|
ودي اهج لمكان مافيه احد واقعد لحالي
مســــــــــــاء / صبــــــاح الخير
مثل ماقريتوا في العنوان ودي اهج لحالي لمكان بعيد ما اشوف فيه طيف بشر طقت تسبدي خلااااص انا خريجه رياض اطفال 98 % جيد جيدا مع مرتبه الشرف ذكيه وطموحه مره كنت متفاءله بس اللحين محبطه مره احب العمل واحب المرأه تكون عامله من هذا المنطلق حبيت اتوظف بعد ماتخرج طبعا الغلطه كانت من البدايه اني اخترت هذا القسم وانا اصلا انسانه مااحب اتعامل مع الاطفال بالعربي ثقيله وما عندي انزل مستوى عقلي و خرابيط اعرف ان الطفل يتكفخ اذا استهبل دخلت هذا القسم على اني متخرجه من الثانوي بـ 96% كان دراستاً ممتع لانه يشبه لعلم النفس بس طبعا النظري مو مثل التطبيق قدمت على مدارس اهليه طبعا لان حكومي مستحيل بحكم حاجه المدارس الاهله لهذا القسم تقريبا طلبوني كل القدمت عليهم بس انا اخترت وحده منهم لان راتبه احسن من الباقي 2800 تقريبا وهي مدرسه كبيره ولها اسمها ولانها مدرسه لها اسمها خلاص كتموا على نفسي كل شي عندهم ليش وكيف كل يوم مستدعيني تحقيق على اشياء ما تتخيلون قد ايش تافهه مره ليش متاخره انتي واطفالك في الوجبه 5 دقايق ومره ليش ماتلعبين معهم في الملعب خير مايحتاج العب كفايه وقفتي فوق روسهم و طبعا كل يوم يحضرون لي درس بمعنى كل يوم مره المديره ومره المساعده ومره المشرفه ومره مساعده المساعده مابقى الا العاملات يحضرون لي بعد وطبعا كله سب نقدهم مافيه مدح ابد بجد حسسوني اني فاشله صرت افكر فيهم حتى وانا في البيت وياليت الراتب يسوى والعمل متعب مافيه بريك الا نصف ساعه والاطفال مره مره اشقياء 21طفل كل واحد اشقى من الثاني حتى البنات انا اول مره يمر علي اطفال كذا اذكر كنت اخاف من المعلمات بشكل مو مثلهم كرف في كرف وتهزيء وما احد شايف شغلي انا مو مكاني هنا انا ما اصلح مدرسه رياض اطفال ابد ابد فكرت اكمل ماجستير وما قبلوني تحطمت اروح للدوام كل يوم كاني مغصوبه كل ما رجعت من الدوام اقول بفصل ما تسوى علي بس تبقى المشكله وحده ان الغلط في قسمي اللي انا اخترته اكتابت مره دورت وظايف غير التدريس لان انا معي كمبيوتر لكن مافيه امل مابي منكم الا الدعاء ان الله يشرح صدري وييسر امري مجرد فضفضه ودمتم...... |
الله يفرج همك وييسر امورك باذن الله بالتوفيق لك من كل قلبي
|
عزيزتي الكريمه ..
بحكم أني محب للأطفال بشكل كبير ( وخاصه البنات منهم ) .. راح أعملك طريقة .. بالبداية انا كنت مثلك من اسمع طفل .. يجن جنوني .. ولكن بسالك سؤال .. وجاوبني بكل صراحه .. ( لو كانو اطفالك .. من شحمك ولحمك .. هل راح تصرين على هل الكلام ) .. عامليهم كأنهم اطفالك .. اضحكي معهم .. يعني انا اعرف اساتذتي من يوم كنت بالروضه لانهم كانو يعطونا اشياء جداً سخيفه .. ولكن لها ثقلها آن ذاك .. صدقيني معاملتك او مزاجك .. انعكس للأدارة واصبح الأمر مفروغ منه .. ولأنك غير متقبله الوظيفه ( بحكم التخصص ) و الأمر الآخر ( بحكم الراتب ) .. يبان على وجهك هل الكلام كله .. ممكن ما تلاحظين هل الأمر .. ولكن ملاحظ من غيرك وانا على ثقه من هذا الكلام .. حاولي تتقبلي الأمر .. و تكوني ناشطة بالمدرسه .. يعني الطفل يبي من يجاريه .. حلاوة .. علكه .. لعبه( محل بو ريالين معبي السوق ) .. وتقولين لهم ( الشاطر راح اعطيه .. على شرط يكون شاطر بكل اليوم ) .. وربي يصيرون قمةالأدب .. والأمر اللي حاب اقوله هذا داخل المدرسه وبرى كمان .. أن الطفل بعادته شقي .. تذكرينفسك يوم كنتي بعمره .. أبوك وأمك ( الله يطول بأعمارهم .. ) كانو يشكون منك .. او من أخوانك .. لان شقاوه الأطفال هي جزء من الطفوله كامله .. أتمنى تفكري بكلامي .. و تتأكدي منه .. وثقي ثقه تامه .. أن كل شي وله الفرج .. ما دامه مخلص من قلب .. لله تعالي .. تحياتي العطرة لك .. |
ههههههههههههه
ضحكت من العنوان انا يااختي كنت مدرسة حاسب رياض اطفال مااحكم عليهم لاني مش معلمة فصل اتحملهم من اول اليوم لاخره لكن والله يمسكوني اياهم وقت الوجبه ووقت الملعب صعب جدا جدا السيطرة عليهم المشكله انو مامعي معلمة ثانيه تساعدني طقييييييت بالاخير وماصدقت يخلص الترم وتركتهم وترا مدرسة عن مدرسة تفرق من ناحية ضغط الشغل والتعاون لكن ينحبون الاطفال وتحبينهم مع الوقت وتشتاقين لهم ويصير بينك وبينهم مواقف حلوه مره يمدحون مناكيرك او التي شيرت يعني تجي عليهم طلعات ودك تبوسينهم بس لازم لازم قوة تحمل على شقاوتهم لكن انا مو صبورة اضطريت اتركهم لان ماعندي اساسا بكالريوس في التعامل معهم لكن شفعت لي شهادة الحاسب والله يكتب لك اللي فيه الخير |
[align=center]
الله يعينك يارب .. والله يرزقك باللي احسن منها ,, لكن انت حاولي تجذبينهم بالاشياء اللي يحبونه ,,اكيد يحبون اللعب صح ,, اوعديهم قولي (المؤدب راح يطلع يلعب معنا ) <<بس مشكلتك ما تبين تلعبين معهم والله انهم يفتحون النفس ,,خاصه ان المجال مفتوح لك انك تلعبين معهم ,, مو عند اقاربك يعني على شان ينقدون عليك تلعبين معهم ,, لكن اتوقع فيه العاب بالرمل صح ,, لو اجلسي معهم واطبعي يدك على التراب وقولي لهم يلا مين احسن شكل ^^^^^^ ومن هالكلام :d :d وانت حاولي لا تخلين راسك مقففففل مره ,, لان ماراح تستفيدي غير قهر وطفش صح .. ولا تنسين تعدين كم مره قلت لك كلمه [تلعبين معهم ] :d والله يوفقك يارب :w [mark=#FF9999].[/mark][mark=#FF9999] لا إله إلا الله ,, فدا العسكرية https://www.btalah.com/images/smilies/Looking.gif[/mark][mark=#FF9999].[/mark][/align] |
صكي الورع مخمس علميه ان الله حق < خراب صح :d
لآلآ تبين الصدق خذ قاعده بالدنياء .. خليكي مع الحرمه حرمه ومع الرجال رجال مع البزر بزر :Looking: انتي محشوومه ,., :w بس وش تسوين مالك الا الصبر وش وداك له |
الله يعينج يارب
:h |
اقتباس:
والله يمكن هالشي اللي بيمشي بالاخير..:b ...................................... شجعيهم قولي لهم بجيب لكم هدايا اللي يكون مؤدب ويسسمع الكلام وبالنهايه اشتري لهم لعب لو بريال..:d واصبري.. تراك بنعمه غيرك يدورها يالغلا...توكلي على الله:h |
مشكورين على المرور
بس حبيت اوضح لكم شغله ان المدرسه الموقره مانعه ان المعلمه تعطي هدايا والحلويات ممنوعه بالمدرسه والعقاب ممنوع ولوحات التعزيز ممنوعه علشان ماتكسرين بنفس الباقي اجل كيف اضبطهم وكيف يتربون ماني فاهمه وانا اعرف انهم اطفال وارحمهم مره بس الاداره تبيهم مثل الالف كيف وهم اعمارهم ماتوصل 4 سنوات كلهم تحت الاربعه اما اني العب معهم هذي مستحيل معليش حاولت بس عجزت |
بصراحه اختي احب اشكرك اولا على اسلوبك الطريف بجد هههههههههههههههههه ممتع الله يعطيك العافيه وبالنسبه للأطفال بالعكس فكري دائما انهم اصدق اشخاص ممكن تقابلينهم وبعدين شوفي انا ماراح اتفلسف عليك فهو مش تخصصي لكن انا اكبر وحده بأخواتي وتقدرين تقولين عندي خبره لايستهان بها تبين الأطفال تحبك ادخلي عالمهم عيشي خيالهم وصدقيه بالعكس قمة المتعه لماانتي تحكين قصه مثلا وتتركينهم هم يكملوها عنك يعني اسأليهم عن احداثها واسمعي العجب صدقيني راح تحبينهم وقتها بتسيطرين عليهم وحتحسي نفسك طفله دائما وماتكبرين وهذا اجمل شعور اصلا يكفي نظرات عيونهم احلى صوره للحياه عندما تشاهد بعيون طفل
عموما لك مني اجمل تحيه ووصلي سلامي لكل الكتاكيت اللي عندك سلام |
الله يشرح صدرك ويسر امرك
بس تذكري هذول الاطفال اصدق ناس تتعاملين معهم :w |
أنــا مثلك بالضبــط ... دخلت هالقســم وأنــا كارهتــه .. مع ان نسبتـــي الثانوي 95 بس ما أنقبلت ألا فيـــه ! بس أنــا أختلف عنــك في أني رافضه المدارس الأهليـــــه ورواتبــــهم اللـي ماتســوى وكرررفهم وأخلاقــــهم الزفـــت . . . وكل اللي حولي يقنعوني أدرس في اهليه وانا متمسكه بـــــرفضي . . . وهذااني مبلطــــــه فالبيـت على أمــل الوظيفه الحكوميــه السنعه .,.. ياللـــــــه اللـــــه يرزقنـــــي ويرزقك بالوظيفــــه اللي نتمنــــاها ...:w:h |
اقتباس:
معليش اسمحيلي اختي ع تطفلي وردي ع تعليقك اللي مو موجه لي بس مايخالف عندي وجهة نظر ممكن تفيدك شوفي ياعمري لو بتنتظرين الحكومي عزالله عينتي خير هذا مو يأس والعياذ بالله لكن واقع انظري لحال الخريجات من حولك وبتشوفين مدى مصداقية كلامي اما عن العمل بالمدارس الخاصه انامعك ان واقع هالمدارس جدا صعب بس انا اشوف ان تخصصكم مقدور عليه يعني انتي بس سيطري ع نفسيتك وتهون الأمور بعد انتم تدرسون اطفال مو بنات اكبار الوحده تناظرلك كأنك اصغر اعيالها مو معلمتها من قلة الأحترام وقلة الأدب وعالعموم ممكن تفكري بمجال مختلف لكن لاتجلسين بالبيت لأن جلوسك بالبيت مايخدمك لا ع الجانب المهني ولا حتى الأجتماعي وعموما بالتوفيق |
الله يفرج همك وربك كريم
|
ياجماعه الخير الكلام سهل لكن التطبيق صعب
انتم تنظرون من زاويه انهم اطفال بس الاطفال اهاليهم وراهم وكل كلمه و الثانيه انا مادفعت فلوس علشان كذا اللي تبيه بس يلعب واللي ماتبيه يلعب تبيه يتعلم و اللي جايبته علشان ياكل بس واللي مرسلته علشان طفشهاا وتبيه يهبل بخلق الله يا ناااس الاطفال تغيروا مو على ايامنا اللي ياكل القطو عشاه تخيلوا مره صكني واحد بالقدر خير بغيت افقد عقلي ضاعت هيبتي لا ويضحك الاطفال مو ملائكه بلعكس شياطين >>>معليش انفعلت على العموم مشكورين على المرور |
هههههههههههههه
والله انك فله كاني اشوفك مع البزارين |
انتي صح صادقة الحين البزارين وراهم اهلهم يقونهم على المعلمات
كل يوم جايتك ام ليش سويتي في ولدي كذا وليش ماعطيتيه مثلهم وليش كسلان معك ولا مع غيرك شااطر والله ان بعض الناااس علة على القلب يفقع المرارة <<<<<<<<<سبق وجربت مايحتاج |
انا والله ماجيت الا عشان الا عنوان موضوعك
صراحه انا الي دااايم اتمنـى اهج لي مكان بس المهم مافيه بشـر على قولتك الله يعين يارب لكن دام مالك مزاج بالعمل مع الاطفال ادرسي ماجستير بتخصص نظري في علم النفس لانه على قولتك انه دراستكم كان قريبه من علم النفس والله يوفقك |
الله يعينك ويعطيك العافيه
ودى اقولك خلكي واثق من نفسك واجهى بكل صرامه وحبيه لو ماتنحب ((الوظيفه)) غصب احسن من الجلسه فى البيت |
اقتباس:
اما عن تحكم الأهلي فحدث ولاحرج أقل شي انتي تدرسين اطفال معقوله اشوي بقولك موقف صارعلي انا شخصيا مااحد قالي أنا كنت ادرس ثانوي يعني بنات اكبار وواعين مفروض المهم مااطول عليك لماكنت اصحح ملازمهم القى العجب رسايل غراميات وعبارات اعجاب وقلة حيا واللي يضحك تكون موجهه لمعلمة المادة اش هالمسخره :court:المهم كلمتهم وقلت بنقصكم وهالملازم بتروح للتوجيه ومن هالكلام ولاحياة لمن تنادي اخر المطاف رحت للمشرفه اللي عندنا بالمدرسه وشرحت لها حركات بعض البنات المشكله انهم ثالث تدرين اش قالت لي " قالت وماله مدام البنات عايزين كدا " طبعا انا غسلت يدي من السافه وصرت اتجاهلهم ومااعلق حتى يجيك يوم الا وام طالبه جايه تهزء وتسأل عني الإداريات أنا سمعتها وخفت قلت مصيبه الحين وشوي الا المديره تستدعيني للإداره جيتهم وانا اقول ياربي وش السالفه ولما دخلت إلا والأم تناظرني نظره لاتعليق اشوي وتقول انتي فلانه اللي تدرسين ......... قلت نعم قالت " انتي بأي حق تكسرين خاطربنتي وتكتبين لهابالملزمه هذه عبارات غير لائقه وانتبهي لسلوكك " بنتي متربيه وووووواخذت تسمعني من هالكلام الله لايوريك طبعا المديره عادي ماعندها اي مشكله انا جالسه اتهزأ :mوهي ولايهمها فهذا موقف من بلاوي احمدي ربك انتي مع اطفال واخيرا الله ييسر امورك |
فيه مثل مصري يقول(( حب ما تعمل لكي تعمل ما تحب))
الله يعينك ويهون عليك مصيبك ويوفقك للخير |
الله يكون بعونك
والله انك صادقه عيال اليوم البعض منهم ماينطاق بس انتي حاولي قدماتقدري تتلطفين معهم احضري لزميلاتك وشوفي تعاملهم كيف واستفيدي من تجاربهم |
استغفر اللــــه
|
موفق بإذن الله ... لك مني أجمل تحية .
|
[align=center]
الله يوفقك ههه والله معاناه لما تتعامل مع اطفال تحس نفسك بعدين تفكيرك مثل تفكيرهم وتعاملك مع الناس كأنك طفل [/align] |
تدري تدريسك وجلستك ولعبك معاهم تاخذي فيها اجر
لانو بجد مجالك متعب بس حلو ويخلي روحك حلوه ترا معاشرة الأطفال حلووووووووووووه ههههههههههه وتخليك طفوليه ^_^ |
والله مالومك ماكذبتي في العنوان
|
اممم ماني عارف وش اقول هو صح والا غلط هو تخفيف عليكي او زيادة عبئ لكن اقول وافـوض أمري الى الله أول شيء: يا اختي أنتي في نعمة بحيث أنك تشتغلي غيرك ما حصلت الشيء الثاني :عملك يفيدك في المفاضلة في الديوان تقريبا الحد الاعلى 3 سنوات خبره واحسن من جلسة البيت تقضي شيء من فراغك الشيء الثالث: استحضري النية واكثري من الدعاء لأنك تؤجرين ع عملك بس المسئلة تحتـاج صبر ومجاهدة النفس بس الجيل الجديد مو زي الجيل القديم زي جيلنا يعني احنا اول اهالينا يعلمونا من البيت احترام المعلم والمعلمة ايام الروضه خخخخ بس الجيل الجديد الاهالي يقوك ع المعلم او المعلمه هذا غير العنصريه القبليه اللي في المدارس اصبح المعلم او المعلمة في المدارس الاهلية مثل الاعمى يطبق اي قرار وما عنده هيبه بسبب ان الطفل او الولد او البنت في المدارس الاهليه يدرس بفلوسه ومسئلة حب الاطفال مسئلة تختلف من انسان لانسانه وع حسب الاطفال يعني طفل يرميكي بقدر ع باله انك الشغالة حقتهم خخخخ دعابة الله يعزك يا أختي بس حلوو لمن يكون عندك شغل يقضي ع فراغك لان الفراغ قنبلة موقوتة او موت بطيء للمواهب لكن حاولي تشوفي شيء تستفيدي منه بعطيكي مثال: انتي ما شاء الله معدلك ممتاز في الثانوية بسبب طموحك وفي الجامعة الله واعلم ابحثي عن مجال له حاجة في مجتمعنا في الوقت الحالي وشيء تحسي نفسك لو خشيتي فيه راح تصيرين مبدعة ادخلي فيه ويمكن تحصلين فيه كنزك المفقود ملآحظة: احيان الشخص يكره شيء في البداية بس بعد فترة يحبه ويتعود عليه ويبدع واحيان العكس |
اقتباس:
والمدرسه بالعكس مش غلطانين لأنهم يراقبونك ويدققون عليك هذا واجبهم والمدرسه والأطفال مو ذنبهم انك دخلتي قسم ماتحبينه اقتبس من كلامك هاذي النقطه (انا ثقيله وماانزل نفسي لعقل الأطفال وخرابيطهم .. اعرف ان الطفل اذا استهبل يتكفخ)>>>صراحه هذا مو كلام مربية اطفال تتفهم الأطفال وتعرف ان اللعب معهم ماهو نزول من مستواها ومستوى عقلها.. وبرأيي المتواضع اذا ماعندك استعداد تتعاملين مع الاطفال شوفيلك مجال شغل ثاني لأن الأطفال هم أحباب الله واحنا محاسبين على كل كلمه وتصرف معهم ولاتنسين انهم جيل المستقبل وهاذي مرحلة تأسيس لهم ومو ذنبهم انك دخلتي قسم ماتحبينه ... |
بصراحة احترت كثيراً في الرد .. واستغربت من استغرابك ..!!
والآن قدر الله وماشاء فعل .. أنت متخصصة ومتخرجة بــ امتياز تعرفين كيف تتعاملين مع الشخصيات المختلفة و وفقاً للخصائص العمرية لكل مرحلة .. وطريقة اصدار الأوامر والثواب والعقاب التربوي ووسائل التعزيز ..الخ المشكلة في كونكـ لاتحبين عملك ولاتخصصكـ لذا لن تبدعي فيه ولن تتحملي أقل كلمة تقال لكــ .. أنا مثلك تخرجت من الثانوية بــ 95 وتخصصي في الجامعة دراسات طفولة ومعدلي 4 .. الفرق بيننا هو أنني أحب مجال تخصصي وأحب الأطفال ..ولكنني كرهت التدريس ليس كرهاً في الأطفال ..ولكن كرهاً في قطاع التعليم الخاص .. ياعزيزتي من الضروري أن تشاركي الأطفال في اللعب وفي كل فترة .. حتى في فترة ( الوجبة ) حتى يحبك الطفل ويتآلف معك ويشعر بالمساواة وهذا السر الذي يجعلنا نتجمع جميعاً في حلقة على الأرض .. الطفل يراكـ كأم ثانية له ، ويحب أن يأكل معك ويشاركك في جميع أنشطته .. تدربت قبل سنتين في روضة حكومية وكانت مرحلة مرهقة بحق .. والمدرسة غير متعاونة أبداً وتكبدت خسائر الله العالم بها .. ولكنني لم ولن أنسى نظرات الــ 25 طفل ( 16 ولد و 9 بنات ).. وهم يودعوننا بالبكاء ..ولن أنسى مظهر ذلك الطفل اليتيم من دار الرعاية أشقاهم وأطولهم لساناً وهو غاضباً مني لأنني لم أفطر معهم اليوم .. في احدى الأيام حضرت متأخرة بسبب مرضي ، وكان الأطفال في الخارج تجمعوا حولي وأنا بالعباءة وكل واحد يسألني ( ليش تأخرتي يا ابلة ، أبلة انت تحبيني ، وحشتيني ، أبلة أخذنا عن وعن .. ) والله في تلك اللحظة زال كل التعب عني .. الطفل بحاجة الى أن يشعر بحبك وحنانكـ واهتمامك به .. مجرد حركة بسيطة قد تعني الكثير له .. عندما كنت اقوم بتمرير صورهم في أخذ الحضور والغياب يكونون في قمة السعادة .. رغم ان زميلاتي قلن لي أن هذه الحركة تافهة وتسبب في ضياع وقت الحلقة ..لم أبالي ..وساهمت بكياستي وقدرتي على ادارة الحوار في تسيير وقت الحلقة القليل لصالحي بدأ من التمهيد والمثير وعرض الدرس والأسئلة المتضمنة لمهارات التفكير .. نصيحتي لكــ .. أثيري انتباههم بالحركات والنبرات والانفعالات .. المثير المثير كلما كان قويا كان له أثر فعال .. كان لدي درس عن الرياضات المائية ..مثيري كان تافه جداً أحضرت صافرة وصفرت ووقفت وأخذنا نمارس الرياضة بصورة سريعة وكان الجميع يضحك ..ومتشوق للدرس .. أيضاً اسئلة التفكير قارن وفسر وتخيل بالذات تخيل ..ستسمعين اجابات تدركين ساعتها اننا نحن الكبار عقولنا صغيرة وخيالاتنا مملة وجامدة ألعاب الأصابع والأناشيد الحركية يعشقونها بشكل لا يوصف .. تفريغ طاقات الأطفال في الترتيب ومساعدة المعلمة وتكليفه بالمهام كل ذلك يرفع من معنوياته ويحسسه بأنه (محد قده ) صار صاحب مسؤولية ويرجع البيت طاير من الفرح لأنك عاملتيه كـ انسان كبير من وجهة نظره .. ولاتنسي ان الطفل ذكي ويعرف بأن المعلمة التي امامه جدية ام تمزح ..تحبه ام تكرهه .. وفي شغلة مهمة لاتعطي الطفل وجه زيادة عن اللزوم حتى لاتقعي في هذا الخطأ مرة أخرى ( مثل الطفل اللي ضربك ) وتكون لك هيبة وكلمة عليهم ..وخليك وسط لا ضرر ولا ضرار .. أنا في البداية تعبت لأني حنونة بزيادة وشكلي اصغر من سني بكثير وشعري كان قصير( من جد كملت ) :d وبعد كدة خلاص ..صارت لي سلطة عليهم .. لا وانقز وأحبي والعب معاهم وفي اناشيد ترجمتها وبعضها ألفتها بس عشانهم وكانوا يقلدوني في كل حركة اسويها حتى حركة شعري ..:i بجد كانت أيام حلوة .. ولاتنسي أنك راح تكوني أم بــ يوم وحتمارسي كل المهارات اللي اتعلمتيها مع طفلك .. يالله استنى اليوم اللي اكون فيه ( ماما ) ..:h طولت عليك بس حاولت اساعدك وافيدك .. وانصحك أيضاً بقراءة كتاب ( كيف تستمتع بحياتك وعملك ) لــ ديل كارنيجي.. والله يكتب لك الخير و يوفقك لما يحبه ويرضاه .. |
أسمحيلي أقولك وبكل ثقه وعنفوان وأنا أشرب >> شاب حليبي الساعه 8.30 صباحا
أنتي بنت دلوعهـ نعم نعم لا تنصدمين أجل داخله تخصص انتي متحبينهـ وفوق هذا قلتي كلمه أستغربت منه وستغربو منه الأعضاء الأعزاء ألا وهي (( أنا ثقيله ومنزل نفسي )) طيب ياعزيزتي ويابنت الكرام محد جبرك تدخلين تخصص من الأساس انتي متحبينه مو ذنب المدرسه ولا الأطفال بعدين والله أنتي بنعمه كبيره بس سبحان الله الأنسان ميحس بالنعمه بالوقت هذا تخصصك مش مرغوب كثير وفوق هذا أنعم الله عليج بوظيفه وراتب غيرك يتمنى ويحلم بأي وظيفه يستر على نفسه فيه يابنت الناس الله يحفظك يارب أذا وظيفتك تشوفينه فيه أهانه أو تنزل من كرامتك طز فيهم والله يغنيك عنهم وبحكم أني أقراء أفكار الناس وأحلل شخصياتهم أكتسبت هذي التجربه منذ تاريخ 2006 أي منذ تخرجي من الثانوي وبدء مسيرت البطاله والوعود الكذابه والأحلام الورديه بالوظيفه أنتي في ناس أثرو عليك وهم حاسدينك ويبونك تفصلين يعني أنتي تمرين بحاله نفسية مابين كلام المقربين والأعداء لك ومابين وسوسة الشيطان اللعين لك يريد تدمير مستقبلك ولايريد اشعال شمعه بأخر النفق أنصحك بتباع طريقتي الأستراتيجيه :: 1- بالدفاع والتصدي لاي عمل طائش يأثر على مستقبلك الوظيفي بل وأنصحك بالابتعاد قدر الأمكان عن صديقاتك العاطلات عن العمل لانهن يريد ن وقوعك في فخ البطاله اللعينه 2- الكر والفر :: هذا الطريقة تستعمل في الحروب لاكن تستطيعين الاستفاده منه بطرق سلميه يهمس الخريف وركزي على كلمة سلميه لان دائما نعشق السلميه ولا نحب أستعمل أدوات غير مشروعه لان الخوف يلعب دور كر وفر مع المديرهـ + المشرفه " الأبتسامه في وج أخيك صدقه يعني لازم تضحكين مع المديره تحببينه فيك ومن تطلعين من باب المكتب تستطيعين وبكل سهوله شتمه طبعا براحتك يعني 3 - الأطفال وكيفية التعامل معهم نحن كـ شعب سعودي الطفوله عندنا تختلف عن باقي الطفوله في العالم أعطيك مثال ياعزيزيتي أتمنى الأنصات الكامل لكل من يقراء كلامي لان كلامي دائما يدرس الأجيال القادمهـ + يسطر بأحرف من ذهب مثال :: أطفال اليابان :: في اليابان روضة الأطفال لهم أعمال يعملونه الكبار مثل تقديم نشرة الأخبار + التدريب على الأطفاء أجراء عمليات للكلاب + التدريب للعمليات الطب يعني حياتهم شغل في شغل لاكن في وطني أهـ وألف أهـ على وطني كل شي بالمقلوب روضة الأطفال كله كرة قدم + رسم ملاحظة كلامي على روظة الأ طفال الي بحارتنا الغبيه الكلام يطول في هذا التخصص المشؤؤم لاكن ثقو ثقة تامهـ بل ايقنو أني فيلسوف زماني ونابغة عصري رغم أني عاطل عن العمل لاكن الله اعطاني موهبه الفلسفه في الفراغ الطلق شباب صبايا لاتيئسو من هذي الحياهـ وهذا القدر المكتوب علينا (( بطاله في زمن النفط )) وفي الختام لايسعنــى ألا أن أشكر " أمــــي الغاليه " على أعطائي ثاني كوب " شاي حليب " خالي من الكسترول |
ياقلبي انت مأزمه الامر بقووة
عادي خذي الامر على سعة ودعة وسعي صدرك ليش تجيبين لنفسك القولون الامر جدا طبيعا النقد وارد لامحاله القليل القليل القليل من يشكر ويثني وهذا حــــــــــــال ابن ادم خذي الحياة اذن من طين واذن من عجين اطلعي للبيت وهم المدرسه وراك .. طيب بكره بتزوجين وبتجيبن اولاد كيف بتعيشين ... اصبري يااختي الحياة مافيهامن مستراااااح ..هكذا حال الدنيا وانظري لاصحاب القصور هل عاشو في نعيم وسبات ..انظري للانبياء وهم افضل الخلق هل عاشو في هناء .. اكثري من الاستغفار...و اساله جل وعلا ان يهب لقلبك رااحه وفرحا عاجلا غيراجل .. |
[QUOTE=على وشك الأنتحار;4150491]
رغم أني عاطل عن العمل لاكن الله اعطاني موهبه الفلسفه في الفراغ الطلق ياليت تعرض بعضا لنا من فلسفتك في المنتدى يمكن احدهم يستفيد |
| الساعة الآن 12:05 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين