استثمار المال
 

السلام عليكم
حبيت اشاركم في القسم وتشورون عليً
انا معاي رصيد بالبنك 20000 ريال كيف استثمر فيه لكن شرط يكون حلال.
وتقبلوا تحياتي

بسم الله الرحمن الرحيم

السلام عليكم ورحمة الله وبركاته

رح للمعارض وقم بشراء سياره فورد وانيت بتحصل سعره في حدود 5000 ريال للنظيف وبعد كذا توجه لمعارض الزل والمفروشات وحمل " زل " مفروشات بالـ 15000 الباقيه ورح بعهم في الشوارع والطرق العامه والمساجد
كل قطعه بتكسب فيها مكسب طيب حتى للصغيره
ويمكن عشر قطع أو اكثر

وشكرا

اخوك جبل شلمان

شوف روح استفسر من بنك البلاد
عن خدمه ثمار
اعتقد اسمها كذا
او قله عندي مبلغ ابي استثمره عندكم
وبيشرحلك عن الخدمه

والله بكوم خسران 10000%

الرياض

[align=center]
ماشاء الله

المبلغ حلو جدا ماشاء الله
ولو تقسمة لي قسمين يكون احسن
انت ايش طموحك ايش تميل له من التجارة
بس سؤال لانة مو واضح ليا انت بنت ولارجال
لانة في مشروع حلو اذ كنت بنت وراح يفيدك ومستعدة اوقف معاك لين ماتصيري تاجرة من جد ولك اسمك
[/align]

[align=right]

بما انه مو واضح انت ذكر ولا انثى فالاقتراحات للجميع ..

+ جيب بضاعه تقليد ماركات هاي كواليتي وبيعها على الاكشاك / المحلات /
المشاغل / تاجرات بازار ... لو عرفت تسوق بتدخل ذهب لأن الحين الناس تلاحق
الماركات

+جيب بضاعه غير موجوده في السعوديه .. امريكا/ اوروبا / فرنسا .. اللي تبي
وبيعها ياعلى افراد او على محلات وبرضوا يعتمد على شطارتك في التسويق وصبرك

+مالك خلق وجع راس اشتري اسهم الراجحي وانساها .. بتقول ليش بأقولك اسهم
الراجحي جاااامده وتتضاعف وارباحها حلوه .. وكل مازاد عندك مبلغ اشتري اسهم زياده
واذا ماتبي الراجحي دور غيرها بس خذ اسهم قيااادية

+دور على ناس مخها نظيف وعندها مشاريع بس ماعندها راس مال .. والربح بينكم
وعلى فكره كثير ناس تسوي كذا

+ اذا انتي بنت جيبي كوفيره فلبينيه .. ووزعي رقمها طبعا تروح للبيوت قص/صبغه/
مكياج/ تسريحات .... والقائمه تطول ... بتدخلين الماس مو بس ذهب خاصة اذا شاطرة

+ اذا نزل ايفون ٥ ويقولون كم شهر وبينزل اشتري لك درزن وبيع الحبه بربح ٥٠٠ ريال
لا تكثر الربح عشان تربح زباين يدورونك بعدين .. بتطلع لك بربح حلوووو
وخاصة الايفون هبااااال الناس اول ماينزل مستعده تشتري بـ ٧٠٠٠ ريال :Looking:

+ دور مصمم/ مصممة مواقع .. وافتح لك سايت لخدمات التصميم انت والربح بينكم

+ اذا عندك احد ممكن يشاركك جيبوا لكم اثاث من الصين .. ترا هالموضوع مابعد
اشبعوه التجار يعني فيه فجوة.. بس لازم احد ذووقه رفيع يعرف يختار الاثاث الذووق
والمطلوب ..

+دور طباخه .. بس طبخها يكون لذييذ .. ويكون ماعندها راس مال .. انت تدعمها
بالمطلوب وتوفر شخص يوصل الطلبات والربح بينكم وممكن تتعاقد مع مطاعم ومخابز

يعني الافكار بتبطي وهي ماخلصت لكن نصيحتي لك انتبه تبدأ بكامل المبلغ
دور المشروع اللي زين ولو بربع راس مالك لأن غالبا النجاح مايجي من اول مرة ..
ولو حطيت نصها ولا ربعها بأسهم الراجحي وتاجرت بالباقي فخير وبركة
واذا عندك مشروع بس يبي له راس مال خله على جنب ودور مشاريع صغيره
تزيد راس مالك وتعرف اسس التجارة وبعدها افتح مشروعك ..


والله يوفقك ويوفقنا ويفتح على الجميع فتح مباارك
على فكره اذا بغيت بضاعه من امريكا انا موجوده << ميب تسوق ابد :d
واذا بغيت تشتري بضايع صينيه .. سوي بحث بقوقل بيطلع لك مية موضوع
شرح اقراها زين وبتعرف الطريقه وتوكل على الله[/align]

؟؟
 

اللع يعين

سيارة غماره وبيع بالمساجد