بسم الله الرحمن الرحيم
السلام عليكم ورحمة الله وبركاته
راح اقولكم معاناتي مع الوظائف
انا تخرجت من الثانويه بنسبه 96%
ذكيه ,صبوره ,احب الابداع
قصتي اني دخلت قسم وندمت على دخوله (رياض اطفال) ما انكر اني كنت مرتاحه اثناء دراستي كان قسم لطيف وخفيف وماكنت مجتهده فيه
المهم تخرجت من سنتين بمعدل 3.45
ولحد الان عاطله
احس عمري قاعد يظيع مني وانا لسه ما توظفت
اتمنى الاقي وظيفه وطبعا هذا القسم تقريا مالك مجال الا التدريس
قبلت واقعي بكل صدر رحب
وقلت لازم ابحث عن وظيفه حضرت دوره في بيت صاحبة مشروع (روضه اهليه على نظام منتسوري ) كانت روضه قويه شضراح تفتح واشترطوا انك تحضرين الدوره معاهم لمدة شهر ثلاث ايام الاسبوع لمدة ساعتين كنت احضر واشارك وكان واضح عليهم الاعجاب في شخصيتي ووعدوني وخلاص فهمت من كلامهم اني راح اكون معاهم في اول ايام افتتاح المدرسه
لانهم سالوني قالوا اكيد خلاص راح تكونين معانا انشالله ؟ قلت انشالله
لكن مرت الايام ولا احد اتصل
والمدرسه فتحت من سنه
استغربت بس لو كانوا مالهم رغبه فيني معناتها كلامهم مجامله وماكانوا مضطرين يجاملون
قلت خيره يمكن رقمي ضاع من عندهم ولو كانوا يبغون رقمي كان فيه عن طريق معرفه يقدرون يجبون رقمي والا يمكن لقوا معلمات اقوى


بعدها بمده قدمت على روضه اهليه راتبها احسن من غيرها 2600
اتصلوا وقالوا تعالي
البيئه كانت سيئه أطفال مديره معلمات داومت يومين
ياناس انا بسألكم سؤال ؟؟؟؟؟؟؟؟؟؟؟؟؟؟
اول يومين في الدوام في روضه جديده هل المعلمه مطالبه بشئ ؟؟؟؟؟؟؟؟
انا داومت يومين اصلا ما ادري كيف نظامهم لأن الروضات يختلفون حتى المبنى نفسه ما ادل فيه مافيه احد ارشدني
ومافي تعاون من احد مافي احد يقولي شي انا اللي اسأل البنات ولما اسألهم مثلا كيف نظامكم في الطابور الصباحي يقولون ليش انتي مو رياض اطفال ؟؟؟؟
كنت في هذي اليومين ظايعه تخيلوا دخلوني غرفه فيها 60 طفل كان الوضع مزري قرف الغرفه فيها تلفزيون صغير فيه قناة المجد وبدون الوان حتى و60 طفل فوق بعض والغرفه صغيييييره وحررر اللي نايم واللي يحاول يهرب واللي يبكي واللي يضرب
فجأه دخلت المديره قالت امممممم يعني ما عجبتها
واحاول ادخل مع المعلمات بس فيهم انانيه او ما ادري وش سالفتهم
المهم لما كملت يومين قالت المديره انتظري يومين وارد لك تكملين معانا او لأ
ارسلت انو تقول لا تكملين معانا

اهتزت ثقتي بنفسي حسيت بالفشل

سألتها عن السبب

قالت البرود
قلت كيف تعرفيني وانتي ماشفتي خيري من شري صكيتوا علي مع 60 طفل كيف اعطي بهالجو ..
تمنيت انها كانت صريحه معاي وقالت انا ماابيك لاني ابي وحده معينه اعرفها مو تقعد تحطمني

انا اللي عرفه انو المعلمه الجديده تكون في فترة مشاهده لاسبوعين وبعدين يجربونها كم شهر بعدين يحق لهم يحكمون عليها

زعلت كثير على نفسي
بس السؤال اللي محيرني الغلط فيني والا فيهم ؟؟؟؟؟؟؟؟؟؟؟؟؟

عزيزتي شايفه نفسك مبدعه بهالقسم واثقه لاتهتز ولاشي بصوص الجزء الاول من الحكايه اعتقد يانسوآ؟ يالواسطه لعبت دور انا مااحط بذمتي بس توقعاتي لو راجعتيهم يمكن اختاروك بس لو ماتنفع الحين سكري الموضوع الاول وابد لاتتحطمين وكل شي خيره
وبخصوص الجزء الاخير ماتنلاميييييييييييين صراحه دام الوضع كذا الغلط منهم وخلي ثقتك كبيره بنفسك هاذي الحياة لازم تواجهين مصاعب مو من اول او ثاني موقف تبدى تهتز ثقتك بنفسك خليك قويه واجهي الحياة
وقسمك مره يجنن ونفسي فيه من زمان بس الله ماقسم
وحبيت اوضحلك شغله كثير ننساها ونكتبها بالغلط ان شاء الله <كذا تكتب

تحياتي لك

60 سلامات

وش تسكتين وش تراضين 60 طفل صعبه عليك

بعدين كسرتي خاطري والله المديره ملعونه تقول ابي غيرك والله مالك غير كل فجر تدعين عليه بالموت او السرطان

صدقيني لاتسمعين الي يقولك حرام ولاتدعين وخيره هولاء ظالمين عليج بالدعاء عليهم بالمرض

انا مقهور منهم ومن كل شخص يظلم انسان برى

هذا اخر الزمان يكثر الظلمه والفتن

اسسسسسجل تعاطفى وياج وانا اول الداعيمن لك بالثوره ضد الظالمين

يا بنت الحلال طولي بالك
و ربك فوق الجميع
بعد اللى ذكرتي و تسألين الغلط منك أو منهم
الله يوفقك يكفي 60 في فصل انتي اللى ترفضين
أما المديرة هي و غيرها ظلم و عدم مساواة و محسوبية
و المدرسات اللى ما يردون هذا طبع و أنانية لدى البعض
مررت بهذي النوعية مجرد ما يبون يفيدون احد لو معلومة
و يظنون أنه ذكاء منهم أو إحتكار معلومة و هم مرضى نفسيين
لكن الله يرزقك بأفضل منها و الزوج الصالح بلا دوام بلا بطيخ
اتعبي و اسهري على شئ يستحق بيتك و عيشي ملكة

استغفر الله
بس والله 60 طفل الظاهر ماتكملين اسبوع الا مشيبه
والله هم الفاشلين
60 طفل اتوقع عذر عشان يفنشونك
مالت عليهم وع وظيفتهم
الدنيا قدامك

مشكورين الف شكر الله يفرحكم مثل مافرحتوني

وانشالله انا في يوم ما راح انجح

بفضل الله ثم بفضل دعمكم لي

الغلط اولا واخيرا في الجهات الحكومية التي لا هم لها غير المسائل الامنية وهو شي ظروري ولكن ليس على حساب مستقبل امتنا وغير الجهات الامنية تجدها صورية وشكلية لاتحل ولا تربط مجرد تنتظر المكرمات مع العلم انا ضد مسمى مكرمة طيب ماهو دورها معطله تنتظر من يوجههاهذة وزارة حرام يطلق عليها وزارات