السلام عليكم ورحمه الله وبركاته

يسعد لي مسائكم بكل خير
اتمنى الجميع يكون بصحه وسعاده وراحه بال
واتمنى من الجميع المشوره وتوجيهي
ليست مشكله ان شاء الله لكن:
بقول الموضوع كامل واعذروني على الاطالة:
انا موظف بدائرة حكومية بتكون خدمتي بشهر 7 سنتين اذا الله عطانا عمر
المهم طلبت ندب قبل بداية السنه الحاليه 1432
ومع الاجرائات والـخ باشرت كموظف منتدب المهم حطوني بقسم مثل القسم الي اشغلت فيه بعمل السابق
علشان الخبره والخ
والحين احنا 3 موظفين بنفس القسم طبعا المشكله اني مارتحت معهم ولابغي القسم وكنت حاط عيني على قسم ثاني واعرف مديره معرفه شخصيه تامه(ابو سعود) وهو الي كلم الرئيس بالكتابه معي على الندب
الحين لي 3 شهور بنفس القسم الي مابغيه ومحتار وبغي مشورتكم هم 2 وانا الثالث واحد ابو فيصل والثاني محمد وانا عبدالله
ابو فيصل يداوم وخبره معه بس اذا جاء وقت الظهر قبله
يطلع يجيب اولاده من المدارس ويتكي بالبيت رغم قرب المدارس والبيت والى 1 ونص او بالكثير 2 الا ربع علشان يرد يوقع ويمشي طبعا نادراً يرد بعد مايطلع
الثاني هذا محمد مثلي مثله ونفس العمل المطلوب منا كموظفين
هذا يطلع كل يوم بعد ابو فيصل بشوي بس يعني من 11 ونص نادرناً تلاقيهم يروح للاستراحه ونفس نظام ابو فيصل بس ابو فيصل معذور بوجهة نظري اما هاذا لا يطلع اللهم لاشماته للاستراحه والـخ
والضغط يصير علي ومقابله الجمهور علي ومايصير بالمكتب غيري
فانا مارتحت معهم طول هالفتره وباقي من ندبي لهم 9 شهور تقريبا وانا مانتدب الى علشان القرب للبيت
وهالاسبوع الي مضى كله ماداومت مثل اول اوقع ومشي وروح اخلص اشغال والا ارد للبيت المهم اجيهم ع 10
الي ابغيه تشورين علي
وش اسوي مالي خلقهم ولا ابغي القسم نفسه والمشكله هنا ان ابو فيصل معرفتي فيه شخصيه قبل العمل ويعرف الوالد والاخوان
وصاير انا محرج منه فما اقدر اقوله يبو فيصل كلم محمد وخله يتعاون معي وللمعلوميه ابو فيصل مدير قسمنا
وانا ودي اكلم ابو سعود وقوله انقلني عندك بالقسم حتى قبل ماباشر قايل له كلم لي الرئيس علشان يوجهني بقسمك قال بكلمه وكلمه لكن الرئيس قال علشان الخبره
فانتم وش تشيرون علي والله محتار وبنفس الوقت محرج
ابغى اداوم السبت ان شاء الله وانا عازم على قرار فلا تبخلون علي بارائكم
واعتذر مره اخرى عن الاطاله
تحياتي
ع بدالله