|
بخصوص الاستقاله من الوظيفه الحكوميه
السلام عليكم ورحمه الله وبركاته
بخصوص الاستقاله من الوظيفه الحكوميه... اريد اقد استقالتي لان جاني عرض لشركه قويه ماهى الاجرائات بخصوص الاستقاله وهل يترتب على عقوبات بحيث لو بغيت ارجع للوظائف الحكوميه؟؟ وهل الحقوقي الماليه لديهم محفوظه ولا مالي شئ مع العلم لي تقريبا شهرين؟؟ تحياتي |
اقتباس:
ابد تقدم باستقاله كتابية ووجها لرئيسك بالعمل , وتطمن اخوي اتوقع مافيه عقوبات ويمديك ترجع بس اهم شيء انك تستخير قبل ماتطلع لان دوام القطاع الخاص معروف عنه انه بدون امان وظيفي على مانسمع لكن اكثر ما اسمع ان القطاع الخاص يطور اكثر من القطاع الحكومي ... اما عن الحقوق المالية فسيتم تعويضك بالاجازات ان كان عندك واذا عندك اضطراري حاول تاخذها قبل ماتقدم استقالتك عشان تستفيد منها .. لك تقول شهرين خدمه يعني لك تقريبا 6 ايام اجازه عادية تستحقها ... وسوف تحول الى نظام التامينات الاجتماعية لان القطاع الحكومي على مصلحة التقاعد ... الى الامام والله يوفقك ... |
الله يوفقك
شهرين و تسال عن حقوق حاول تتاكد من العمل الجديد و مستقبله و هل أنت مستعد للقطاع الخاص و نظامه و دوامه حسب شخصيتك و نوعية العمل تستمر و تتحمل |
وجهة نظري تبقى في وظيفتك الحكومية حتى لو جاك عرض من شركة بضعف الراتب لالالالالالالالالالالالالالالالالالالالالالالا تترك الوظيفة الحكومية الوظيفة الحكومية .. امان وظيفي الوظيفة الحكومية .. استقرار الوظيفة الحكومية .. ترقيات وزيادات الوظيفة الحكومية .. امان بعد الله لك ولعيالك الوظيفة الحكومية .. تجعلك مقبول اجتماعياً القطاع الخاص رواتب عاليه ويتم تسريحك مع انتهاء المشروع القطاع الخاص زيادات اكثر في الرواتب ومكافئات .. وخصميت مع اتفه غلطة وبدون رحمة القطاع الخاص دوام يهد الحيل لايوجد فرصه لقضاء اوقات مع اهلك وحضور المناسبات القطاع الخاص شح في الايجازات ولك الخيار .. مع العلم باني اعرف شخص كان يعمل في شركة براتب 5000 ريال وجوال على حساب الشركة وسيارة ايضاً ودوامه قدام بيته ..جاته وظيفة حكومية براتب 4200 يعني اقل بـ 800 ريال ..وتبعد عن اهله 1200 كم يعني هو في ديره واهله في ديره ثانية .. فصل من الشركة واتجه للوظيفة الحكومية وبعد شهر حصلت مشكلة في الشركة وتم تسريح جميع الموظفين يعني لو بقي في الشركة كان الحين يلفلف بملفه على الشركات يدور على وظيفة الحكومية وبس |
اقتباس:
|
اقتباس:
ممكن توضح على الخاااااص |
وانا مثلك اخوي تماما
خدمتي حوالي اربع اشهر وابي اترك الوظيفه الحكومية وانتقل للقطاع الخاص ان شاء الله هل من اجراءات معينة؟ ومالفرق بين الاستقاله والفصل وشكرا |
ياحبيبي اذا بتطلع من القطاع الحكومي الى الخاص انا معك فقط اذا كانت احدى هذة الشركات (الكهرباء ,سابك ومجموعة الشركات التابعه لها, ارامكو والشركات التابعه لها غيركذا استريح بنفس وظيفتك احس انك ما انكرفت بشركة خاصه عموما الله يوفقك
|
من وجهه نظري خلك بالحكومي افضل واحسن واريح
واماااااااااااااااااااااااااااااان لك مدى العمرررررررررررررررر اما القطع الخاص لاتعليق |
اول مره اسمع واحد يبي يقدم استقاله من وظيفه حكوميه ههههههههههه
الله يوفقك بالي فيه خير لك |
| الساعة الآن 03:18 AM |
Powered by vBulletin Version 3.8.9
Copyright ©2000 - 2026, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين