قلت متى اتوظف وتوظفت بالاخير زاد همي
 

السسسسسسسسلآلآم عليكم



كيفكم ياشباب ان شاء الله بخير



ياخواني الموضوع باين من عنوانه اول كنت اقول متى اتوظف وبالفعل توظفت :Thumbs: وهذا بفضل الله ودعاء الوالدين والصبر


بس مشكلتي القطاع الي انا فيه مقر الشغل بالرياض بس وانا اهلي بالشمال :cry:


تكفون ياشباب قولو لي وش اسوي قسم بالله مالي غير الله ثم انتم خلااااص نفست الفلوس ورب البيت موجوده والله الحمد بس ضيقه بالصدر يارجال لا يعلم فيها الا الله وحده


ابي ماشورتكم

الله يعينك ياخوي مالك إلا انك تدور لك دقيش في قسم المداقشات،أو تنتظر شهر 8 لأني سمعت انهم يستقبلون طلبات النقل في شهر 8 في كل سنة.

انت دور واسطه منا منا وانقل وبالتوفيق

وكثر من الدعاء

مالك الا الصبر

واسال الله ان يفرج همك وهم جميع المسلمين والمسلمات

[align=center]ياخوي أصبر الصبر زين بعدين اهم شي العافية وأهلكـ تبي تشوفهم

يارجل شف الاجانب يتغربوون يجيون لسعودية يدورون لقمة العيش

مايشوفون اهلهم أسنين ولا انت احمد ربكـ طيارة كم ساعة الئ وأنت طاب عند أهلك ولا تزوج وريح مزاجك وانت والمدام واستقر برياض وتروح وتجي لأهلكـ بتووووفيق اخوووي

سؤال ؟ وش الوضيفة الي مالها غير الرياض !! ومالها فروع بشمال [/align]

اذا توك تعينت اصبر 5سنين بعدين دورلك دقيش

1- انضبط
2- خليك فرفوش مع الضابط
3- اطلب نقل
4- الصبر الصبر
5- التوفيق من الله

شوف حبيبي القطاع الي انت فيه الف واحد يتمناه الامن الدبلوماسي صح؟
طيب انت رح قسم المداقشات العسكرية ونزل طلبك ورح تلاقي كثير من يبي الرياض وهو بالشمال بس انت رح تنقل الى الامن العام لان اغلب المتعينين الجدد من دورة الامن العام وفيه ناس تعينو بالشمال وهم اساسا يبون الرياض عشان كذا انت نقلك سهل بس يبي لك واسطة تحرك لك معاملتك والواسطة سوا من طرفك او من الطرف الثاني رح تخدمكم عادي بس ضروري يكون فيه واسطة وادع ربك غيرك عاطل وريح نفسك ترا موضوعك مره سهل ومقدور عليه لان قطاعك مرغوووووووووووب وبقووووووة واعلى راتب انتم !
وشوي شوي قطاعكم رح يصير اهم قطاعات الدولة والترقيات عندكم ماشية ونصيحة خل النقل عندك اخر شي

الله يوفقك خيووووو

ربنا ييسر لك أمرك

ودي أخدمك بعيوني لأني حاس فيك لكن مالبيد حيله يالغالي