شباب من اشتغل مشرف تغذيه صرافات ؟
السلام عليكم ورحمة الله وبركاته
شباب كيف حالكم كما في العنوان من اشتغل مشرف تغذية صراااااااافات كيف طبيعة العمل ؟ والراتب ؟؟؟؟؟ شكرا لكم |
الرواتب تبدو جيدة
لكن طبيعة العمل خطيرة بعض الشئ خصوصا لمغذي صرافات المحافظات لانه بيمسك خطوط وهذا على كلام الناس واتمنى ان يفيدك شخص عمل بها من قبل واما المشرف فشئ اكيد بيكون المسؤول الاول عن المبالغ وهذا توقع و اجتهاد مني مع تمنياتي لك بالتوفيق والنجاح |
لو توضح اكثر يكون افضل بكثير
اي بنك ووش قالو لك بضبط لان فيه انواع اشراف انا كنت مسؤول خزينه بنكيه في احد البنوك وكانت تحت ادارتي تغذيه الصرافات اولا طبيعة عمل تغذية الصرافات مسمى الموظف مغذي صرافات يجي من فجر الله المغذي ويسحب برنت باسماء المكائن التي على وشك انتهاء مبالغ النقد فيها او على حسب الاداره توجهه في مكائن معينه يجي الصراف ومعه ورقه بمبلغ مطلوب وسقف معين لكل صرافه يسحب الكاش من الخزينه طبعا مشرف مغذي صرافات في هذي الحاله عمله هو الي يعطي مغذي الصرافه الكاش ويجرده عليه والمغذي يطابقه ويوقع على الاستلام مغذي الصرافه عمله خطر جداء واعرف موظفين في البنك استقالو واشتغلو في اماكن براتب قليل عشان المسؤوليه الكاش مشرف المغذي هذي مافهمتها وش تقصد بمشرف لكن يكون فيه مسؤول خزينه مسؤول قسم كامل او اداره انا معك ياحلو راسلني ع البرايفت انا للاسف الفتره هذي قليل دخولي في هذا المنتدى سلام |
موفق بإذن الله ... لك مني أجمل تحية .
|
ننتظر ردود الشباب
|
شلال الحزن أذا ظروفك المادية صعبة توكل على الله واذا كان غير ذلك نصيحة نصيحة نصيحة أبعد عنها وأبحث عن غيرها
مشاكلها كثيرة لان التعامل مع الفلوس صعب أسال مجرب ولاتسأل خبير جميع الاختلاسات البنكية بفعل مغذي الصرافات والسائقين ولاكن أستخير الله قبل كل شيء |
موفق بإذن الله ... لك مني أجمل تحية .
|
اذا هي شركة المجال قروب فور فهي افضل السيء
اما اذا كانت شركة حمايه او امنكو نصحيه لوجه الله لا تنكب عمرك فيها لان اذا جاء عجز في احد الصرافات ع طول راتب الشهر اللي فيه عجز يخصم قيمة العجز نص عليك ونص ع الريس |
موفق يااااااااارب
|
طبعنا اخي الكريم شركة المجااااااال
|
نصيحه لوجه الله
[align=center]
بسم الله الرحمن الرحيم [/align] السلام عليكم ورحمة الله وبركاته نصيحه لوجه الله اول شئ خطيره أبعد عنها مادام فيها تغذية فلوس أنا اعرف واحد من العيال كان شغال فيها قبل سنتين طبعا مشرف وانسرق ون مليون وأكل خابور طبعا شهادته بكالريوس حاسب الي الرجال يقول بيتقطط الين يجي التعيين الطقطقة هذي خلفت سنه سجن طبعا ماله ذنب بس موقع شبهه والله العظيم ماطلع الابعدمادفع ابوه أكثر من 120الف للمحاميين بالقوه اثبت براءته والحين شوفه مدرس بعد ضياع سنه سجن ياخوي ترا مو كل الناس بتقدر تدفع 120الف عشان تطلع الزبده خلك ذييييييييييييييييييييييب :Thumbs::Thumbs::Thumbs::Thumbs::Thumbs::Thumbs: |
رد: شباب من اشتغل مشرف تغذيه صرافات ؟
المشرف ، يكون مرافق للرئيس يكون مساعده في التغذية
راتب مشرف التغذية بدون عجوزات في المجال 6700 في ابو سرهد 7000 في أمنكو 6500 طبعا يكون باسمه ممكن 11 او 20 صرافه ، اذا نقصت اي مبالغ فيها تنخصم من راتبه وراتب رئيس الفريق اللي معاه مثلا عجز 1000 الرئيس خصم 500 والمشرف خصم 500 التسليح: كلهم مسلحين ماعدا في شركة ابو سرهد كلهم بدون سلاح الاخطار: تقريبا شبه معدومه في المدن ولله الحمد ساعات العمل : متى ما انتهيت من التغذيه وتسليم الكاش تروح بيتك يعني تستلم من 7 الصباح وممكن تسلم 11 او 10 او 9 او العصر فهذه تعتمد على التغذية الفريق : مكون من ثلاثة 1- رئيس الفريق 2-مشرف التغذية 3-سائق المصفحة (اضعفهم راتب ، لكن لايوجد عليه التزامات في الكاش ابداً) التزاماته في المخالفات المرورية فقط |
الساعة الآن 07:40 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين