السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين .........
اخواني أحببت ان اطلعكم على موقف حصل لزوجي وابغى اشوف رأيكم فيــــــــــــــــــــه؟؟
فالله يوفقكم ابي اللي متأكد يجاوب واللي مو متأكد يتحفنا بدعوه وجزاه الله خير
الموقف...
هو ان زوجي قدم على العثيم يطلب وظيفة كاشير ..وقبلوه واشتغل عندهم فتره تقريبا شهر او شهرين بعدها زوجي قدم استقالته وقبلوها ...
بعدين زوجي بدا بعدها يشتغل بشركات اخرى وتتراوح الفترات بين 4شهور وبعضها 6 شهور...
ثم بدا يشتغل بالخضره ...ثم رنت براسه فكره انه يشتغل بأحد مطاعم الوجبات السريعه ...
قالوا تبي نرفع اوراقك لازم تسقط اسمك من وزارة العمل لانك تعتبر الى الان تشتغل بالعثيم ...
راح المسكين وضرب مشوار للرياض وطلب من العثيم يسوون له اخلاء طرف قالوا تعال نطلبك عجز مقداره ميتين وكسور سدد ويصير خير...وسدد وش يسوي يبي الفكه

بيني وبينكم احس الحركه اللي سووها ذكيه وبنفس الوقت قذره اللي هي مطالبتهم بالميتين وكسور ع شان مايطالبهم بحقوق من يشاركني الرأي؟؟؟"


السؤال:مرت قرابة الاربع سنوات وكم شهر مخلي العثيم وكان مسجل عندهم على اساس انه يشتغل ...برأيكم هل له حق يطالب بقيمة الاشهر التي مضت باعتباره انه يشتغل ولم يقوموا بأسقاط اسمه وفي ذلك خرق للنظام ...مارأيكم أرشدونا؟؟

[ALIGN=CENTER][TABLE1="width:95%;"][CELL="filter:;"][ALIGN=center]
الله يعينكم ان شاء الله
[/ALIGN][/CELL][/TABLE1][/ALIGN]

له حق يطالبهم ولاكن اتوقع إنه راح يتعب ... لأنهم كانو مستفيدين من إسمه عندهم على أساس إنهم يدعمون السعوده الله لا يربحهم خير اللي ياكلون أموال الناس

ينقل للقسم المناسب ..(مشاكلك في العمل )

هم 100 % مستفيدين

ياما انهم مدرجين اسمه بمكتب العمل عشان السعوده,,
وكمان اذا كانوا مسجلين له بالموارد البشرية ينزل لهم مبلغ شهري على انه يسلم للموظف..

اعرف واحد مستقيل وبعد سنة اكتشف انه اسم مسجل بالموارد البشرية وكان ينزل للشركة 1000 ريال شهريا على انها تسلم له..واشتكى بس للاسف الشركة وراها ظهر واكتفوا انهم يشيلون اسمه من الموارد البشرية فقط

يعني الزبده له شيء ولا ماله لو يطالب؟؟

الله يكون في عونكم
تحياتي

بما انك جبتي طاري الهياط

حبيت ارد عليك وأولاً

زوجك استلم شهادة خبرة من الشركة او لا ؟

هل سلموهـ خطاب إخلاء طرف او لا ؟

ثانياً : لو راح لمكتب العمل أو غيرهـ راح يكتفون بأن الغلطة من الموظف اللي هو زوجك لماذا لم يسقط اسمه من الشركة ؟

ثالثاً واخيراً ماله شي


رابعاً دمتم بود

الله يرزقه بوظيفة حكومية ولا يشتكي لا العثيم ولاغيره

مثل ما قالك عاطل
اى حقوق و كلها أشهر لن تتعدى سنة
ثم اسمه موجود بعلمه و لو مهتم كان استبعد نفسه
فقط يمكن يشتكيهم في التامينات اذا ما هو مسجل
و اذا متفرغ للمشاكل و المواعيد
يروح و يقول اعمل كل هذه الفترة و لم يسجلوني في التامينات
و مع هذا يحجونه وينك طول هذي الفترة
ما تعرف انك غير مسجل في التامينات