ـألسلام عليكم ورحمه الله وبركاته


الاسم : بنت الغنادير
معاي بكالريوس في التربيه والادب

..

قصتي قصه ,
في احد الايام اتصلت علي مدرسه اهليه وطلبو مني اني اتوظف عندهم معلمه بعد عناااااااااء
سالتهم عن الراتب قالو ,, 2000 ريال قلت كويس
المدرسه قريبه بعض الشي من منزلنا هذي الميزه الوحيده والدافع الي خلاني اروح لها
رحت للمدرسه واتفقت معاهم اني اباشر الدوام مع بدايه الاسبوع استمريت معهم المدرسه جديده توها فاتحه
,,سالت عن العقد قالو بعد اسبوع مره الاسبوع وين العقد وانواع المماطله فيني
جاء وقت الراتب عطوني الراتب 1400 قلت ليه ,,
قالو خصم كنتي غايبه يوم وحسمناه طيب اليوم الي غبته يسمح له تخصمون 600 من راتبي طيب لييييييييه؟؟
من يوم دخلت هالمدرسه ولامره اخذت راتبي كامل ورب البيت الي خلقني ياعالم
المدرسه تعاملها سيء يعني يدورن علي المعلمه اي شي ليخصمون من راتبها
اعطي جميع المواد وانا تخصصي رياض اطفال يعني اعطيهم (حلقه/ لقاء اخير/ اركان ) فقط
قلت لهم انا مااعرف اعطي ماده رياضيات وهذي امانه ومسؤليه كبيره علي مع الوقت ومساعده من صديقاتي المعلمات المتخصصات بالرياضيات بالقسم الابتدائي بالمدرسه تحسنت كثير بااعطاء الماده قالو ساعدي المدرسه توها جديده ونبي تكونين من المؤسسين قلت مايهمني هذا كله انا بعطي الامانه وانا مسؤله امام الله وليس امامكم وعديت وعديت وعديت
ومدري ايش ياعالم انا تعبت راتبي كله مخصم وكل مره اسال
يطلعوني لي سبب واسباب مالها اي داعي
غير كذا مايحق لي المطالبه انهم خصومو من راتبي لاني غير موقعه لعقد
انا ماودي اخرج من عندهم وانا ماكملت سنه ودي اخذ شهاده خبره سنه ومستعده اتحمل اعطيهم جميع المواد
غير كذا مالي بريك استلم الاطفال من الساعه 6,30الى الساعه 12.30 بدون بريك
بدون راااحه والله العظيم اني تعبت بس ماودي اطلع عشان شهاده الخبره ..

الغرض من كتابتي للموضوع ,,, انا اخاف اخلص السنه ويقولون لي اانتي مااشتغلتي عندنا
وماحنا معطينك شهاده الخبره ,,
ياليت الي عنده مششوره بها الموضوع يفيديني ..
..... واشكر لك قراءتكم للموضوع واتمنى اكون وصلت لكم الفكرا
اختكم...

لحظه ابي استوعب !!!

الحين انتي مابينك وبين المدرسه اي ورقه رسميه اطلاقا حتى لو عقد تجربه كل هالفتره !!!!
من جدك انتي ؟

وتبين تضمنين حقك وشلون ! وش عندك يثبت بتقولين امانه وهم عارفيني وكذا بس لو نفترض انكروا وش تقدرين تسوين بيروح تعب هالسنه كله على الفاضي

الاجراءة المطلوبه تسوينها
تطالبين بكل اجراءتك بعقد رسمي يثبت كل حقوقك كموظفه
من راتب
من تسجيلك بالتامينات
واذا فيه تامين طبي يكون افضل

ومن ناحية الضغط يالغاليه الكل مضغوط وغيرك يداوم الين 6 المساء مو 1 الظهر الصبر زين

واذا مارضوا او ماطلوا قدمي استقالتك ورزقك ان شاء الله عند غيرهم صدقيني

انتي فيك تقدمي على غيرهم تقريبا اكتسبتي خبره ذاتيه مو شرط لزم يكون عندك شهاده خبره
وعلى فكره لو اعطوك شهادة خبره وانتي اساسا ماسجل اسمك بالتامينات ماراح تفيدك بالخدمه المدنيه واغلب الوظايف!

اتمنالك كل خير موفقه ان شاء الله

والله اذا مابينك وبينهم عقد اكييييد بينكرووون تعبك ولاراح يعطونك شهادة خير لكن حسبي الله ونعم الوكيل هذا الي اقدر اقوله.

مثل ما قوال اللى قبلي
لازم عقد عمل و تسجيل في التامينات
و معروفة المدارس الاهلية تجارة لا اكثر و لا أقل
و يستغلونكم في السعودة الوهمية و كل ما ضبط وضعهم تخلصوا من وحدة
و جاء اخرى
مسخرة و لا لأأنيت أول وحدة كثير غيرك أشتكى من نفس الوضع
يريدون خبرة و يتحملون الظلم و القهر و مع هذا لا يجدون أدني شئ من حقهم و الاحترام
حتى مؤخرا وحدة نفس الشئ مدرسة خاصة لا تدفع رواتب و العذر اولياء الأمور لا يدفعون رسوم
و يتضح لنها تعود لاميرة و يخافون الشكوى لا تفيد معها
و هذا يحدث في شركات و مستشفيات و يمكن اتفاق و تعمد من نفس المالك و المديرة

حلفت انزل هذا الاعلان

أريد تقديم استقالتي ، ولكن السؤال ، كيف ؟!

موظفة الاستقبال والأهانه!!!

قصتي من عجايب الدنيا السبع

اعط الاجير اجره قبل ان يجف عرقة " معاناة معلمين دار السلام "

أول تجربة عمل لي ساعدوني تكفوون ياجماعه

جامعة الأميرة نوره اقصاء السعوديات عمدا في التوظيف

معلمه تبي ترد اعتبارها

اختي الكريمه....لك رد عالخاص

تحياتي،،،

انا من رايي تشتكين عليهم بمكتب العمل وتطالبين بضمك في التامينات وكتابة العقد وما بقدرون يفصلونك
والله يعينك

عزيزتي انا اقولك احسبي من اول يوم دخلتي فيه الي اخر السنه اذا المده 9 شهور كملي واذا اقل لا تكملين لان شهادة الخبره عند ديوان الخدمه لازم 9 شهور ولا تقل عنها يعني لا تعبين نفسك اذا اقل حتى لو بيوم هذا اذكانت اهم شي الخبره عندك واذا تبين تطورين من نفسك فكملي

وبنسبه لشهادة الخبرهلازم تكونين مسجله بتأمينات عشان تكون اضمن لك

ويحليلك تبين بريك وانتي ر ياض اطفال حبيبتي انسي شي اسمه بريك وانتي معلمة روضة ********>> معلمة روضه ومجربه

اشكركم على ردودكم اخواني اخواتي والله يجزاكم كل خير
والله ماق شي قصرتو
وانا بقدم استقالتي لان مافيه شي رسمي معاهم وعلى قولتكم مافيه شي يضمن حقوقي
وبالنسبه للتسجيل بالتامينات اناماسجلت ابدااا

وانا توي متخرجه هالسنه لذلك مااعرفاي اجراءات او اي شي
ولاعندي حتى احد يدلني فيكم الخير والله يعافيكم ياارب

لكم مني دعواات بظهر الغيب
والله يقبل من الجميع


أحترامي ..

شوفي أنا تخصصي دراسات طفولة
واقولك المعلمة ملزمة انها تعطي كل المواد
انا درست مفاهيم رياضية وحركية وعلمية
واجتماعية ولغوية وفنية..
الرياضية : تعنى بتدريس الرياضيات
والعملية علوم ، والاجتماعية الأخلاقيات والسلوك
واللغويات ..تدريس القراءة والكتابة
والفنية للتطبيقات الفنية
وبرضه الحركية ..للرياضة والألعاب الحركية
حتى حاسب اطفال درسناه ..

لكن المفروض يكون معاك معلمة مساعدة
او ان المدرسة توفر معلمات للعربي والرياضيات
والانجلش والحاسب والقرآن

وفي غلطة كبيرة منك ..العقد فيييين ؟؟؟
انتي لو رحتي تشتكي مافي شيء حينصفك وراح تكوني تحت رحمتهم
حرام تعبك على يروح على الفاضي ..