حلول البطالة Unemployment Solutions - المشاكل المهمة اللي توقف الكثير منا

حلول البطالة Unemployment Solutions (https://www.btalah.com/index.php)

المشاكل المهمة اللي توقف الكثير منا

السلام عليكم ورحمة الله وبركاته
مساكم الله بالخير اخواني وخواتي

عندنا مشاكل والله ما يحلها الا المسؤلين وهي :

1- (اللغة الانجليزية) انا واحد من اللي متعني من هالكلام والسبب اني خريج كلية تقنية حاسب الي ودراستنا بالعربي وانتوا تعرفون ان اي مجال يخص الحاسب كعلم ما يصير علم الا بلغة ودراساتنا مو مشدده بالامور هذي ولا تستغربون بعد كم سنة يطلبون فرنسي.

2- ( الرواتب ) انا جاي من جده او ابها او تبوك يم الجبيل او الشرقية والعكس وعلى راتب 3000 ريال او اربع ((( اذا لقيت ))) وفي الاخير تعال خذ شقه غرفتين بـ 18000 سنوي وليتها زينة الا والله مقرفه يعني يقول الواحد اجلس ببيتي وعند اهلي ابرك.

3- ( الخبرة ) يا اخوي اذا انا متخرج من كلية او جامعة ودربوني ترم كامل ما يكفيك ؟
وتروح تبي تشتغل ماعلشان الخبرة وقفت لك اللغة .

انا اليوم كنت بالجبيل اقدم معاي ست شهادات بعلوم الحاسب ما لقيت مكان يقبلني واللي زين يقولي قدم بالثانوية ترى فيه وظايف بالثانوي واهم شيء لا يكون معدي ثلاث سنين على التخرج.

انا اقول هالكلام اتمنى يوصل ناس تفهم وتقدر اوضاع الغير اذا انا في خير ولله الحمد الله يديم النعمة, في غيري راتبه له ولهله ولزوجته واولاده ومع كذا يتخرج من جامعة او غيره ويقوله راتبك ثلاثه مثل هذا وش يسويله هالراتب وهو متغرب عن ديرته .

اسف على الاطالة بس كلامي وكلامي غيري حبيت انقله.

ماألومك يااخ احمد كلامك في الصميم واحب اضيف ان الواسطة كمان هي سبب تخلفنا !!!
الحمد لله اقتصاد الدولة كل ماله في ازدهار ومشاريع وجامعات تفتح والوضع الله المستعان هو هو نفسه ..

مانقول الا حسبي الله ونعم الوكيل ..
والله يفرجها علينا وعليك قريب

تقبل تحياتي

والله كلامك مرة يجرح القلب ويبكية.
يا اخي هذا واقعنا المرير في ظل التخلف الي احنا عايشين فية وساكتين. تعال وشوف مكة ثلاثة ارباعها اذا مو اكثر اجانب والله السعوديين مايبانون. تقول انقرضو!!!
المدارس والمعاهد الخاصة كلها اجانب والله والله معهد الملك عبدالله في مكة مافية ولا سعودية ابد ابد كلهم سودانيات ويمانيات وكنديات وامريكيات بس دور سعودية ماتلقا ابد كئنا شعب متخلف مايعرف يقرا ولا يكتب علشان يجيبون كل هل اجانب في بلدنا يشتغلون لا والمصيبة وحدة من الي تدرس في المعهد وهي كندية بس اصلها سرلنكية معها منحة من الملك انها تدرس في الجامعة بكلاريوس وماجستير على حساب الدولة هي وزوجها...!! ولي مش مصدق يشيك على المعهد ويشوف بعينة الاخطلاط بين الحريم والرجال ولمساخة.

البلا ماهي مشكلتك لوحدك بس المخرج عايز كذا

ربك يفرجها علينا وعلى المسلمين

وربي حالك مثل حالي
الله يرزقنا بالوظيفه اللي نتهنى فيها

جبتها عالجررررررررررح المشكله إن هذي مشاكلنا ولا لها حل..
ربي يوفقك ويوفق كل العاطلين والعاطلات..