|
معاناتي مع "صاحبة المعهد لأجنبية"
السلام عليكم ورحمة الله وبركاته اختكم في الله \ العذا انا موظفة لي شهرين في معهد تدريب حاسب الي خريجة بكالوريس علوم حاسب .. صاحبة المعهد اللي بشتغل فيه اجنبية حصلت على جنسية سعودية بعد زواجها برجل سعودي وتتعامل مع الموظفات السعوديات بفوقية جدا ..؟ <<--- تشوفنا عندها مثل الجراد :) مشكلتي معها \ انا تقول الراتب يعتمد على دخل المعهد .. واذ قرب موعد الراتب خلاص ماتلاقيها تجي المعهد نهائي يعني بجد مره مستهترة في رواتبنا بشكل مااقدر اوصفه انا بقعد اتعب طول الشهر وبنهاية اتعب مره ثانية على ما احصل على راتبي ؟ مره تعبت نفسيتي من هالكائن الحي اللي مايحس لي شهرين حاليا .. اخذت راتب شهر بعد طراره 3 اسابيع ؟ :( والشهر الحالي لي كم اسبوع مااخذته ؟ انا خلاص طفشت منها ابي اترك المعهد ... ايش الاجراءات اللى لازم اسويها عشان اترك المعهد ؟ هي تقول ان اسمي مسجل عندها ؟ ماني عارفه ايش تقصد يعني مااقدر اروح مكان ثاني الا بعد اذنها <<---------- لاتقولون انا في هالمكان مستحيل اكمل ... ومعهدها هذا لازم يتقفل لانها شخص غير مؤهل يفتح ويدير معهد ... اذ ابي اشتكيها وين اروح اعذروني انا ماعندي اي خلفية عن اجراءات العمل والجهه المخولة بطلب المستحقات والتظلم ومالى ذالك ؟ شكرا للجميع لاني اخذت من وقتكم اختكم \ العذا . |
وعليكم السلام ورحمة الله وبركاته
اشتكيها على المؤسسة العامة للتدريب التقني والمهني او مكتب العمل والعمال وتاكدي من وجود اسمك في التامينات |
أعتقد إنها تقصد إن بينكم عقد وممكن بهالعقد في شرط تاديبي
ولا تسكتي على حقك وبالتوفيق |
الله المستعان
|
الله يعينك
تبين الصراحه شوفيلك واحد من هالبودي قارد اول ماتطلع يلعن خامسها ههههههههههههههه>>جاب العيد لاتسوين امزح ماعندي خلفيه بس المعهد تابع للموسسه والا اذا تابع اشتكيهم بس لاتصيرين لحالك حاولي تدبرين من الي عندك الي مو عاجبهن الوضع وبالتوفييق يالغلاا |
اقتباس:
هي ع الاساس تقول اسمي لسه ماسجلته بالتامينات ؟ <<--- الله يشغلها بنفسها :( شكرا كثير ع النصايح . |
اقتباس:
هلا عزيزتي اتوقع العقد انه فترة 3 شهور تدريب ... انا لي شهرين شهر اخذت راتبه بعد طراره وشهر لسه ... اذ كملت شهر ثالث بفكر اطلع واريح راسي عشان مايصير علي اي شرررروط جزائية <<---- انا راسي صدع من هالانظمة والشروط اذكر انى ابي اتوظف الحين كرهت الوظيفة زحمه بس ربي يسعدك . |
اقتباس:
اي والله .. حسبي الله ونعم الوكيل . |
اقتباس:
ربي يهونها ان شالله <<---- يبي لها انقلاب . |
الله يعينك ,,, اكثري من لاحول ولاقوة إلابالله
|
| الساعة الآن 09:34 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين