قالوا طيار تلقى وظيفة وانت مغمض
مرحبا
وش تبوني اقولكم وربي اني كرهت نفسي وكرهت الدنيا وخلوها على الله اول ماتخرجت من الثانوية قالو لي انتبة ترا كل متخرجين الجامعات عواطلية وماهم لاقين وظيفة بس ماعليك الا تشوف لك كلية من تتخرج والطلبات الوظيفية عليك تتكدس المهم قلت ماعندي الا ادرس على حسابي الخاص وشديت الرحال وعلى الاردن ودخلت كلية طيران خاصة وتخرجت وحصلت على : شهادة طيار خاص Private Pilot/ppl وبعدها التحقت بدورة طيار تجاري Commercial & Instrument Pilot وتخرجت طيااااار بشهادة معترف بها عالميا واخذت شهادتي وجيت براس غليص للسعودية قلت بس هالحين ابلقاهم على الحدود يبوني اتوظف قدمت في الخطوط السعودية واختبرت ونجحت ووضعت في لائحة الانتظار وتدرون كم قدامي 470 طيار يعني حلني متى يجيني التوظيف قدمت لطيران الخليج وللاسف في قايمة الانتظار رحت العسكرية وقدمت فيها زحلقوني للطيران المدني هالحين تدرون وين شغال لي ثلاث سنوات ياجماعة شغال بكبينة اتصالات بدل كبينة قيادة طائرات مافيها شي كلها تندرج تحت مسمى كبينة المهم هاليومين عندي تقديم في مستشفى على وظيفة موظف استقبال ويااااااااااارب الظاهر ابقدم لمشروع الملك عبدالله للموزين واترزق الله بس خوفي مايركبون معي لاني سعودي وسلااااااااااااااااااااااااااااام ياوطني اخوكم خالد |
الله يعينك طيب ليش ماتروح لخطوط ثانيه يعني تعرض خدماتك على خطوط غير طيران الخليج يمكن تحصل لك وظيفه عندهم وترجع بعدين خبره احسن من غيرك
|
ايه صح فتح خطوط سما وغيرها جرب هم موجدين جنب مبنى المطار قبل الجه المسانده للمطار
والله يوفقك |
@@
يااااااااااااااااااااااالله والله حرام نفس طاش ماطاش الطيار الي نهايته استجن الله يبعد عنك الشر ويسهل عليك بوظيفه ياااااااارب عليك بالدعاء وبالتوفيق اهم شي رزق الحلال |
الله يعينك والله شيء يحزن اذا طيار مو لاقي وظيفه
اجل خريج الثانوي وش بيكون وضعه نسأل الله الفرج القريب والرزق الحلال والله يرزقك اخوي بالوظيفه الي تتمناها |
الله يعوضك خير
|
الله يوفقك من جد هم يبكي الله يعين
والله يوفقك يارب في وظيفة الأستقبال يارب |
الله يوفقك ويرزقك الحلا ل الطيب
|
عندي لك حل يالغالي
شوف يالغالي.. فيه حل وإن شاءالله ينجح.. مالك إلا تجرب دول مجاورة يعني مثل دول الخليج إعرض عليهم شهاداتك وإن شاءالله تتوفق. بس من جد قهررررررررر |
تستاهل احسن من قالك تصير طيار انت عايش بالسعوديه كل شي هنا ماشي بالبركه يعني انت الحين طيار بس تشتغل في كبينة اتصالات .. صدقني ياخي العزيز ما ابي احطمك او اتشمت عليك بس هذا الواقع والله لو انك عالم ذره وتجي السعوديه تدري وين بتتوظف .. بتتوظف مراسل في وزارة البلدية او اي دائره حكومية لنك مبvip بس اخوي العزيز اتمنى لك التوفيق والنجاح واعتبر انك في اجازه مفتوحه لحد مايفرجها رب العالمين وكثر من الاستغفارمع الصبر وصدقني راح تنحل مشكلتك ارجع واقولك الله يوفقك .
|
اقتباس:
والله قدمت ياخي بالنسبة لاوربا وامريكا قطعت الامل فيهم بسبب احداث 11 سمبتمبر وربك يعين |
اقتباس:
رحت وقدمت عندهم وقالوا انتظر لحد مايفتتح رسميا |
اقتباس:
امين يارب العالمين |
اقتباس:
والله ياخي حاله بس خلها على الله حنا اربعة سعودين من نفس الدورة جالسين وبالنسبة للي دخل الاقسام الاخرى لقيوا وظائف |
اقتباس:
امين يارب |
اقتباس:
الله يوفقــــــــــــــــــــــــــــك صدق ما عاد فيه خير في الدنيا |
حياك الله اخوي طيار
فعلا شيء يقهر وزين انك وضحت هالسالفه هنا يعني ياشباب اللي بيروح يأخذ شهادة طيار من الأردن فهذي الشهادة ليست معتمده لدينا بشكل قوي ولكن يا اخي طيار هناك فتاه متسعوده (اسمها هنادي) يقولون انها اخذت الشهادة من الأردن واصبحت كابتن طيار وهي بعد ما وصلت السعوديه ======== وش رأيك تكون سواق طائره خاصه؟ بصراحه ناس يقهرون والواحد لابد يتأكد قبل لايروح يتعب ويأخذ الشهاده ============= وش رأيكم؟؟ قبل ماتروح تأخذ دورات او تدرس روح شف هل يقبلون شهادتك؟ وهل هناك تخصصات معينه يحتاجونها بعد سنتين مثلا؟ وهل تحتاج واسطه ام لاء؟ وكم راتبها ؟ او مميزاتها؟ لو مايطلبون الشهاده في التقديم كان حجزت قبل لاروح ادرس؟؟ كان اصرف...!!! ============== شاكر لك اخوي سعة صدرك والله يووفقك ونشوفك كابتن طيار,, اخووك الوووووووف |
اقتباس:
بالنسبة للشهادة فهي معترف بها عالميا وماعليها اي اختلاف بس وين الشاغر اما بالنسبة لهنادي الفتاه لم تحصل الا على شهادة Private Pilot/ppl وهذه الشهادة لاتمنحها الطيران التجاري ولايمكنها ذلك الا بعد حصولها على شهادة Commercial & Instrument Pilot بالنسبة لشهادتها فهي تعتبر شهادة تعطى للهاوين فقط للطيران داخل السعودية على طائرات صغيرة وليست طائرة ركاب وماشاهدناه من حصولها على وظيفة عند الوليد بن طلال ليس سوى مادة صحفية فقط |
الله يوفقك ياخوي ويرزقك في احلى وظيفة وفي احلى خطوط طياران
قدم على الخطوط الامارتيه افضل شركة طيارن في الشرق الاوسط |
رح للوليد وقل انا ولد عم هنادي
|
بعثت لك أخي الكريم ( طيار ) رسالة على الخاص ، وأرجو أن تطلع عليها للأهمية والخصوصية في موضوعك ، بارك الله فيك ووفقك لما تحب وترضى ...
|
اقتباس:
ههههههههه انعم واكرم |
الله يعينك اخوي وين تروح هذى البلد كذا
|
شوف أخي و الله ربي ان شاء الله راح يفرجها عليك و كما قالوا الاخوة شوف خطوط ثانية سواء خليجية أو مغاربية أو حتى أروبية ان شاء الله تجد الي يقدرك بس انت أهم شيء لا تفشل و اتوكل على الله و صلي صلاة الحاجة يوميا و ان شاء الله ترسل رسالة تقول فيها انك وجدت أحسن عمل ربي يعينك
|
يعني في الارض مو لاقين وظافين
وانت بالسماء بعد مالقيت وظيفه الله يرزقك ارسل على طيران دبي او الامارات وتلقى ان شاء الله |
الساعة الآن 02:21 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين