|
دبلوم حاسب الي
السلام عليكم ورحمة الله وبركاتة
شهادتي دبلوم حاسب الي ولا احمل شهادة خبرة بصراحة تعبت وانا ادور وظيفة ولين الحين مالله كتب اتوظف فحبيت احط بين ايديكم شهادتي اتمنى منكم تفيدوني بالجهات الي تقبل في شهادتي بالمنطقة الشرقية ....واكون شاكرة لكم |
الله يوفقك ياختي ويرزق الرزق الحلال المبارك فيه
|
اللهم امين
|
اول ماشفت في احد مشارك جيت ركض انا وملفي
<< على بالها لقت وظيفة بهالسهولة خخخخخ بس يوم شفتها دعوة حلوة وصادقة من القلب قلت هذا اهم شي ماحلا الدعوة لما تصير من قلب صادق ومن اخو لا أختة ومشكور يالحربي على هالدعوة والله يرزقك بعد انت الرزق الحلال ويوسع عليك بالدنيا والاخرة ولك مثل هالدعوة ياضايع ومضيع .. مشكورين اخواني على هالتفاعل |
وان كمان شوفولي وادعولي نفس الشهادة معايه والله يفقنا جميعا
|
جربو في مؤسسة كمال جمجوم اعتقد محتاجين حاسب الي
|
الله يوفقك يااختي ويرزقك يارب بالي تتمناه
الصبر وانا اخوك وحاولي تستغلي الوقت بمشروع صغير لين ربي يفرجها واذا لقيتي وظيفة بسيطة المهم تكون فيها شهادة خبرة تحتاجينها في القادم دعواتنا لكي بالتوفيق ولمزيد من الطمئنينة |
شركة الصناعات الحديثه تايد مقابل مدخل هاف مون والله يوفقك
|
شركة عبد اللطيف جميل الله يوفق الجميع
|
أختي إذا حضرتكـِ من الدمام .. بلغيني .. وأبشري ..
أسوي اللي علي والباقي على الله . |
الله يوقفك ويوفق كل الاعضاء والله خيتو حالي من حالك عندي نفس شهادتك بالضبط ومن كليه المجتمع اللي بالقطيف :d اللي بعد ماتخرجنا يقولوا لنا ترى شهادتكم موب معترف بها :Looking: شلون موب معترف بها اجل ليش تخلون ندرس سنتين ونكسر ظهورنا بالروحه والجيه :mad: آآآآآآآآآآآآه يالقهر وهذا اني لو تشوفيني حاطه ملفي قبالي والتلفون جنبي والجريده قدامي والكمبيوتر بحضني وجالسه ادور والى الحين مالقيت وظيفه ...:cry: والله يكتب اللي فيه الخير قلت اذا الله ماكتب لي بوظيفه بروح ادرس ونشوف حظنا بعد الدراسه :court: واذا لقيتي لك وظيفه قولي لي علشان اقدم معاك واني ان شاء الله اذا لقيت راح اقولك :d |
اختي قدمي على قطاع البنوك.. ان شاء الله يقبلونك
وفيه الان تقديم على وزارة المياه والكهرباء http://www.alriyadh.com/2006/12/06/article206944.html قدمي على مدينة الملك فهد الطبية.. قدمي على مستشفى التخصصي بالرياض تخصصك مرغوب في جميع القطاعات قدمي وان شاء الله تتيسر امورك لا تيأسين والله يوفقنا وياك |
اقتباس:
عموما ادخلي معهد تعليمي فوق الدبلوم يعني تكملين دراستك على الدبلوم من معهد معترف فيه او كلية معترف فيها تحصلين بكالوريس تقديرك ممتاز مع دورة انجليزي تتوظفين مثل السلام عليكم |
اقتباس:
والله اني سئلت عنها وخاصه انها كليه حكوميه فالمفروض تكون شهادتهم معترفه بس الحظ اذا برك :confused: ومشكور اخووووي على النصيحه واني حاطه في بالي اني اكمل دراستي بس ودي بوظيفه علشان اصرف على نفسي الى حد ماادرس :d |
طيب ارسلي مؤهلك رساله خاصه مع الدورات اذا عندك دورات وبكلم واحد يعمل بمستشفى التخصصي ان شاء الله يفيدك اختي
مو واسطة عشان محد يقول جاب واسطه او هيك لا بس كذا سعي للخير بس اهم شي الدعاء والله يوفقنا وياك |
السلام عليكم ورحمه الله وبركاته
اهلين روعه انا مثل حالتك وانا من الشرقيه وعندي دبلوم كمبيوتر تخصص برمجه ولي سنه الحين وانا ابحث عن وظيفه وللأسف مالقيت وصراحه انفجعت كنت متئمله اني بحصل لان اغلب الشركات محتاجين التخصص هاذا لكن تفاجئت ان اكثرهم يبغون خبره طيب من وين اجيب وانا ماتوظفت خخخخخخ عالعموم اختي روعه ياليت نتواصل انا وانتي اذا فيه صدقيني ماراح ابخل عليك ولا على الاخوات والاخوان وبي التوفيق للجميع ... |
اقتباس:
>> نفس التخصــص خريــج السنه هذي:confused: أجل على كذا بكــبر المخــدة |
ياجماعة الخير تفائلوا بالخير تجيدو . وبالتوفيق للجميع .
|
حتى الخبره صارت ماتنفع
معي دبلوم حاسب الي + دبلوم دراسات اسلامية وكمان معي خبرة سنتين في الحاسب بمدارس حكومية لكن كان تعاقد طبعا وبحكم اني تزوجت تركت الوظيفة على امل القى بالرياض بمدارس اهلية ولكن هذا انا لي سنه ونص ومالقيت وظيفة وماتركت مدارس ومؤسسات وشركات إلا وقدمت عليها ولكن مالي حظ .:( اسئل الله العلي القدير يوفقنا جميعا لما يحبه ويرضاه اتمنى تتدعون لي لاني مليت من قعدت البيت نفس الروتين مايتغير:cry: وبالذات لوحده جربت الدوام ومتعته |
| الساعة الآن 11:56 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين