|
مكتب العمل وصندوق الموارد البشرية (سرقوني) ومادعموني
بسم الله الرحمن الرحيم راح اقول لكم قصتي الي بعدها كرهت العمل وكرهت الجهات الحكومية انا متخرج من الكلية التقنية قسم ادارة مكتبية ومن ضمن التقديمات قدمت في صندوق الموارد البشرية وبعد سنه جاتني رساله على الجوال من الموارد البشرية وراجعتهم واتفقنا على وظيفة استقبال في احدى الفنادق بمكة المكرمة على ان يكون الراتب 3000ريال يدفع صاحب الفندق 1500ريال وصندوق الموارد البشرية 1500ريال ولاني معاي الكلية التقنية تكون من اول شهر على العموم وافقت واخذت ورقة ترشيح من الموارد البشرية وورقة ترشيح من مكتب العمل وديتها للفندق وقال لي نفس الكلام ومن بكره تداوم هذا الكلام يوم 26 شعبان واشتغلت معاهم ودخل علينا شهر رمضان وضغطه ونهاية الشهر وانا متحمس للراتب بعد عطالة سنتين الى يسلمني 1500 ريال فقط واستفسرت منه قال لي بعد ثلاث اشهر تستلمها كلها يعني 4500 مره وحده بعد ثلاث اشهر قلت طيب واستمريت ثلاث اشهر على 1500 ويوم كلمته على باقي حقي قال لي ماجاء لك شي من الموارد البشرية وراجعت الموارد البشرية وشرحت لهم وقال خلاص اعتبرها فترة تدريبية وتصير لك 3000 من الشهر الجاي طبعا مالي حيله رضيت ووافقت واشتغلت الشهر الرابع وهو شهر الحج وتعرفون ضغوظ شهر الحج ويوم انتهى شهر الحج ويجيني الراتب 1500 ريال فقط والله تالمت كثير كان اقدر اشتغل اي شغله في الحج واطلع منها 4000 على الاقل على العموم سالته وقال لي ماجاء لك شي من الموارد رجعت للموارد البشرية وقال لي بكل بروده لساع ماتفقنا ماوقعنا اتفاقية مع صاحب الفندق بس راح نتفق معاه خلال الاسبوع هذا وتستلم من الشهر الجاي 3000ريال والي راح عليك راح مالك شي فيه طبعا رضيت وصبرت قلت يالله مانبغى العطاله ثلاثة الاف حلوه والله يعوضني في الي راح واشتغلت الشهر الخامس وللاسف ماستلمت غير 1500 ريال ورجعت الموارد البشرية ونفس الكلام قالو لي لساع ماتفقنا مع صاحب الفندق وقلت له ليه ارسلتوني له وانتم لساع ماتفقتوا معه سكت ومايدري ايش يقول وقالي بكل برود المفروض مانرسلك لين نتفق قلت له طيب دور لي شغله ثانية قال ماعندنا تبغى تقعد في وظيفتك ولا امسح اسمك ومكن نتفق الشهر هذا والحين مازلت شغال معاهم للشهر السادس ومدري ايش اسوى الي عنده حل يفديني به وانا عارف انهم نصابين بدل مايدعموني كرهوني فيهم والله معد اثق فيهم ابد وكرهت الوظايف عن طريقهم . ماقول غير حسبي الله ونعم الوكيل |
حبيبي ..
ركز معايا شوي ... انت قلت في بداية الموضوع .. أن عندك خطاب تعريف وترشيح من مكتب العمل .. و من الموارد البشرية .. ووديتهم الى الفندق اللي تشتغل فيه الآن .. يا ليت اذا تقدر تزودني بالأوراق .. اللي وديتها الفندق .. وتعطيني نصها بالضبط ( حرف حرف ) .. وابشر باللي يطلع لك خبرهم من عيونهم .. للأسف .. أحنا نلوم القطاع الخاص على التحايل .. ولكن ما توقعت أن القطاع الحكومي مثلهم .. يا ليت اللي طلبته منك .. يكون موجود .. وابشر بالحل من عندي .. حتى لو وصلت قضايا .. انا لها يا خوي .. تحياتي لك |
يؤؤؤؤؤؤؤؤؤؤؤؤؤؤؤيؤ
وربي قهر ولو كنت أنا ما أقعد لهم شهر واحد خير يروح تعبك عالبلاش الله يكون في عونك:) |
حياك اخوي الياقوت بالنسبة للاوراق الورقه الي اخذتها من صندوق الموارد البشرية فيها كالتالي صندوق تنمية الموارد البشرية السادة / فندق .... اسم الفندق الموقرين استفسار عن معلومات مشترك وبعدين فيه جدول اسفل مكتوب فيه التالي اسم المشترك/ موجود اسمي الرباعي رقم الهوية الوطنية/مكتوب رقمي حالة الدعم/ غير مدعوم سابقاً حالة وزارة العمل/ غير مسجل بوزارة العمل حالة التامينات الاجتماعية/ غير مسجل في التامينات الاجتماعية بعدين اسفل مكتوب : مكتب مكة المكرمة وتوقيعهم وتاريخ اليوم وبالنسبة لورقة الترشيح من مكتب العمل ماتذكرها زين لاكن اذكر منها كان مكتوب فيها من مبدى التعاون بين مكتب العمل والقطاع الخاص نطلب منكم توظيف ومكتوب اسمي ورقم هويتي ومن هذا الكلام اقدر اروح للفندق واخذ الاوراق من ملفي عندهم بالفندق موجود فيها التاريخ والتوقيع من عندهم بس ماتوقع فيه فايده لاني ماوقعت اي عقد طلبت من صاحب الفندق نوقع عقد قال لي بعد مايدعمونك تصدقون ودي احرق نفسي قدام مبنى مكتب العمل :d بس طفوا النار بسرعة قبل تحرقني:k |
هات لي صور منهم .. و ارسلهم على ايميلي ..
وانا احتري الخبر .. تحياتي لك |
الله يعينك
واقولك لو الاوراق معاك حقت مكتب العمل والموارد روح لديوان المظالم وقدم شكوة وربي يسهلها عليك |
ادعاا عليهم ماالك الى ادعاااء
الله على الظااالم |
ولد البادية الله يكون بعونك وقت ماقريت مشكلتك تذكرت انى من قرف العطالة وافقت على وظيفة استقبال بعيادات طبية براتب 1500 واستمريت فيها لعام وزيادة الصراحة هذيك الفترة مدرى الواحد يندم عليها ولا لا مايندرى هى خير ولالا
المهم دام فزع لك الياقوت مااعتقد فيه احد راح يخدمك اكثر منه بالمنتدى محظوظ انت بفزعته لك الرجل اكبر من انى امدحه بسطرين وابشر بعزك كلمة اقولها لك نيابة عنه |
اخوي الياقوت جهزت الاوراق والحين الاوراق عندي جاهزه على الكمبيوتر بس انتظر منك ترسلي ايميلك على الخاص
ارسلت لك رساله على الخاص قبل ايام وطلبت منك ذالك ومارديت علي |
الياقوت
اخونا الياقوت ماراح يقصر معك
|
| الساعة الآن 07:28 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين