مقابلة شخصية بمكتبة جرير؟
 

السلام عليكم ورحمة الله وبركاته

شباب انا عندي مقابلة شخصيه بجرير

هل يكفي مقابلة بالفرع تكفي لان عند مقابلة بالاندلس موول

ياليت اللي عنده خبرة يفيدنا

وشكرا لكم :Thumbs:

هلابك ومبروك القبول المبدئي
انا قدمت ع جرير وتخصص ادارة مكتبيه
طبعا تعرف وضائف جرير كلها بائع يعني مالها اي علاقه بتخصصك
المهم مالك بالطويله
قدمت وبعد شهر تقريبا اتصلو علي وقالو مقابله الصباح الساعه9
رحت وسويت المقابله اسمك ومن وين وش الشهاده اللي معك
وليش اخترت جرير وش تعرف عن الشغله اللي انت مقدم لها
وهل انت بتكمل تخصصك في حالت اتاحة الفرصه لك >>اعتقد والله العالم ان قلت ايه بكمل راح يمسكك الباب
لئنهم يبون واحد عندهم24ساعه
والفئه المستهدفه للتوظيف الطلاب اللي على مقاعد الدراسه لئنهم راح يطولون

انا لما سويت المقابله ارد عليه ولا خليت له درب زي مايقولون>> يعني ماعنده عذر
لكن الله العالم انها طقة براسه مايبيني كذا من الله زي مايقولون
المهم قال اذا جاء السبت واحنا ماتصلنا عليك اعذرنا قلت الله يكتب اللي فيه الخيره

واعتقد ان السبب اللي خلاه يرفضني بعد المدينه اللي انا فيها
والسبب الثاني اني راح اكمل التخصص بعد فتره معينه
وزي ماتقول كذا من الله
لئني بعد اسبوع كنت بزياره للمكتبه ابحث عن لاب توب
واحصل اللي سوا معي المقابله بالبدايه تردد لا اروح له
لكن قلت هي خربانه خربانه واروح واسلم عليك كيف حالك عساك بخير
قال هذا انت قلت ايوه
قلت حبيت اسالك هل في مجال اقدم من جديد او خلاص مافيه فايده
قال لا من قال مافيه فايده بغيت اقول كان قبلتني من اولها
قلت اوك انا بقدم من جديد قال اوك وفيه مقابلات قريبه مو بعيده

وكنت اتكلم معه بالعاميه
ع العموم الله يوفقك

طيب مشكور على الررد

ولكن اخي الكريم هل مقابله واحده تكفي ولا مقابلتين واحده بالفرع والاخرى بالرئيسي

وشكرا لك مره اخرى

انا قابلته بنفس المكتبه طبعاا انا بالقصيم عنيزه
وهي مقابلتين ع كلامه

الثانيه يعلمك طريقة الشغل ووووووو

اشكرك اخي مره اخرى ولكن حبيت اسال
هل هوالراتب مدعوم من صندوق الموارد البشريه ؟

بالنسبة لي توظفت في جرير بالجبيل والدوام كان ززفت بصراحة

مكروف من الصباح للظهر ومن العصرية الي 11 وترجع البيت 12


دوام كامل علي راتب 3 الاف


انقطعت عن العالم وتركتها من غير تعامل مديرك اللي يجيب الهم والعملاء اللي يجونك

للأسف لما سالت قال اذا اتصلنا عليك يتبين لك كل شي

والشي اذا مافيه موارد بشريه ومكتب عمل هج عنه

موفق بإذن الله ... لك مني أجمل تحية .

ياشباب انا عندي مقابله شخصيه بكره العصر الساعه 5 في مكتبه جرير في الاحساء ياليت احد يعلمني

كيف طريقه المقابله وكيف الاسئله ,,,..؟؟ يعني من ضمن الاسئله اذا قالي ليش اخترت مكتبة جرير وش اقوله ..؟


واذا سالني وش تعرف عن الشغله اللي مقدم فيها شقوله مع العلم اني مقدم علي وظيفه بائع وشكرا لكم

موفقين