استفسار بخصوص المقابلة الشخصية لوظيفة معيده/محاضره في جامعة الامام محمد بن سعود
السلام عــليكم ...
حابه استفســر بخصوص المقابلة الشخصية لوظيفة معيده / محاضره في جامعة الإمام محمد بن سعود الاسلامية اللي عنده / هــا خلفية عن المقابلة لوظيفة معيده او محاضره في الجامعة يفيدنا ... |
[align=center]
وعليكم السلاام ورحمة الله وبركاته .. أنا سويت فيها مقابلة لمعيدة من كم شهر .. وبقولك اللي اتذكره لاني بصراحة نسيت أول شيء هم يسون 3 مقابلات ( المقابلة الاولى مقابلة يسونها 3 مشايخ .. يسألونك عن مؤهلك معدلك يعني عن السي في تبعك .. سألوني تقرأين وش آخر كتاب قرئتيه .. تدخلين مواقع الكترونية .. وش اخر موقع دخلتيه .. رايك عن البطالة .. وقيادة المرأة للسيارة .. ) وإنتي بنفسك تقدرين تديرين الحوار يعني أنا مثلاً سألوني ..وش اهم مشكلة تواجه المجتمع .. فقلت البطالة وضلوا يسألوني .. وش رايك فيها .. كيف نحلها .. قرأت مواضيع عنها ووووووو لين طفشت .. المقابلة الثانية علمية .. بعد رجال يسونها معك .. وتكون المقابلة عن تخصصك بس .. المقابلة الثالثة فكرية .. بس بصراحة باقي ماسويتها :) .. لانهم يطولون بين كل مقابلة ومقابلة .. أنا جلست بين كل مقابلة حوالي 6شهور .. يعني لاتضايقين لو طولوا معاك وظلي دايم اسألي واستفسري منهم عن وضعك .. أهم شيء .. تراهم يحبون ينفرزون .. فخليك هاادية ولاتوضحين لهم إنهم إستفزوك .. يعني مثلاً سألوني وش تقرأين .. قلت كتب ادارية بحكم تخصصي وكتب دينية .. فقام الشيخ يقولي .. أجل إنتي غير مثقفة لانك ماتقراين في الكتب الادبية والشعر والعلمية والسياسية .. فأنا ضحكت ورديت بإني هالمواضيع ممكن اقرأها بالجرايد بحكم حبي لقرأة الجرايد ... الخ << وحسيت إنه اعجبه ردي :) وأنا انصحك تسجلي في ملتقى تجمع طلاب وطالبات جامعة الامام راح تستفيدين اكثر من تجاربهم .. بالتوفيق .. ولا تنسيني من دعوواتك .. [/align] |
موفقه بإذن الله ...
تـــحـــيـــاتـــي. |
أختي فراوله بالسكــر :
الله يعطيك الف عافيــه ويوفقك ويسهل أمرك ياكريم .. ... مسكين اي والله .. الله يعطيك العافية ويوفقك ... |
الله يوفقكم ياارب ، ويحقق امانيكم ،، ويفرحكم بالنتيجة
|
ياليت احد يفيدنا سويتو مقابلات ..... وقبلو احد
|
الله يوفقك اختي بس بسألك متى قدمتي عليهم وايش تخصصك ؟!! وضروري يكون التقدير
مايقل عن جيد جداا !! لان تقديري جيد ووودي اقدم على معيدة :( |
ايه موجود في موقعهم حاطين ايميل وراسليهم...........
|
ام جوانة الله يعاافيك تقصدين ارسل المستندات على ايميل الجامعة ؟؟ كيف ؟
|
http://www.imamu.edu.sa/university_s...s/default.aspx
هاذا رابط الوظائف الشاغره ويحطون احتياجات الاقسام من معيدين او محاضرين وتحملين اوراقك على الكومبيوتر عن طريق السكنر وترسليها بس بالاول اقري المطلوب |
الساعة الآن 06:27 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين