لك رساله على الخاص نتظر ردك

تم الارسال

اخي عبدالهادي
ممكن فضل لا امر عليك تفصل لنا اسعار المعدات
من رافعات وانواعها
من اجهزه فحص وكمبيوترات واسعارها ونوعيتها
وايش الافضل التخصص ولا العام يعني نوع واحد من السيارت كفورد او لكزس او نحوها ولا اخليها ورشه عامه لكل انواع السيارات
يعني عندي ارض مساحتها 900 متر على الخط السريع وبمكان استراتيجي وبا ايجار 70 الف هل الافضل استاجرها كلها كمساحه ولا اخصص جزء للورشه والواجهه اخليها مركز تغير زيوت او تلميع؟
ابغى الاجابه من واقع خبرتك

حياك اخوي هامور ،، بالنسبة للأسعار تختلف من سوق لآخر
وأذا تبيني أسويلك دراسة الجدوى على حسب رأس مالك أحطلك الأحتياجات
وأنت تروح تشتريها فقط لاغير وتأثث فيها المركز . هناك دراسات جدوى حطوها الشباب بالموقع
تصفحتها وقرأت الاسعار اللي موجوده والآلات وضهر لي انها قديمة محملينها من موقع الغرفة التجارية وضعت مع تأسيس الغرفة وأحنا الآن في 2011 الاسعار اختلفت والآلات أيضآ اختلفت .
وأنا ألوم الأخوان اللي يراسلوني بالخاص ويسبوني ويقولون أنت نصاب الدراسات موجوده مجانآ بالموقع
أي شخص يبغى الدراسة المجانية يحملها من الموقع والله يرزقه لكن يحط في باله أنها وضعت مع تأسيس الغرفة التجارية ولن تقبل الآن لأن على أيامها يفكون الكفر بمفتاح صليب والآن يفكونه بـ مسدس هوائي :)

المهم أخوي اذا حبيت اسويلك الدراسة ماعندي مشكلة والظاهر أني طلعت عن موضوعك لكن يالغلا من اللي شفته بالرسايل الخاصة والسب والشتايم .

الأفضل لك يالغلا هو التخصص مثلآ لو تبي تتخصص أمريكي مع الوقت راح تمر السيارة من جنبك بالشارع تسمع فيها صوت او شي وتحدد عطلها بمجرد أول نظرة .
وكلنا يعرف أن اعطال الأمريكي غير أعطال الياباني وغيرها
وهذي فائدة التخصص : تعطيك مهارة وأتقان في عملك بحكم الممارسة . والمهارة والاتقان توفرلك زباين وفلان يعلم فلان .
بالنسبة للموقع اللي تقول على خط سريع أنا ماأدري وين الخط السريع وهل هو مزدحم أو لا ، لكن بالنسبة لنظرتي للمواقع اللي على الخطوط يكون دخلها بعض الشيء ضئيل لأن اكثر المسافرين ماراح يسافر بسيارة واهو يتوقع انها بتتعطل عليه .
غير كذا الكثير من الناس قبل يسافر يشيك على سيارته وبعدين يسافر عليها .
يعني فرص وجود الزبائن ضئيلة بعض الشيء .

احييك ياخوي عبدالهادي على نظرتك الثاقبه... :rolleyes:

بس انت ماوضحت بالنسبه للقرض.. هل هو من عبداللطيف جميل والا من المئويه ..وماهي الشروط؟؟

امر اخر...

اتمنى اخوي عبدالهادي فضلا وليس امرا ماتاخذ اي مقابل من اي شخص الاعند نزول قرضه..._هذا بالنسبه للقروض_

انتظر ردك
والله يرزقك من واسع فضله

ماهي شروط فتح ورشة سمكره

وكم يكون الدعم؟

أخوي القرض من صندوق المؤوية والشروط كالتالي :
يكون المتقدم سعودي الجنسية

• أن يكون عمر المتقدم ما بين 18 _ 35 سنة
• تقديم كفيل او ضمانات حسب شروط الصندوق
• .متفرغ أو مستعد للتفرغ
• أن لا تتوافر لدى المتقدم موارد مالية كافية لتأسيس مشروعه
• أن يقدم المتقدم ما يثبت أنه لم يتمكن من الحصول على تمويل من خلال مصادر أخرى
• .أن تكون أرباح المشروع هي المصدر الرئيسي لدخل المتقدم
• أن يكون لدى المتقدم فكرة كاملة عن المشروع الذي يجب أن يكون منطقي وقابل للتنفيذ
• .وهناك أفضلية لذوي الاحتياجات الخاصة
• بالنسبة لمشاريع المعدات الثقيلة، بالاضافة الى الشروط أعلاه يرجى مراعاة ما يلي:
  1. أن يكون عمر المتقدم ألا يقل عن 25 سنة ولا يزيد عن 35 سنة.
  2. أن يكون حاصل على رخصة عمومي سارية المفعول.
• يالنسبة لمشاريع خدمات الانترنت والمقاهي، يرجى مراعاة ألا يقل عمر المتقدم عن 25 سنة ولا يزيد عن 35 سنة.

وأحب اوضحلك نقطه أخوي عشان المقابل ، أنا أضمن له قبوله المبدئي اللي أهو بيدي من الدراسة اللي أقدمها للشخص ، لكن فيه قبول نهائي بيد الشخص نفسه ويتحدد بعد المقابلة الشخصية
فأذا راح للمقابلة الشخصية ووجدوه شخص لايفقه شيء ، أنا وش ذنبي أذا كان سبب فشلة من نفسة ؟ !
وبالنسبة للشباب اللي يسألون عن المدة ، نظام الصندوق يفترض أنه سته أشهر وتستلم قرضك
لكن عليهم ضغط كبير والمده غير محدده وأنا صاحب تجربة ومقدم على قرض عندهم الآن له أكثر من سنة ماجاني وفيه شباب أعرفهم بنفسي قدمو معاي وبعد تقديمهم بـ7 أشهر قروضهم أستلموها
فما أدري وش المشكله بالصندوق نفسه واللي أقدر أساعد فيه أنا بحكم خبرتي في مجال الميكانيكا وعملي في مكتب محاماه ، أبشرو باللي أقدر عليه وشكرآآ .

ومعذرتآ على تأخري لأني كنت مشغول .