التقديم على المساعدة المقطوعة...قربت ايأس
السلام عليكم ورحمة الله
ياجماعة انا مستحقة للمساعدة المقطوعة وكم مره اروح من فجر الله وابغى اقدم عليها وتفجأ انه زحمة وما اقدر احصل رقم المشكلة ان ولدي عنده مدرسة وينحرم من المدرسة وبالاخير لا اخذت رقم ولا ولدي راح لمدرسته وارجع للبيت بخفي حنين طيب والحل..؟؟ من راح للضمان الاسبوع اللي راح وهل لازالت الزحمة...؟؟؟ الله يسعدكم ويجعل لكم من كل هم فرجا ومن كل ضيق مخرجا ارجوكم يا اشراف رجاء حار خلو موضوعي لحد ماتجيني الفائدة من الاعضاء:cry: |
[align=center]
قدمي عن طريق الايميل ياليت اللي يعرفه يكتبه ارسلي لهم اسمك وبياناتك وانك من مستحقي الضمان وحطي رقم جوالك وهم يتصلوا بك بالتوفيق ولاتنسيني من دعواتك [/align] |
ياحياتي الله يكون بعونك
تبين الحل روحي مع اذان الفجر وخذي معك ورقه وقلم واول ماتجين قولي للحريم بنسوي طريقه نرتب بعضنا ونسجل اسامينا بهاالورقه ابتداءً بأول وحده جت واللي بعدها والى اخر وحده توصل قبل لايفتح الباب بعدين اول مايفتح الباب خذي الورقه وعطيها الموظفه وهي بتنادي باالاسماء الموجوده بالورقه كذا احسن وصدقيني راح تنبسط منك الموظفه لانهم بيغون احد يرتب بس انتي اول ماتكتبين نبهي عليهم وقولي للحريم لا تتزاحمون كل وحده اسمها مسجل وراح تأخذ رقم محد بيضيع حقه احسن من التدافع والزحمه وراح يتجاوبون الحريم معك صدقيني انا بنفسي سويت هالطريقه وانبسطن الحريم والموظفه بعد وكل شوي تجيني وحده تشكرني حتى الموظفه نفسي قالت لي الله يعطيك العافيه انتي سوي هالطريقه وصدقيني بأذن الله راح تسجلين باليوم نفسه وترتاحين من الزحمه والطلعه كل يوم وترا انا كنت رايحه لهم مرتين وبالاول كانت وحده سوت هالطريقه ورتبتنا والحمدلله سجلنا والمره الثانيه رحت اسجل وحده قريبتي وزي ماقلت لك فوق اني انا رتبتهم وكتبت اساميهم والحمدلله دعواااااااتك لي |
هذا الايميل
info@mosa-d.gov.sa وهذا موضوع فيه ارقام الضمان في كل المناطق https://www.btalah.com/t272603.html |
طموح امرأه
الامل المضيء الله يسعدكم ماقصرتوا براسلهم وبحاول اروح هالاسبوع والله يسهل>>>مع اني استحي وخووووااافه لكن ربكم يعين الله يجزاكم عني كل خير ولكم دعواتي بظهر الغيب |
اذا انتي في جدة عادي اروح معاكي والمساله سهله ياقلبي مايبيلها لاتقديم ولا اوراق كل اللي تسوينة انك تسالينهم عن المساعدات المقطوعه بحسابك وكلها كم شهر وتنزل بصرافتك او يعطونك شيك هذا نظام منطقة جدة اما المناطق الباقية ياقلبي والله مااعرف دعواتك لي ياقمر ^_^
|
بصراحة اسلوب خاطيء المفروض كل من يأتي يحصل على رقم واذا انتهت الدوام ولم يتم اكمال العدد ففي الغد يكون من جاء بالامس وانتظر إلى نهاية الدوام ولم يستلم شيء هو الأولى في التقديم ..
المصيبة واحدة فقط من تستلم طلبات التقديم والبقية تقريبا ثلاث كلهم لاستخراج بطاقات هذا في جدة وعندما توقفت عند الشباك اسأل هل هذا مكان التقديم على الضمان حيث أني مستجدة اجابت على مضاضة بأنه نعم وسألتها ماهي الاوراق المطلوبة اجابت على عجل ولما سألتها عن سبب كل هذا التأخير أجابت بفجاجة لأنه كذا وحده زيك تضيع وقتي وتجلس تسأل وكل هذا يسببب التأخير ؟ للأمانة لم استطيع السكوت قلت لها يعني اذا مانسألك انت نسأل مين عشان نعرف المطلوب اش الكلام الفاضي هذا لوت بوزها ونادت على الرقم التالي فإذا بوحده من بين الحضور تقولي اختي روحي اسألي الفليبينه الي عند الباب عشان تعرفي المطلوب هذول يحسبون انهم يصرفون علينا من جيوبهم , والله شيء مخزي |
حبيبتي
اذا قصدك ضمان الرياض فمع اللشائعات والازدحام بيضيع وقتك الله يعينك اصبري لين ما يركد الوضع وتخف الزحمة اسبوع او عشر ايام الله يعينك زهره خزامى المفروض ما تعاملك بهالطريقة وتعاملك بطريقة احسن بس بعد انت سؤالك وسط الزحمة ( ما سبب التأخير؟) ماله اجابة منطقية |
آنتي اي مكتب يا ام متـفـآئلة بأي منطقة يعني ؟؟؟
|
اتوقع انها بمكتب الرياض لاني انا مثلها رحت قبل اسبوعين ومن الفجر الساعه 6 وزززززززززززحمه موت 3 ايام متواصله اروح ولا اقدر احصل رقم :( وللحين ماحصل لي اروح ثانيه :(
برسل لهم على الايميل اللي حطته طموح امراه يعطيها العافيه وان شاء الله تمشي اموري ادعولي :( |
الساعة الآن 08:51 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين