للأسف جامعي لغة عربية ...
 

بسم الله والصلاه والسلام علي اشرف الانبياء والمرسلين

في البداية يااعضاء منتديات البطالة اعتبر الجميع اخواني وماخاب من

استشار ..

انا خريج عام 1428 بكالوريوس لغة عربية من غير اعداد تربوي والحمد لله

معدل جيد , لكن المشكلة من بداية السنة لم اجد اي وظيفة لافي مدارس اهلية

ولا في مكتب العمل اللي يقلي مافي الا عمال تبي تشتغل عامل ولا عطنا مقفاك

المهم اني قدمت علي أمن المنشأت المرحلة الخامسه وخلصت الاجرئات والحمد

لله يعني ان شاء الله اني مقبول , لكن هل استغني عن تعب كل السنوات اللي

راحت وادخل العسكرية وامري علي الله , او اني اخذ تربوي واقدم علي الديوان

واغني ياليل مطولك لان الخريجين الين الان حول خمسة الالف خريج وانتم تدرون

عن خريجي اللغة العربية , والله يااخوان اني لي من رمضان لااكل زين ولا انام

زي الناس كلة هم في هم ماادري وش اسوي , مع ان وضعي المادي طيب ولله

الحمد بس العمر راح فياليت يااخواني تنصحوني وزي ماقلت ماخاب من استشار ..

ولكم منى فائق الود والاحترام اخوكم محمد ....

والله عين العقل الي سويت. لان وظيفة المدرس صارت مرة صعبة في ظل وجود الاجانب الي مزاحمينا في كلش. العسكرية هي الوظيفة الي مسعودة 100%100 :-)
الله يوفقك ويسهل دربك امين.
ياليتني ولد كان خاويتك

هلا أخوي الله يرزقك بالوظيفة اللي تريحك والتفاصيل لاحقا ان شاء الله

هي الفرصه المتاحه لك الحين

ومع الوقت ان شاء الله تحصل الوظيفه اللي انت تتمناها

والله يوفقك ان شاء الله

والله حالتك نفس حالتي معي بكالوريوس لغه عربيه وغير تربوي وتقديري جيد ومتخرجه نفس عامك 1428 نصيحتي لك أولا لا تدرس تربوي أنا خالي مدرس قالي لا تدرسين لإن الفرق بين التربوي وغير التربوي مرتبه وحده بس ،،، ثاني شي مافيها شي إذا اشتغلت بغير مؤهلك وإنت شايف الوضع المزري اللي إنا فيه لا مدارس أهليه قابلتنا والحكوميه زي ماقلت ياليل ماطولك
أنا أقول توكل على الله عسى أن تكرهوا شيئاً وهو خير لكم وإذا حاس إنك راح ترتاح في هالوظيفه من حيث أوقات الدوام والراتب والأمور هذي لا تتردد ..... وربي حاسه بالمراره اللي فيك......
دعواتي لك بالتوفيق ....

هلا بـ peom

والله اللي قاهرني اني مقدم علي مدرسة اهلية ويقلي مدير المدرسة معليش استقدمنا
اربع مدرسين لغة عربية ... قهرني

الله يحييك اخوي الم وامل وتراني اضفتك عندي

هلا بـ الاحت عاطلة 2006

اقتباس:

هي الفرصه المتاحه لك الحين ومع الوقت ان شاء الله تحصل الوظيفه اللي انت تتمناها

كلامك صحيح بس المشكلة العسكرية اقل خدمه فيها لين تحولين وظيفة ثانية خمس او اربع

سنوات يعني اذا دخلت العسكرية انسي شي اسمه تدريس ..

هلا ياخوي المشرف