|
استفسار .. عن معهد الحاسب الالي ..!!
السلام عليكم ورحمة الله وبركااااااااتـــه
كيفكم شخباركم ؟ ان شاء الله بخير .. ندخل بالموضوع .. انا عندي مهاره عاليه في الكمبيوتر ..! وضروفي الماديه ماتسمح لي ادرس دبلوم بالوقت الراهن .. فا اقترح علي احد الاخوان .. اني اقدم .اختبار في معهد الحاسب الالي اختبار اختبر عن سبعه كتب .. وكل كتاب له اختبار في وقت محدد احدده انا .. المهم .. اني اختبر عندهم بعدها .. اذا نجحة عطوني شهادهـ سته شهور .. وقالي .. شخص ثاني .. انها ماتنفعني بشي . والشهاده الي تنفع لازم تكون من المعهد المهني .. يعني ادرس بمعهد سته شهور وبعدين اروح للمعهد المهني اختبر عندهم اذا نجحت عطوني الشهاده وهي الي تنفعني ..!! فا انا ما احتاج ادرس بمعهد سته شهور .. خبرتي كبيره والحمدلله . بس مادري وش الحل وش الي بيفيدني .. وفيدوني .. افادكم الله بالدنيا والاخرهـ اخوكم سلطان العتيبي :) !! |
اخوي وضعك مثل وضعي تماااام
وانا اتصلت على معهد وقلت لهم بس ابغى اختبر السبع الاختبارات قالوا تعالي وعن كل اختبار 100 ريال قلت لها طيب تعطوني شهادة اني درست 6 شهور ولا اني اختبرت قالت نعطيك شهادة بالاختبارات اللي هي اختبارات icdl فأنا بطلت اخاف تروح 700 ريال في الهوى وقلت يابنت اتقي الشبهات ننتظر وناخذ الافضل وجمعت مبلغ الحين وراح ادرس icdl ان شاء الله قريب 6 شهور واي معهد شهادته تكون معتمدة راح تكون معتمدة من المؤسسة العامة للتعليم الفني والتدريب المهني يعني مو بلازم تختبر في المعهد المهني انت اسأل المعهد قول لهم من فين معتمدة وحاول تسأل ناس مجربين المعهد ويكون المعهد ثقة والله يوفقك وييسر امرك |
الله يوفقك
بس أهم شي أخوي تتأكد إنه الشهادة معتمدة لا تطير فلوسك وهذي مو كل معهد يوفرها بالنسبة للمعهد عندنا يرضون تحضر للاختبار بس بس بالنسبة للفلوس ماتتغير القيمة يعني نفس الشي تختبر بس أو تدرس من أول وجديد نفسها |
السلام عليكم ياابن العم اولا احب ابارك لك على نجاح مزايين عتيبه الهيلا
ياسلطان يليت لو توضح كثر عشان افيدك المؤهل - الخبرات - اذا ثانوي وعلمي هو الامل كم معدلك ؟؟ واللي قالك ان شهادة سته شهور ما تفيد والله كذاب بالعكس مفيده جدا صحيح اذا كان اقل من 6شهور ماتنفع ولكن سته شهور وكل ما طلعت فوق كل ما كان افضل بكثير وانصحك حاول تكمل مالك الى الدراسه ياسلطان ان كنت ابتدائي ادخل ليلي وان كنت متوسط نفس الطريقه اما ثانوي الفرج قريب وانشاءالله نكون بخدمتك اخوك سعود العتيبي |
انا انصحك انك تدرسها وبعدين دراسة 6 اشهر قسم بالله تخلصها بشهرين سلام سلام انا درستها ومعي الشهاده من المعهد المهني وانصحك يالغلا انك ماتاخذها من نفس المعهد لازم تاخذها من المعهد المهني وصدقني ترى تنفعك ولاتستصغرها بعينك والله نفعتني بشكل ماتتصور ولله الحمد وابشرك حاليا ادرس شبكاااات بعد
والله يوفقك يالغلا |
اخوي اخوانك فيهم البركة وردوا عليك اتمنى ان الله يوفقك
|
[quote=وحي القلم;339157] اخوي وضعك مثل وضعي تماااام وانا اتصلت على معهد وقلت لهم بس ابغى اختبر السبع الاختبارات قالوا تعالي وعن كل اختبار 100 ريال قلت لها طيب تعطوني شهادة اني درست 6 شهور ولا اني اختبرت قالت نعطيك شهادة بالاختبارات اللي هي اختبارات icdl ... هذا الكلام صحيح أختي ... ... لكن كتصحيح لكلام المعهد بالنسبة لإختبارات icdl ... ... إصدار البطاقة بـ 140 أو 150 ريال ... ... بعدها كل اختبار بـ 50 ريال ... <<< يعني 50 × 7 اختبارات = 350 ريال ... 350 + 140 = 490 ريال ... أو ... 350 + 150= 500 ريال ... :d ... تعالي في الصيف لجدة ... ... وادخلي اختباراتها معاي لو تبغين ;) ... "المصدر " أنا :p <<< ... مدربة متعاونه ... فترة الصيف ... ... والأخ سلطان العتيبي لكـ نفس الكلام ... <<< أكلم لك فرع الرجال بــجـــدة ... :) |
ملاحظة صغيرة
مو لازم تدرس عندهم عشان يحسبون الشهادة بستة اشهر اصلا شهادة Icdl شهادة دولية معتمدة وديوان الخدمة معتمدها على انها سته اشهر اذا صاحب الموضوع لديه المهارات العالية في الكمبيوتر مو لازم يدرس لان الي بيدرسة المعهد اكيد بيكون عارفه يعني الافضل انك تدخل الاختبار على طوال اذا ما عديت في اختبار تقدر تختبر فيه مرة ثانية بالتوفيق |
[quote=TAM;342365]
اقتباس:
|
اتوكل على الله وادخل اختبار icdl وماتفرق بالتوظيف اذا كانت تدريب او توظيف
|
| الساعة الآن 02:51 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين