استفسار الغاء الرخصة الدوليه
 

السلام عليكم

اخواني انا سمعت خلاص الغوا شهادة الرخصة الدوليه

هل ادخال البيانات ومعالجة نصوص مثل الرخصة الدوليه

وهل الخدمه المدنيه تحسبها كلاهما بنفس الوقت والا تختار واحد منها

لاني معاي الرخصه الدوليه وابدخل معهد دوره الحاسب ادخال البينات ومعالجة النصوص

وانتم وش رايكم افيدوني جزاكم الله خير

اخوي الرخصة الدولية الغي اعتمادها يعني ماعاد تدرس
ولكن اللي معاه الشهادة من قبل الغاؤها تبقى معتمده له

والان فيه كامبريدج الدوليه هي نفس الرخصة الدولية

واما ادخال بيانات ومعالجة نصوص تفرق عنهم انك لازم
تجتاز سرعة ادخال البيانات والا كلهم دورة حاسب ستة اشهر

بالتوفيق اخوي

اخوك n.s

ماقصرت اخوي
ابتعبك معي
ولكن عندي سؤال لو اخذت الان شهادة ادخال البيانات

هل الخدمه المدنيه تقبل كلاهما الرخصه وادخال البيانات والا واحد منها

جد ألغيت شهاده الرخصه الدولية !؟
طيب وش صار المعتمد !؟ .. ------- لاني ابي اخذ دورة حاسب قريب

تقبلها
اما اذا كانت الدورتين اخذتها في نفس الفترة هنا الخدمة المدنية ترفضها

لقيت مكتوب في منتدى التربيه والتعليم

( الـقـرارات التـي صـدرت هذا العام ويجـب على الخـريـج الإنتبـاهـ لهـا هـي ) :

1- لا يمكـن أتفـاق الخبـرة مع الدورة في تاريخ واحـد لذلك لا تحتسـب لك إلا وحدهـ منـهـا .
2- إلـغـاء الاعتـراف بـشهـادة الـرخـصـة الدوليـة لقـيادة الحـاسب الآلي icdl لعدم بنائها على معـايـر صحـيـحـة .
3- استبـعاد خريجي الجامعات الحـاصـلـين على شهادة البكـالوريـوس عن طريق الإنتـساب في جميـع التخصصـات عـدا تخصص اللغـة الإنجليـزية .
4 - تحسب نقـاط الأقدميـة لمـدة عشـر سنـوات.

موفق بإذن الله ... لك مني أجمل تحية .

هيييييييييييه :mad: الشرط الاول كيف يعني ما تحتسب الخبره معا الدوره ؟؟؟؟ يرررحم والديك لاتلعبين باعصابي ماني ناقص
طيب انا الحين اشتغل وادرس دبلوم حاسب ادخال البيانات و معالجة النصوص :wa
يعني كيف شهادة الدوره ابلها واشرب مويتها وررررررربي ظلم الله ياخذهم ولايبقي فيهم احد اللي منزلين القرار طيب بالنسبه لحالتي وش بياخذون الخبره والا الدوره ؟؟؟؟
واذا ابي اخذ الدوره من وين اجيب فلوسها وانا ما اشتغل يعني يحسبون الـ 850 اللي يعطوني اياها ايام الجامعه تسوي شيء ؟؟ كتب والا بنزين للسياره والا ابحاث والا . . . :g
والله ان طلع كلامك صح عز الله اني رحت ملللللللللللللح لا ومسوي مجتهد بعد ناوي اخذ دورة سكرتاريا بعد ذي على طول :r والخوووووووووووبه صحيييح وجه فقر
الظاهر اني ابي الم كم قرررش واسافر بلاشي دورة بلاشي هم اللي الله يفرجها
وان شاء الله يزيدون راتبي وابطل في التقديمات اللي نسمع عنها ولا ندري هي من جد والا كذب
كل ما قالوا فيه تقديم رمينا ملفاتنا وارسلنا السيره قسم ان حقين التصوير والمكتبات ملو مني كل يوم وانا جايهم يلا صووديق صورني :d وصور ذي الاوراق اللي حفظها اكثر من اوراقه وصارت عنده نسخ وصرت احجز الصور بالجوال
ما اقووول غــــــير الله لايوفق وزير العمل ورايس ديوان الخدمه وكل من له يد ورى هالعاطلين اللي مملين الشوارع
سامحوني طولته وهي قصيره بس من حر ما فيني

اما بالنسه للأخ اللي يسال عن الدورات
اخوي خذ دورة معالجة النصوص وادخل البيانات وكمان لو تقدر خذ دورة في السكرتاريا بس اهم شيء لاتكون موظف وتتوهق مثلي

موفق بإذن الله ... لك مني أجمل تحية .