بخصوص الاعانه حقة العاطلين
 

السلام عليكم ورحمة الله وبركاته

شباب انا بسجل بالاعانه حقة العاطلين عن طريق الرابط هذا

http://online.hrdf.org.sa/customer/pc_register.php


لكن كل ما كتبت البيانات اوصل عند رقم الحساب واكتبه يقولي خطا رقم الحساب يتكون من 24 رقم

ورقم حسابي من 15 رقم وش اسوي ؟! كيف الحل




المهم انا ما سجلة بموقع وزارة العمال ما ادري الاعانه بأية رابط هل هي عن طريق وزارة العمل او عن طريق الرابط اللي انا حاطه فووووووق

بالنسبة للاعانة يكون عن طريق وزارة العمل

هذا الرابط تبع الصندوق تنمية لموارد البشرية

يعني سجل بثنين

وعليكم السلام ورحمة الله وبركاته

ياقلبي ابيك تفهم شيء وتدخله براسك وافهم انا وش اقول

كل الي طلع بالمنتديات والنت كله بخصوص كيف تحصل على الاعانه كله اشاعات في اشاعات

العلم الاكيد ومن مصادر رسمية

الاعانات الى الآن تحت الدراسه ومافتح اي تقديم او تسجيل سواء الكتروني آلي ولا عن طريق مكاتب العمل

يعني ( مابداء التسجيل إلى الان )

وزارة العمل هي المعنيه بخصوص صرف الاعانات والتقديم عليها

وتقول

1_ خلال الاسبوعين القادمة راح يسوون موقع الكتروني خاص بالتقديم على الاعانات
ويعرفون مين الي يستحق الاعانه ومين الي مايستحث
2_ قبل مايعطونك إعانه يبطرحون وظائف بالموقع وتقدم عليها علشان يعرفون اذا انت جاد تدور على عمل
يعني ماراح يصرفون لك إعانه على طول اولا يحاولون يوفرون فرص عمل حسب كلامهم
3_ اول ماقراء مذيع قناة السعوديه في الاخبار ان فيه قرار ملكي وكذا كوووووول السعوديين والسعوديات
سووا خبصه في النت حتى الي ماعنده نت راح مقهى وكل واحد يدلو بدلوه ويجيب كلام من راسه
وهم اصلا مافهموا ايش المذيع يقول يعني كل واحد يألف كلام من راسه زي الجامعيين يحصلون على 3000 ريال شهريا !! الثانوي 1500 !!
من وين جاء هالكلام ؟؟؟ مايعطونك مصدر ووزارة العمل والقنوات الاخبارية ماقالت هالكلام
أجل نصدق يعني ؟؟

مكاتب العمل تشكي من زحمه المراجعين ويطردونهم يقولون ماعندنا لكم شيء لاعاد تجون تراكم ابلشتونا
وزارة العمل مازالت تدرس القرار وراح يكون فيه شروط ( تعجيزيه ) للحصول على المكافاة
يعني مو اليوم تعطل بكره تستلم مكافاة

هذي الملاحظات لازم تحطها بعين الاعتبار

اثبات كلامي ادخل موقع وزارة العمل واقراء الاخبار الي بالشريط الي يمشي وبتعرف كووووووول شيء

ملاحظه / موقع الوزارة عليه ضغط مخنووووق من عدد الزوار الي مايفهمون ولاقروا القرار زين
علشان كذا شكله خربااااان مدري وش فيه


وسلامتك يالغلا حبيت افيدك من كل النواحي انت ومن يزور الموضوع

لا يابعدي ماهو امس معطل لي خمس سنوات عاطل لكن الله يفرجها


تسلملي حبيبي شاكر لك والله ولاسيره تعاونكم


الله يرضى عليك حبيبي .

والله ماعاد ندري نصدق مين ونكذب مين
كل يوم يطلع لنا خبر جديد وعيوننا راحت واحنا من موقع لمواقع ندور خبر يشفي الغليل
والمشكلة كل الناس يقولون التسجيل فتح وسجلنا ومن كثر الاشاعات واحد يقولي اعطوه الاعانة
عموما
موقع بطالة هو الموقع الوحيد اللي انا جيته وبذمتي كم شخص باكد لهم الخبر الاكيد
فاتمنى من ادراة المنتدى تاكيد الخبر الاكيد عشان الواحد يرتاح لهم اكثر من اي موقع آخر
مشكورين اخواني وجزاكم الله خير
ويعطيكم الف عافية
تحياتي
الشاعر

بالنسبه للي يسأل عن رقم الحساب انهم طالبين رقم مكون من 24
هذا رقم اآيبان اذاعندك كرت حساب تلاقي رقم الآيبان تحت رقم الحساب مباشره مكون من 24 اثنين احرف انقلش بدايتهاsaوبعدها 22 رقم
واذاموموجود بكرت الحساب تقدر تطلبه من البنك روح لهم او اتصل عليهم وقولهم ابي رقم الآيبان وهما يعطونك

بسيطه انا ماعندي حساب اطمر الاختيارات هذي لاتحط الماوس عليها انقزززززززززز ابوها :)

ههههههه حلو اطمر الخيارات
انصحك تفتح لك حساب وكلها دقايق وحسابك جاهز
اجل اشلون تبي الفلوس توصلك بعدين لازم يكون عندك رقم حساب
وبالنسبه لتقديم الاعانه مثل ماذكرو الاخوان لسا مانزل راح يكون هناك خبر بالصحف والموقع في حال نزول رابط الاعانه الخاص

[align=center]

بالنسبة لرقم الحساب إذا كان عندك حساب بأحد البنوك اتصل ع نفس البنك واطلب منه رقم الآيبان وسجل رقم جوالك وهم راح يرسلونه لك ع طول ع الجوال وهو نفسه اللي انت تبيه 24 رقم وهو المطلوب ...

الله يسهل امرك وامر كل مسلم ...


دعواتكم ...
[/align]