بسم الله الرحمن الرحيم


في موضوع سابق اخذت رايكم بفتح البوفيه وماقصرتوا معاي
والحمدلله انا استخرت ومرتاحه ومتحمسه وان شاءالله ابي افتحها
واتوكل على الله
اليوم اعتمدت على نفسي وعملت دراسه مصغره مبسطه
تنقصها اشياء كثيره بس قلت اتشاور معاكم وتوجهوني
مشروعي بوفيه بجنب جامعة عبدالعزيز بجده
الايجار بيكون كحد اعلى 24الف ولو الموقع الي اخترته بيطلب اكثر
رح ادور غيره يكون كحد اعلى 24
رح نبيع فيه سندويشات فلافل وعصيرات طازجه
وبطاطس وسندويشات بيض وجبنه وشاهي
فقطططط يمكن بعدين نتوسع مدري بس حاليا مارح اتعدى هذول


دراستي كانت كالتالي:
كتبت كل الاغراض الي رح نحتاجها يوميا بورقه
زي البيض وعدة الفلافل والطماطم والمخلل والشطه والمايونيز
وكل ابو الاغراض
ورحت عند اخوي وطلبت منه يكتبلي كم احتاج شهريا وكم سعر الكرتون بالجمله
والي طلع معاي
ان سعر الاغراض حقت شهر+راتب العامل+الزيت والغاز+الكهربا+الايجار الشهري+
بتكلف 8 الاف شهريا هذا وانا مزوده عليهم يعني زودت على حسبة اخوي تقريبا الف ريال
وراتب العامل حطيته 1500 في الدراسه بس مدري كم اصلا


بعدين رحت جمعت مبلغ التكلفه الشهريه وطرحته من الارباح حقت كل شهر
واكتشفت ان البوفيه حقتي بتخطيطي وخطتي رح تدخل شهريا
كحد ادني 25 الف وكحد متوسط 36 الف
لو قلنا 25000-8000=17 الف ربح صافي
بصراحه ماتوقعت البوفيه تطلع كل هالربح
يمكن تكون حساباتي مو دقيقه
لذلك اتمنى النصح والشور لاني هالاسبوع ان شاءالله بحدد الموقع
واجيب المعدات
وابيكم تعطوني بالتقريب كم ممكن تكلف المعدات
واكتبو اساميها لاهنتو وكم وحده يحتاج المحل
وجزاكم الله خير مقدما

................................................

3000 زاير ومافيش رد

بدايه جميله

وآشوفك متحمسه مشاء الله عليك > الله يرزقك من اوسع ابوابه

والله يآ وخيتي مآعرف بإسعآر الاشياء التى تتطلبها البوفيـه

بس مآتوقع بتكون غآليـه مره


بالتوفيق خيتو

الله يوفقك ويرزقك من واسع فضله
حاب انوه على شي مهم
اولا :
بالقرب من جامعة الملك يوجد بوفيهات كثير
ثانيا:
هناك تنافس شديد بين كل بوفيه والاخرى .يعني لازم يكون العماله شغلهم 100%
ثالثا والأهم :
اغلب العماله الحين مايرضا يشتغل بالراتب ,يجي الهندي يقول أبي استأجر البوفيه بـ3000 الأف الشهر
أكيد ماراح ترضين لأني أنا وانت والكثير نعرف أنها تدخل أضعاف هذا المبلغ ,يقوم الهندي يخرب شغل البوفيه
ويقولك شغل تعبان الين توافقين تأجريها عليه .
للأسف الشديد هذا الي صاير في أغلب المحلات التجاريه

انا لي ملاحظة بسيطة وهي ان البوفيه يحتاج على الاقل ثلاثة عمال في البداية

لان ساعات العمل طويلة من بعد صلاة الفجر الى وقت متأخر ليلا

وكذلك قد يكون واحد منهم متخصص لعمل العصيرات

تمنياتي لك بالتوفيق

الله يرزقك. وترى انا الحين افكر ببوفيه
اللهم ارزقنا وعبادك اجمعين

ماشاءالله ماتوقعتها كذا مربحه
الله يوفقك
متابعه

بالتوفيق

اختي الله يوفقك يارب ويفتحها عليك

لكن من حكم المعرفه عامل واحد مايكفي وايضا في نقطه الا وهي انك انتي حطيتي من بالك الربح المتدني 25 الف

ان شالله يجيك اكثر لكن المفروض تتوكلين علا الله وماتحطين من بالك اي رقم الا بعد ماتضبطين الشغل وتشوفين بعدها كم يدخل عليك يجوز اكثر يجوز اقل

وارجو اني ما اقلقتك ولكن هذا الصح بنظري وبالف توفييييييق