للي مايعرف مكان امن المنشئات بالرياض هلموا
 

السلام عليكم
اللي يسأل عن مكان امن المنشئات بالرياض

حي الوادي

اللي مايعرف يمسك اقرب تاكسي
يقوله وين حي الوادي
خله قدامك ولاتعطيه الا خمسه ريال عشان مايهج
اذا مافهمك التاكسي
قل له وين الدائري الشمالي

عاد انت اذا مسكت الطريق
يجيك مخرج سته وسبعه وراء بعض

اهم شى لاتضيعون انفسكم

واحفظوا الرقم ذا


قيادة القوات بمنطقة الرياض مبنى رقم (2) الطريق الدائري الشمالي مابين مخرج (7 و 6) حي الوادي هاتف رقم (012001300)


طبعا تقدر تروحون
الساعه ثمانيه او تسعه ولاتتعدونها

لان تقديم من 7 الصبح الى 11 الصبح


بالتوفيق ياحلوين

وهنا كروكي للي مايعرف الرياض

http://www.905ksa.com/


اهم شى سنعوا انفسكم من الليل
موب لاجاء الصبح قام الواحد يلف ويدور
وترى فيه شقق بالحي
لانه حي عزاب اكثرهم
ويسمونه حي المطعسه
ههههههههههههههههههههه
بس حي جميل

---------------
امر اخيرا ذا وصف للاخ وليد
لموقع امن المنشئات بالرياض
------------------------------


وأنت جآي من مكه بيجيك مدخل الريآض اللي هو نقطة تفتيش بعد مآآتطلع مع جبل العآرض ، يعني طلعه مرة كبيرة ،، بعدين تمشي على طوول لا تلف يمين ولا يسآر بيجيك أول كوبري أتركه ثآآني كوبري أتركه روووووح بيبدأ الطريق ينزل ويطلع مع وآدي لبن بيجيك قصر الملك عبدالعزيز للمؤتمرآت وآآآآآضح مرررة على يمينك
تطلع مع الدآئري الغربي قريب منك بيكون أتجآهك شمآآل ،، تمشي على طوول معه وبيجيك مكتوب بعد جآآمعة الملك سعود ( طبعاً بتجيك على يمينك ،، الدآئري الشمآلي تطلع معه يمين وبيكون وجهك شرق تمشي على طوول وبيجيك مكتوب طريق الملك فهد أنتبه تروح معه ،، أدخل من تحت الكوبري وأنت على طوول بعدين تجيك المخآآرج كلّهآآ مكتوب عليهآآ أرقآمهآآ يعني 5-6-7 تطلع مع سبعه وتآآخذ يوتير كأنك رآجع لسته
متجة غرب خذ خط الخدمة وطول لين تجيك الوحة حقت المنشات في اليمين

إذا ضعت :d
أسئل عن الدائري الشمالي لانة معروف في الرياض كلها الورع الي عمرة سنة يعرف الخط الدائري :d

وإذا جيت هناك تلاقي المخرج يعني كبري مكتوب رقمة خلك بين 7 و 6 خلك متجة غرب وأمسك خط الخمة لين يجيك اللوحة وإذا ضعت :d أسئل عن مركز الشرطة :d هم جنبة :d وإذا ضعت ديور

-----------------
خلوني انا انزل احداثيات موقعهم بقوقل ايرث
عشان تكونون بالصوره واضحه

شـكرا لك وبارك الله فيك... لك مني أجمل تحية .

اذا حي الوادي مطعسه وش خليت للعريجاء والنسيم ؟ حي الوادي حي راقي بغض النظر عن شقق العزاب

^^
هههههههههه
طيب هم يقولونه موب انا
اسفين ياحياتي
حقك علي

انا مكتوب موعدي من 11 لين 2 الظهر كيف من 7 لـ 11؟

^^
دفعتين يالغالي
بعضهم من 7 الى 11
وبعضهم من 11 الى 2

الله يعطيكم العافية

امس نص الليل الساعة 3 طلعت اشوف الموقع وبعد لف ودوران لقيت الموقع وحفظته عندي بالجوال

الموقع أمام البوابة رقم 2 مباشرة تقريبا مقابل شرطة الصحافة

....

والي خايف يضيع ينزل الملف على جوال النوكيا ويشغله / بتفتح الخرايط مباشرة على الموقع

يشترط يكون عندك بربنامج الخرائط

لتحميل الملف اضغط هنا

ثم انشاء رابط تحميل بعدها حمل الملف