|
شركة الفرسان للسفر والسياحة .... بلييييز ؟؟؟
السلام عليكـــم ...
اليوم اتصلو علي شركة الفرسان للسفر والسياحة وحددولي موعد للمقابلة يوم الاربعاء؟؟ بس حبيت أسال اذا في احد يعرف مكانهم الضبط وين اللي اتصلت علي قالت قريب من مستشفى الحبيب وبرج أبيض اسمه فرسان بلازا ... بس اذا في احد عنده توضيح اكثر بالنسبة للمكان ياااااااريت مايقصر الله يخليكم .. او عندكم معلومات عن الشركة وكيف تكون طبيعة المقابلة وجزاكم اللله خير |
نفسك بالظبط اتصل علي اليوم شخص جنسيته هندي وقالي تعال سوي المقابله اليوم فأجلتها لغداً كان الوقت متأخر الساعة 11 الصباح وما كنت محضر نفسي جيد إلا للنوم هههه, عموماً أنا رايح غداً إن شاء الله للمقابلة وبأذن الله أزودك بالتفاصيل.
|
الله يوفقكم ويسهل اموركم
|
أخ فيصل ... الله يسهلك ويوفقك ان شالله
انتظر ردك بكرة ايش صار معك .. بس انت عرفت وين مكانهم بالضبط ياريت تقولي ولا مركز الرجال يختلف عن النساء مشتاق لك .. الله يوفقنا جميعا يارب |
^
امين يارب .. ومن يقول يا أخوي .. رورو بعد بحث وتمحيص بقوقل طلعت بمعلومات يمكن تفيدك .. اقتباس:
وأبحث بقوقل راح تطلع لك معلومات كثير .. والأمور إن شاء الله طيبه |
المعذره يا أختي أفتكرت انك رجل , أيوه عرفت موقعهم واضح جداً على طريق الملك فهد. أما بخصوص فرع النساء ماعندي أي خلفية للأسف لكن ولا يهمك غداً بسأل المسؤول عثمان عن أستفسارك وأزودك بالمعلومات.
|
يعطيك الف عافيه
والله يقدملك اللي فيه الخير انا بعد نفس الموقع ببرج فرسان بلازا ... بس أنا كنت حاب استفسر اكثر عن الموقع مااقصرت |
يا أخ فيصل .. بشر ان شالله رحت المقابلة
ياريت تقولنا وش صار معك وكيف كانت طبيعة المقابلة |
الله يوفقكم يااارب والشركة معروفة جداا ولهاا سمعتهاا ,, اختي رورو بعد اذنك كيف قدمتي عليهم وايش مؤهلاتك ؟ تبع الموارد البشرية ولا مالهم علاقة !!
|
أجمعين ياارب
انا قدمت عن طريق الايميل .. من اسبوع ارسلت السي في لايميلهم الخاص بالشركة وكلمتني أمس وحدة وقالتلي عندك مقايلة مؤهلاتي .. بكالوريوس انجليزي وعندي خلفية كويسة على الكمبيوتر وهي ماحددت لي نوع الوظيفة |
اقتباس:
اليوم رحت للمقابلة وكانت مره ممتازة والمدير المسؤول عن التوظيف شخص أنيق ومهذب ومحترم لأبعد الحدود, طبعاً المقابلة ما خذت عشر دقائق كانت عبارة عن تحدث عن نفسك طموحك ولو مستقبلاً جتك فرصة وظيفية هل توافق عليها وهل حالياً تنتظر وظيفة معينة تحدث عن نفسك شوي بالانجليزي وسويت كونفرزيشن مع مسؤول شؤون الموظفين مستر عثمان مره فرندلي هالشخص كان متواجد معنا في المقابلة. الوظيفة فالبداية كانت الوظيفة المقترحة واللي راح يحطني عليها في شؤون الموظفين لكن بعد المقابلة أعجب بشخصيتي وأقترح علي العمل بقسم إدارة العلاقات العامة وطبعاً وافقت بحكم تخصصي في هالمجال, المشكلة اللي واجهتني لابد أني اجلس معاهم أكثر من 8 شهور وإلى الآن لازلت أفكر في امر الوظيفة من الممكن مستقبلاً أحصل على وظيفة أفضل لاني مقدم على الإعادة بجامعة الملك سعود وسأكمال الدراسات العُليا وتم قبولي ولم يتبقى إلا النتائج النهائية فهذا كان عائق اليوم امامي. مميزات الوظيفة حلوه لكن العمل متعب جداً من الساعه 8 ص إلى 5.30 م الراتب لم يتم تحديده لين أعطيهم رأئي في موضوع العمل لمدة ثمانية شهور. تقريباً هذا كل اللي حصل اليوم وموفقة إن شاء الله يا رورو المقابلة تحتاج لوقت كافي من النوم وروقان عالآخر. |
اقتباس:
يعطيك الف عافية والله يقدملك اللي فيه الخير والله انا شايلة هم بكرا .. مرتبكة وخصوصا نو جديد متخرجة والانجليزي عندي ممتاز بس الكونفرزيشن مو مرة بس حلو اذا بس شاملة هذه الاسئلة المقابلة يعني من كلامك افهم ان على طول يحدودلك اذا انقبلت ولالا ..؟؟ |
لا تخافين من الانجليزي انا والله مستواي مره عادي ولا يجي 10% يعني انقليزي مكسر ههههه ومشاء الله انتي تخصصك أنقلش المفروض ماتشيلن همّ ولا تكونين مرتبكة انا مثلك متخرج مالي الا شهرين والأمور طبيعية جداً, أيه من وقتها يقولك أنقبلت ولا لا هذا اللي صار معي اليوم لكني طلبت وقت أفكر بالموضوع وراح اتصل عليكم.
|
[align=center]
السلام عليكم [/align][align=center] انا بعد عندي موعد انتر فيو بكره في الفرسان ومره شايله هم الله يعديها على خير وشكلنا يارورو بنتقابل بكره بس شايله هم الانجليزي وعلى قولة اخوي فيصل انجليزي مكسر هههههههههه [align=center] [/align]واستفدنا منك يأخ فيصل الله يعطيك العافيه [align=center] [/align]الله يكتب اللي فيه الخير لنا اجمعين ولكل مسلم [/align] |
وش صار عليكم رحتوا اليوم للمقابلة ؟
|
اييه بشرينااا رورو وش صار معك ؟؟ رحتي وكيف المقابلة ؟
|
والله تمام الحمدالله رحت قابلت ..
قابلت اول شي المسؤولة بعدين المدير بعدين المدير العام واستفسرت عن الشغل و وضحولي كلشي وطبعا انا الحين استنى منهم رد وان شالله خيير يارب لي وللجميع |
الله يوفقك ياارب ,, بس ايش نوع الوظيفة ؟ وهل هي مختلطة ؟
|
مفتوح التسجيل للان ولالا
وكيف الطريقه لتواصل معاهم |
الوظيفة كول سنتر .. اول شي يدربونك اسوبع على برامج الحجر بعدين ينقلوك لمكتب الاساسي
بس اهم شي الانجليزي عندهم .. يعني تعرفي انجليزي تمشي والله ما اعرف اذا التسجيل مفتوح للان بس انتي ارسلي السي في على ايميل الشركة وان شالله يردون عليك صراحة شركة مرررة كلاااس |
شباب مساء الخير / انا اخصائي توظيف في شركة كبرى سعودية 100%
وارغب موظفين لحجز تذاكر طيران - بري - بواخر خبرة وبدون خبرة بالمواصفات الاتية - اجادة تامة للحاسب الالي خصوصا برامج الاوفيس - يفضل من لدية خبرة في برامج amadios- galilio - اجادة اللغة الانجليزية - الجدية والالتزام وتحمل ضغط العمل المميزات راتب شهري ثابت + سكن + مواصلات ارسال السيرة الذاتية مع صورة شخصية على الفاكس 012062371 البريد الاللكتروني man15242@windowslive.com للمعوملية الشركة لاتعمل في مجال السفر ولا السياحة . تحياتي . |
| الساعة الآن 06:41 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين