي هي تسويه باقي الشغل اللي انا مسؤله عنه ومعلمته للموظفه الثانيه بس هي بعد استقالت ورحت للمعهد عاساس اعلمها بس اغلبه موجود بالتعاميم تقدر تطلع عليها يعني مافيه شي غامض ) ابي اسال هل هي تقدر تاخذ اخلاء الطرف والخبره غصب عنه؟؟؟بدون ماترجع للمعهد؟؟؟ المدير للمعلوميه سعودي .... اتمنى تفيدوني وكلي ثقه باعضاء منتدى البطاله ..... [/align] |
والله موضوع ماينسكت عليه الصراحه انا ماعندي خبره بالسوالف هذي لاكن كلمي رجل اخوك او ابوك او احد من اقاربك يروح للادراه نفسها ويتفاهم معهم واذا مانفع روحي لديوان المظالم يجبون حقك غصب
الله يوفقك دنيا واخره وان شاءالله تاخذين الخبره |
اقتباس:
بالاضافه لاستقالة مديرتي... |
شوفي اختي
هل وقعتي عقد أول ماتوظفتي ؟؟ اذا كان معاك عقد تروحين للتأمينات الاجتماعية ( قسم التفتيش ) وهم يجيبون لك حقك طبعا تطلع لجنة تفتيش ع المعهد ويغرم ويخالف ويوقف عن الاستقدام لمدة 5 سنوات الكلام اللي اقوله لك من واقع تجربه شخصيه مريت فيها قبلك وحسبي الله ونعم الوكيل في القطاع الخاص .. |
اقتباس:
سؤال وش دخل الاستقدام فينا؟؟ |
الله يكون بعونك , المفروض تكون عندك نسخه من العقد الوظيفي وقبل لا تقررون بالانسحاب كان تكتكتو ابسطها ودي افتح لي حساب في البنك الفلاني وطالبين مني تعريفه كوني موظفه
وماضاع حق وراه مطالب |
والله بجد مشكلة ومنه لله ويارب تلاقي اللي يفيدك
|
اقتباس:
والتأمينات توقف الاستقدام عنهم كنوع من العقاب لهم .. انا حبيت اوضح لك اللي بيصير لهم اذا قدمتي شكوى , وابغى اقول لك شي اذا قدمتي الشكوى بيقولون لك التأمينات ( حاولي تحلي الامور بشكل ودي واذا مانفع أرجعي لنا واحنا نتصرف ) طبعا انتي روحي لهم واذا وافقوا يحلون الامور بشكل ودي يتم تسجيلك ( بأثر رجعي ) وبس ..!! :Thumbs: |
اقتباس:
اقتباس:
اقتباس:
قال :لا خله نبي نشوف الشكاوي والاقتراحات عشان نطور المعهد....الموضوع سب فينا بالاسامي وتشويه سمعه ...يعني لو صدق اقول جزانا ونستاهل ماقالوا شي من فراغ.... تخيل احد يحش فيك ويطلع سوالف وبهار وانت ساكت والمدير مستانس يقول ردوا عليهم معجبه الوضع وطنشنا ولا سوينا اللي يبي يبينا نتناقر معهم بالمنتدى والله ماوصلت وننزل لهالمستوى ... ...الله عالظالم بس... |
^^^^^
ربنا كريم وبيعوضكم إن شاء الله .. أجل بدون حل ودي قولي لهم أبغى حقي ويجيبونه غصباَ عن انوفهم .. اللي يقهر انكم بنات ماتقدرون تاخذون حقكم بس حاولوا ولا تسكتون حن حقكم ابدا .. بالتوفيق .. |
حياك الله أختي
واضح الوضع و التطفيش و الإستغلال لدى ما يكفي أعرف ما يدور في القطاع الخاص و الادهى تصرف بعض السعوديين أخس من الوافد اما هذا المدير يعلم الله انه خبيث و لا هو رجل على تصرفاته الغبية الف ريال مع ان الحد الادنى للسعودي 1500 و مع هذا يستغلون الحاجة للعمل و لا يسجلونكم في التامينات مجرد توفير نسبة 11% اللى عليهم من 1500 و ليس الف ريال المهم أختي حاولي اخوك او شخص يتكفل بمطالبة حقوقكم و مستحقات الفترة سواء راتب او تامينات او خبرة لانكم تحتاجون معرفة النظام و كيف يتم الشكوى تكون مجموعة أفضل و في صالحكم جميع و قوة لكم يكون عقدك و راتبك واضح و من تاريخ العمل حتى تركه و تطالبون بكل شهر لم يسجلكم فيه و الأهم الخبرة و الله يوفقكم |
اقتباس:
آمين يارب ...الله يجزاك خير ويوفقك... زود على اننا بنات مترددين وخايفين من أن المطالبه في حقوقنا تأثر علينا مهنيا في أماكن العمل الأخرى في المحافظة بما انها صغيره والمدير له علاقات كثيره لذلك قررت اني ارمي خوفي وراي والله الرازق ...مشكور على ردودك كثير استفدت منها ... اقتباس:
|
أختي
حتى الراتب الف ريال أشتكي و تظلمي انك مجبورة على العقد و خلهم يعرفون وش صاير أما 800 و 900 هذا من الظلم و إستغلال الناس بآى حق يجبرون الناس على راتب هم يحددونه |
اقتباس:
انا رضيت بهالوضع من أول ....لو أنا معترضه كان أقول اي أطالب عادي ...بس مو مشكلتي الراتب الحمد لله عايشه ومو محتاجته واشوف نفسي احسن من غيري وحده تشتغل عندهم 5 سنوات وراتبها 1200 ريال يتيمه وتدفع مع أهلها إيجار بيتهم والمدير مايبيها تدور شغل ثاني ...كانت تبي تقدم على وظيفه راتبها 4000ريال وتبي الخبره منه بس ماقالت له... يسألها بوقاحه :ليش تبينها؟؟؟!!!(مستنكر) |
^^^
عمى في عينه اذا وحدة راحت راح يلقى بدالها 100 خلي الناس تترزق أعوذ بالله من هذه الأشكال انت اعملي مثل ماقال الأخ : تبطون عظم هدديهم بالتأمينات ولاتخافي مايقدر ينكر في شهود انك موظفة من زمان غير الطالبات يعرفوكي شخصياً والدليل كتاباتهم عنك في النت .. |
فيه بشاره للأخت ( بلاك ميوزك )
كنت بالأمس في التأمينات بسبب معاملة لي عندهم وهي قريبة من وضعك في المعهد لكن انا سجلوا لي ربع المدة والحين اطالب بالباقي .. المهم قلت دام وصلت للتأمينات اسألهم عن وضعك وأشوف وش يقولون ..؟؟!! قال لي الموظف لو رفضوا يعطونها العقد تجي للتأمينات ( قسم التفتيش ) وتكتب شكوى وينتهي دورها هنا قلت له كيف ؟ قال احنا نكمل كل شي نرسل لجنه تفتيش ونسحب منهم كل الصلاحيات ونشوف جميع الاوراق اللي عندهم ونخليهم يطلبونها تتنازل هذاك الوقت بدل ماكانوا هاضمين حقها .. يعني ماعليك خوف حتى لو رفضوا يعطونك العقد حقك بيرجع لك ان شاء الله !! |
الله يوفقك يا عظم
قبل اسبوع و أكثر قابلت صديق و نتحدث عن زميل اخر في التامينات قديم و قالت الان لديه جولات تفتيش على بعض الشركات و لديهم نظام خاص بهم يتابعون بعيد عن مكتب العمل الغبي و ذكر انه دخل شركات فيها أسماء سعوديين أكث رمن 25 و لا يوجد غير احد و يسال الموظفين مصري و أردني عن كشوفات الراتب صاروا يلفون على أنفسهم ويسأل السعودي الوحيد يقول لا يوجد غيره و المشكلة اللى خائفين و متضررين من هذه الجولات هم الأجانب الله لا يوفقهم و كذلك ظهر مؤخرا رابط مباشر في موقع التامينات اذا وجدت اسمك مسجل لدى شركة بدون علمك سجل رقمك و ارسله لهم المشكلة في قلة التفتيش و تطبيق النظام لدينا في الشركة أسماء غير موجودين لو سال اى مفتش أو جهة و يريد مطابقة مكتب العمل و التامينات و الموجود على الواقع يظهر التلاعب مباشرة لكن الجهات المعنية لا تريد و يمكن أوامر |
^^^^
فسسسسساد في كل شيء زمن الله يجيرنا منه .. |
اقتباس:
و أدري انهم ماراح ينكرون إني اشتغلت عندهم وفيه بنات معي موظفات عندهم ماسجلوا بالتأمينات بس مو متأكده من سجلت خبرتها واللي ماسجلت ...أنا متأكده من إني ماسجلت لأنه مارد علينا وقالهم إني مسجله يوم سألناه....وكمان الرابط اللي أكتب فيه رقم السجل المدني ماطلع لي شي ...وحطيت رقم السجل المدني لبنته وطلع انها موظفه لأني كنت مو متأكده وتأكدت ...المهم انا ابي حقي ومايهمني ابلغ عن التلاعب في تسجيل بنته ... اقتباس:
والله إرتحت شايله هم العقد ..الله يجزاك خير ويوفقك ... اقتباس:
اقتباس:
صادقه و الله ماكنت أدري ان الاوضاع بهالسوء عندنا ... |
يا اختي افشخي العقد اذا تحبي الاصل كمان بعد وروحي اشتكي او سوي نسخه طبق الاصل صوريها واختميها بختم المنشئه. وحسبي الله ونعم الوكيل وربي لو انا ياشيخه لا استاجر نااس يجونو يضربونو ضررررب المدير ذا اااااااااخ بس.
|
اقتباس:
تعرفين أحد ؟ خخخخخخخخخ نتبلطج مره بالعمر .... انا متفائله وانشاء الله تمشي الأمور زي ماابي...والحمد لله اخيراً قبل إستقالة مديرتي أمس قالت لي ...باقي مشكلة الخبره .... |
| الساعة الآن 03:17 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين