تسجيل الدخول
|
|||||||
تأسس الموقع عام
2006
Site was established in 2006
|
|||||||
| مشاكلك في العمل هل تواجهك مشاكل و ضغوط نفسيه في عملك اكتب مشكلتك وهناك من يساعدك |
| أضف رد |
|
|
LinkBack | أدوات الموضوع | انواع عرض الموضوع |
15-03-2011, 02:58 AM
|
|||
|
|||
|
معاناتي في وظيفتي آآآآه آآآآه
السلام عليكم ورحمة الله وبركاته
كيفكم إن شاء الله مبسوطييييين أول شيء أشكر القائمين على هذا المنتدى اللي بصراحه أتابعه أول بأول الشي الثاني أنا بكتب لكم معاناتي في الوظيفه من المدير ومن الزبائن أنا من خريجي الكلية التقنيه قسم إداره مكتبيه تخرجت من الكلية التقنيه عام 1430 وجلست تقريبا 6 شهور عاطل باطل لا شغل ولا مشغله كل يوم والثاني طاق ملفي ومن شركه لشركه مالكم بالطويله سبق وشفت إعلان عن وظائف شاغره في أحدى الشركات ورسلت إيميل والحمدلله أهي الشركه الوحيده إللي صدقت معاي ووظفتني بشهادة الثانوية وتوظفت فيها أول ما توظفت 2500 وبعد 3 شهور 3000 والحمدلله بعد تقريبا سنه وصل راتبي 3300 لكن ما فيه تقدير للموظف السعودي لييييييييه ؟ أبي إجابه أنا ما كتبت الموضوووع إلا لأني منقهر من اللي صار اليوم إللي صار اليوم إنه الفرع إللي أشتغل فيه أنا محقق أرباح كأكثر فرع دخل على مستوى الفروع ومكرمين مدير الفرع والموظفين الأجانب طيب والموظف السعودي المسكيييين ماله تكريم لو بشهادة شكر وتقدير على الأقل لكن المشكله هنا كان علينا مدير أحلى من العسل ما ني ذاكر جنسيته جا بعده مدير يا شيخ مورينا نجوم الليل في الظهر لكن نقول ظروف العمل ولازم نصبر مو عشان الراتب إللي أستلمه لا عشان البطاله ويحاسبنا على التأخير بالدقيقه نظام الشركات معروفه لك تأخير 10 دقايق وبعضهم ربع ساعه لكن هذا يقول ما فيه ولا دقيقه تتأخر تجي بالتايم طيب ما علينا من هذي طبعا سياسة الزبون هذي اللي ذابحتنا إللي دايما الزبون على حق إلى متى يعني الزبون لو يغلط علي ما عليه تحمل أهم شيء عندهم رضا الزبون إلى متى الإهانات من بعض الزباين مو كل الزباين بعض الزباين لا حد يقول لي سمعه منا وخره منا لااااا الكلمة اللي تغث تغث يعاملونا وكأنا عبيييد طبعا كلكم عرفتوا إني شغلتي كاشير والله العظيم ما حلفت كاذب إني أحيانا أقول خلاص أبطلع من الشغل وأرجع بطالي أحسن لي من تصرفات بعض الزباين إللي يحاجج على الهلل وإللي يحاجج ليش البرايس التسعيره تختلف عن اللي بالجهاز كأن الكاشير أهو إللي يسوي هالشي وإذا كان مو متوفر الهلل تعالوا شوافوا التصرفات إللي ما لأمها داعي وإذا قلت له عندك المدير روح تفاهم معاه إلا تجيب لي هلل إذا البنك ما جاب هلل يعني أنا راح أصنع هلل وإللي يجيك وين محل الشي الفلاني وإذا قلت له ما أدري أخذ الإهانات كأن الكاشير الكل في الكل في السوبر ماركت ولا تصرفات بعض الشباب إللي يجي وفي راس أمه شررر يفكر الدنيا فوضه مره من المرات بغيت أدبغ واحد دبغ بس قلت يافلان تعوذ من الشيطان واليوم الإهانه الكبرى وقدام المدير جاني واحد بزر ما يجي عمره 17 سنه يقول لي يبي لك كف على وجهك والمدير عااادي ولا كأنه سمع شي آآآآآآآآآآه آآآآآآآآآآآآآآه شقول وشخلي وربي في قلبي حراره وكلام لو أكتبه هنا ما يكفيني موضوع كامل من وين ألقاها من المدير ولا من بعض الزباين تكفوووون يا جمااااااعه والله منقهر أبي ناس تبرد قلبي أنا لو أشكي لأهلي ما راح يخلوني أداوم بعدها لأن الوالد لو يدري إني أنهان ما بيرضاها علي بس ما أقول إلا الله يصبرنا ونلقى لنا وظيفه على تخصصنا ونفتك من عوار الراس أنا ما كتبت هالموضووووع إلا لأني كاتم في قلبي وأحس إني فضفضت أشوي من اللي بقلبي وآسف على الإطاله وسلاام عليكم 
|
|
15-03-2011, 05:21 AM
|
|||
|
|||
|
الله يكوون في عونك اخووي التعديل الأخير تم بواسطة ام فيصل وثامر ; 15-03-2011 الساعة 05:23 AM
|
|
15-03-2011, 08:47 AM
|
||||
|
||||
|
اخوي انا زيك بعد اشتغلت نفس شغلتك بس ولله الحمد تركتها وارتحت من القلق والقروشه ومن الصاحي والمجنون ياخي مافي احترام والله انك صـآدق
|
|
15-03-2011, 09:00 AM
|
|||
|
|||
|
الله يعينك على هالوضع ويقولون الشباب السعودي ماوده يشتغل الا شغلة حكوميه ..من اللي شافه منكم ههههه
|
|
15-03-2011, 09:21 AM
|
|||
|
|||
|
|
|
15-03-2011, 09:36 AM
|
|||
|
|||
|
الله يصبرك مقدر اقول اكثر من كذا
|
|
15-03-2011, 01:45 PM
|
||||
|
||||
|
القاعدة الأولى في خدمه العملاء ( او في الوظائف التي تحتك بالجمهور مباشره )
|
|
15-03-2011, 04:15 PM
|
||||
|
||||
|
[align=center]
|
|
15-03-2011, 08:00 PM
|
|||
|
|||
|
[align=center]
|
| أضف رد |
|
(( لا تنسى ذكر الله )) |
|
|
|
|
[/mark][mark=#FF9999].[/mark][/align]
العرض العادي
