مشـروع آلجميـع غآفل عنـه ،، { بدآخل التفآصيل } ،،
السـلام عليكم ورحمه الله وبركاته
كيف الحال ان شاء الله ،، الجميع بخير وصحـه وعافيـه . \ / \ / \ / \ / \ / آنآ صرآحه ماعرف اسعآر المشروع ولا آعرف توثيـق العآمل { عشآم مآيحط رجلـه } ،، ولآ آعرف وشلون يجيبلي الفلوس { كل شهر بشهروه } .. المشروع ياطويلين الاعمار { دينـه } ،، اناا جاني واحد من العيال قالي ياخي تدري بوه مشروع الناس ماتدري عنه غير راعينها والي مايعرف يقول لا هاذي ماتدخل فلوس ،، المهم قلت له وشو المشروع قال شف تشريلك دينـه ،، { ماحدد نوع بس الكبار زي جامبو سوبر .. الـخ } المهم وقالي تروح تدور لك هندي او بكستاني او سوداني { عآمل بشكل عآم } ،، تعطيه الدينه وتتفق معـه بشرطه ومادري وين عشآن يجيبلك مثـلأا بشهر 15 الف << هو يقول ماهو اناا ،، طبعـا انا شفت ان المسئله 15 الف قلت يويلي وشلوه ندور وظايف تك بالبيت وتجيك هزرق وتاخذلك وحده ثانيـه ،، وانت ماشي ،، قلت اسمع دورلي { طبعا هو ساكن برياض وانا بالشرقيـه } ،، قال طيب عطني مهله كم اسبوع ادورلك ،. طبعا وانتم تعرفون الرياض حراج ابو قاسم وسوق البطحه ومادري وشو بعد يعني شغل ع كيفك دق علي قال لقيت سوداني يقول ب 10 الف والنص بنص قلت له انقلع ويقول دورت واحد ثاني بكستاني قال ب 8 الف ، قلت ياخي وين تقول 15 الف قال ياخي مالقيـت اكثر شئ لقيت 8 الف بس اني مادورت زيـن .. وقال اصبر بعد شوي اشوفلك واحد اكثر .. طبعـااَ اناا بشتري الدينه { 00000 } يعني وكآلــه ،، وبلمواصفات الي يبيهـأا { واي خراب بعد انتهاء العقد يصلحـــه } .. بس اني متخوف من شئ واحد هو { اذا جاء الشهر وقال فلوس مافي انا مافي حصل شغل ولا ناقصات ولا ولا ، } طبعـا هو مايكون ب كفالتي لاني لاقيـه من برى بس اذا شفت انه قالي مثلا 10 الف ادبرلي واحد يكفله من الي اعرفهم عشان مايهرب .. ويآليت الي عنده فكره عن المشروع يقولنـا .. عشآن نشوف بكم سعر الدينه وشلون يعطيني الفلوس اول ب اول ،، وانا مادري بوشو راح يشغلها يعني يحمل برسيم ولا يحمل كيذا مادري .. وهو يعني بلمبلغ الي يجيني { انا مئجرله الدينـه } .. وشسمه بعد << يتذكر ... ايـه الي عنده معلوماات عن كل شئ يعلمناا .. ولاتنسونى من دعاكم بظهر الغيب . وشكراً |
مشروووع نااااجح ولاكن افظل شي انك تفتح موسسه وتحولهم عليها وبعدين تتفق معاااه علي اللي تبييه هذا افظل شي وانا عندي 2 والحمد لله خير ونعمه وعندي واحد من جماعتنا فاتح الشركه وشغاال عليها وعنده توكيل عليها لانه انا كويتي وشغااال عدل والاجااار اسبوعي كل يوم اربعاء محددله نسبه كل واتفقنا انا وياااه عليها وجاب رفيجه وحولته علي الشركه وانشالله راح اجييب السياره الثانيه من الكويت اذا الله رزقنا --------------------------------------
اخوووي لا تخاااف كل ماجينا مشروع خفنا وخفنا وخفنا غااامر بشي بحياتك والله يرزقك |
[align=justify]
فكره كويسه علىقولت القايل لاكن كلام رفيقك اجدع نصه ولا تاخذه على محمل الجديه العمياء اولاً- 15 الف مستحيل لايوجد من ياخذها منك بهالمبلغ لانه خسران 200% ثانياً- عامل مو على كفالتك ما انصحك فيه ابداً ثالثاً- التامين على الدينا مشكله بين المالك والسائق المؤجره عليه (يعني مو على كفالتك) رابعاً _ قيمة الدينا السوزو جامبو بدون صندوق طبعاً وكاله مية الف ريال؟؟ خامساً - الايجارات تتراوح من 2000الى 4000الاف ريال حسب علمي وخذ الكلام الاكيد فانا ابن هذه الشغله ودكتورها ايضاً واي ستفسار انا حاضر امل ان اكون قد افدتك لكي تكون حسبتك صحيحه تحياتي لك [/align] [/align] |
اقتباس:
يعطييك العافيـه على ردك الصاروخي وهااذا يدل على حرصـك للمنتدى وللقسم نفسـه والله يوفقك |
اقتباس:
والله يلعشير كلامــك { افادني واجــد وبنص الشغلـه } .. يعني ان دبرت لي هندي وخليته على كفالتـي ولا اناا عندي فيزه سواق اجيب لي .. وبعديين 15 الف خله تولي لان الصدز ياخي مادخلت مخي ودخلت مخي بنفس الوقـت .. وانا مستعد اشتريلي دينـه لاكن اذا كان المدخول الشهري اكثر من 8 الف يعني حدود 9 - 8 التآمين ومآتمين ازهله .. وافهم من كلامك يعني ااذا سويت كل شئ { يجيني بشهر 4 الف او الفين } .. :( ويآليت توضح سالفه ادخل بالشهر لان فيه نآس { ماتنام حمير مكده } .. تشتغل ليل نهار بعدين بزيدك من البيت شعر اقصد من الشعر بيت ،، هالحين شفت ام رقيبـه { ياخي تدري الدينات دخلو باليوم حول 5 الف الى 8 الف باليوم بس فما بآلك لو يتكي ،، عندهم لين يخلصون .. وهم جدل من النيآق .. ولاهنت على التوضيح وشآكر لك على .. تعقيبـك للموضوع |
الله يرزق الجميع من فضله
|
اقتباس:
كلام 100% :rolleyes: انا كديت دينا بنفسي :mish: بالطقاق يالله تجيب 2500 ريال شهري مع زحمة الرياض مع مصاريف الديزل والسفريات واللعب اذا تبي نصيحتي خذ لك قلاب اكتروس اصرف على الاقل يدخل بالشهر 12000 الف تبرد الكبد وتستاهل التعب وتقدر تجيب سواق عليها على كفالتك |
اقتباس:
اميـن ويآتس |
اقتباس:
كلام سليم ويعطيك العافيه ،، بس ان شريت القلاب او لقيت لي بالاجار ،، تعرف احد يشغله لي ب 12 الف .. :) |
عندك قلاب انا اشغله لك عن طريق عمي ويدخل لك احيانا 12 واحينا 18 الف
بس لازم تحمل تكاليف اي خراب راح يصير معك يعني بالعربي اذا جاك مبلغ من الايجار خل 5000 الاف على جنب احتياط للتصليح ولازم تكون قريب من الشركة وتشيك على سيارتك وتستلم الشيك طبعا الشيك كل شهرين واحيانا ثلاث اشهر |
الساعة الآن 04:53 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين