مشكلتي بسيطه بس ماادري وش الحل
 

السلام عليكم

مشكلتي اني قدمت على ستي بلازا الي بالخبر قبلوني ورحت الدوره مدت اسبوع والاسبوع الثاني قالوا لي تباشر عملك باشرت عملي يوم السبت وصارلي ظروف وتركتها اليوم الثاني جيتهم بعد ثلاث ايام ابغا ارجع عيوا قلت طيب عطوني اخلاء طرف قالوا لازم تدفع الغرامه الي عليك 1500 حاولت اقنعم بضروفي ماستجابوا وانما مدري ادفع لهم 1500 ولا اقعد بطالي بس المشكله في ال 1500

الله يعينك اخوي حاول مرة ثانيه

والا ماالك الا انك تدفع 1500

ربي معاك

ما فهمت تدفع 1500 عشان يرجعونك ؟؟؟؟؟؟؟؟؟ههههههههه

اقول دور غيرهم ابركلك الا اذا راتبهم مجدي وزين ادفع

موفق انشالله

شكرا على مروركم

انا مابغى ارجع اصلا بس المشكله الحين اذا تبي توظف في اي قطاع خاص لازم تروح لمكتب العمل وانا اذا رحت لمكتب العمل بيقول انت مسجل عندنا كيف تبينا نسجلك في وظيفه ثانيه

انشاء الله قدرت اولصل المعلومه

الله يعينك مالك الا تدفع
ترى البطاله شينه
وماتدري يمكن يكتبلك الله خير فيها

ربي يعطيكم الف عافيه

على مروكم

لاهنت ياوقتي ذهب
ماقصرت

وجزاكم الله الف خير

الله يكون بعونك ويوفقك

الأخ :- رحيل

هل اخذو شهادتك الدراسية الاصل " في هذي الحالة لازم تدفع الغرامة "

انا اعرف واحد كان شغال في سيتي بلازا اللي في جده اعطوه دورة في الرياض لمدة اسبوعين ورجع لجده وجلس شهر وكم اسبوع وترك الوظيفة " لظروفه المادية وبعد العمل عن البيت "
ورجع لهم يبغى الشهادة واخلاء الطرف قالو له ادفع الغرامة اللي عليك .

" اتمنى ينتهى موضوعك على خير "