[align=center]


[poem=font=",4,,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""] ملف أخضر .. وكم صوره من الأحـوال .. والسيـره = معَ .. تعريف للعمده .. وبعض أوراق .. / خبراتي .. !!
أحمّلها .. وأنا فيني .. مـن أحـلام الصبـا .. ديـره = أدوّر للأمل .. وأثره تكبّر عن .. طموحااااتـي .. !!
تعبت أقول للتأخير .. يا علّ الأمر .. خيره = ولا أدري إي خيره .. يوم تتجاهل .. ملفاتي .. !
تعبت آخذ .. من الأحلام ... للأحلام .. تصبيره = تعبت أخدّر الواقع .. وأقول أن البلا .. ذاتي .. !
أراجع .. قصة اوراقي .. ما بين الشك والحيره = وأشوف أن الورق صادق .. وهذي .. مستحقاتي .. !
أجل وين الغلط .. باعدله .. وافضّها سيره = وأقول .. " آسف " أنا الظالم .. بعد ما شفت غلطاتي .. !
اذا كان .. الغلط .. مالي معارف ناس .. أو جيره = ابتعرف على هالناس .. ثم أحكي .. معاناتي .. !
بقول اني .. أبي اخدم بلادي .. يا هل الشيره = ولاني قادر .. أخدمها وهي تحتاج .. خدماتي .. !
بقول أن الحزن .. زايد على هالقلب .. تأثيره = من أسباب .. السنين الماضيه وأسباب مأساتي .. !
بقول .. أن العمر روّح .. بلا رخصه وتأشيره = تركني بالضياع .. اللي تمادى في .. متاهاتي .. !
بقول أني وأقول أني وأقول أني .. أبي منيره = ثلاث سنين .. أدوّرها .. أبي احسب .. حساباتي .. !
بردّ الدين .. للداين , وأقول .. آسف لتأخيره = بسددّ .. قرضي اللي .. ماخذ .. البنك وريالاتي .. !
وإذا كان الغلط .. حالي .. ونقص الحظّ .. واللّيره = أجل ما فيه .. غير اني .. أفكّر في خيالاتي .. !
أبسرق مال .. من " بنك الخيال " ولا معي غيره = ابسرق لين .. ما ترجع .. حقوقي وابتساماتي .. !
بفسّر حلمي اللي .. ما لقيت أبيوم .. تفسيره = وأشوت الحظّ .. خارج ملعبي .. وأقول لا .. تاتي .. !
بجرب .. عيشة اللي .. ما حسب حتى .. مخاسيره = رمى ماله .. وأنا برمي ولا بحسب .. خساراتي .. !
وإذا عكر حياتي شي .. عادي , يندهن سيره = بخلي كل سير .. يسير , وأسيّر / علاقاتي .. !
ولكني رغم هذا ... أبرجع في يدي .. بيره = أبشرب بيرتي .. وأمشي ولو طالت .. مسافاتي .. !
وكل اللي .. تعسّر .. عند رب الكون .. تيسيره = طلبتك يآلهي .. حقق أحلامي وغاياتي .. !
تعبت آخذ .. من الأحلام ... للأحلام .. تصبيره = تعبت أخدّر الواقع .. وأقول أن البلا .. ذاتي .. !
أراجع .. قصة اوراقي .. ما بين الشك والحيره = وأشوف أن الورق صادق .. وهذي .. مستحقاتي .. ! [/poem]

[/align]

تسسسلم آناملكـ على هالإختيار الموفق
طرح اكثر من رائع
ربي يعطيكـ ألــ1000ـــف عآافيه