|
ابو طيحة
السلام عليكم ورحمة الله اعتذر عن غيابي المتكركر علاكم و..لكن... مدري وش السالفة ؟؟؟ عندي الام شديدة في الرباط اللي القدم اليمين والركبة اليمين...ولا بقيت مستشفى الا ورحت له وسويت عنده اشعة والنتيجة طلعت اني سليم ولا اعاني من أي شي في غرفة انتظار احد المستشفيات نصحني شايب وقالي وفر على نفسك التعب ورح لشيخ يرقيك اللي فيك ماهوب عضوي ابد... مدري وش فيني الظاهر انهم صكوني بعين....انا مايهمني عين والا خشم..اهم شي عندي اني ارجع مثل اول... قبل كم يوم كنت شايل بنتي ورايح على سيارتي http://www.niot.net/niot_570/kia%20o....net%20(1).jpg ^^^ سيارة كفار لعنة الله على من صنعها..... واطيح عند الباب ويصك راسي في سيارة أبوي ويغمى علي ...قمت لحالي بعد 10 دقايق ...وانا فاقد الذاكرة....واطالع في يديني لقيت فيها طفلة عمرها سنة مدري بنت مين واقعد ادور على ابوها وامها...انتوا عارفين اليومين هذي كثرت حالات اختطاف الاطفال... لقيت باب عمارة مفتوح قلت اكيد هذولي اهلها ...ويوم طلعت قابلت ام فجر قلت لها هذي بنتك قالت ايه...قلت لها طيب تغطي الله يجزاك خير وغطي شعرك وهذي بنتك لقيتها في يدي قبل شوي...انتبهي لها ولاعاد تتركينها مع ابوها الظاهر انه خبل.... دخلت سيارتي وقعدت اطالع في المراية ...قلت الوجه هذا ماهوب غريب علي ابدا....قلت خلني انزل من السيارة قبل لا يجي صاحبها ثم يفقع وجهي... وانزل واروح البيت واناظر في المراية ....نص ساعة وانا أفكر هالوجه وين شفته؟؟ وأخيرا تذكرت...انا قاصر الشر حاكم بيزنطة سابقا...واناظر وين العيون...خلاص ماعاد فيه عيون....فيه نقطتين وخطين ....عيون وفوقها رموش...واطلع لام فجر قلت لها ....شايفة وجهي تمام..؟؟ قالت والله يعني ..قلت لها أهم شي أن الحروف تخرج من مخارجها الصحيحة ان كانت عين الله يحرق اللي اذاني وبهذلني ويسوّد وجهه في الدنيا قبل الاخرة....ويغرقه في سيل جدة وان كان موب عين الله يشفيني فمان الله ...ابو فجر اللي كل يوم مزحلط عند باب بيته |
وعليكم السلام ورحمة الله وبركاته
والعود احمدي اخوي ياهلا ويامرحبا والله يحيك بينا علي قل الكلافه ابو فجر لاتخاف ماهي عين اللي فيك عياره زايده وعلاجك التعدد لاعدمناك طرب حالك دام النفس حيه هههه |
اقتباس:
:g:g:g أنا ضد التعليق أعلاه لأنه سيؤؤل بك إلى موارد الهلاك :c عليك بسف الحلبه ثلاث مرات يومياً مع تهميز الكرعان بماء دافئ وملح :cool: وعدم شيل الشيء الثقيل وعدم ممارسه التفحيط بالسياره :cool: لستُ مسئووله لو يصير بك شيئاً من العلاج المذكور فوق :b |
وعليكم السلام ورحمة الله وبركآته
عوداً حميداً يا أبو فجر ..وعسآك سالم ماسرني اللي كتبته والله .. أسأل الله لك الشفاء العاجل ..:m عآد مدري عنك من جدك تتكلم وإلا تهلوس علينا زي العآدة ؟؟:do5h: طيب الشايب اللي نصحك تروح عند شيخ يرقيك ..انت رحت وإلا لأ ؟؟:do5h: هيآ حتى أنا بسوي زي الشايب هذا وبنصحك يا انك ترقي نفسك وإلا تروح لشيخ يقرآ عليك:d يمدحون الشيخ سعد الغامدي (أبو يحيى) في حي الأجواد ..جنب بلدية بريمآن <<أسأل مجرب:d وبنصحك بشي ثآني ..الحجآمة ..:d <---- أوم النصايح:i اقتباس:
ماتشوف شر..وآخر الزحلطات عند باب البيت ان شاء الله :w |
الله يزيدك يابو فجر بلباس الصحة والعافيه
وانتبه لانفسك وانا اخوك ترى هاليومين الناس تور اي وظيفة عشان تستر على نفسها وانت الوحيد الي فالمنتدى متزوج ومخلف عيال وان شاء الله هذي اخر هلوساتك |
ربك مايعطي الا مستحق.
|
شف ياخوى من جد اما ان وزنك زائد بحيث انه يضغط ع الركبه او
السرير الي تنام عليه فيه ميلان او طراحه لينه والله حنيت عليك |
ماشاء الله ما قصرووا الاعضاء تعداد وحلبه وشيخ وتحليل
عمومااا الحمدالله ع السلااامه |
يمكـــــن عـــــــرق النــــــــــسا << :cool:
الله يشفيــــــكـ من كل شــــــــر .. يمكـــــن من زود الحـــــــلا صابتـــكـ عين الحسد :d |
^^^^^^^
يمكن لان عرق النساء ينسيك حتى امك من وجعه وانت حتى بنتك ماعرفتها :d المهم ماعليك من اللي فوق.. اخوي في الله العين حق وماله داعي تروح لاحد يرقيك انت اكثر واحد ادرى بنفسه يعني ارقي نفسك بنفسك وشوية تدليك ومعافى إن شاءالله. |
| الساعة الآن 05:16 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين