لكل من قدم على وظيفة كاتب ظبط
السلام عليك ورحمة الله وبركاته
ياخوان ابي كل واحد منكم اللي تجاوز الاختبار التحريري والمقابله الشخصيه في وظيفة كاتب ظبط المرتبه السادسه يقوللي عشان اتاكد من موضوع في راسي اكرر واعيد للي تجاوزا المقابله وعرف انه اجتازها.....ومن منكم اتصلو عليه وقالوله انت احتياط او انقبل نهائيا ؟؟؟؟؟؟؟؟؟؟؟؟؟؟؟ وشكرا لكم باختصار ابغى التفصيل الممل |
للرفع.............
ياهووووو وين الناس |
السلام عليكم الاخ فيصل الفهد
انا قدمت عليها واختبرت الاختبار التحريري ونجحت ودخلت المقابلة الشخصية ولمن طلعت الاسماء اسمي ماكان معهم ، المهم بعد اسبوع تقريباً دخلت الموقع وادخلت رقم السجل المدني وطلعلي مبروك لقد اجتزت المقابلة وترشحت راجع فرع الوزارة لاستكمال مسوغات التعيين راجعت الفرع وقالوا ماجانا شي وواحد ثاني قابلته ففرع الوزارة نفس الطريقة المهم طبعت الورقة الي فيها الاسم والترشيح بالتعيين وأرسلت واحد من الشباب الى الوزارة بالرياض وقالوله اني احتياط وعشان اتأكد ارسلت واحد ثاني وقال اني احتياط ايضاً ومن بعدها مدري وش السالفة وانت قلت انك اتصلت وعطوك رقم السرى انا حاولت اتصل عليهم محد عطاني وجه وصراحة استحيت كل شوي ارسل خلق الله والله كريييييييييييييم وانا اخوك واذا عندك اخبار عطنا ولا ايش الي يدور فراسك علمنا |
شكرا على تعاونكم...........ان شاء الله اجيكم بالاخبار
|
اللي اتصلوا عليه .. يعني أوراقه ناقصه ..
اما اللي مااتصلوا عليه فالدعوى مزبوووطه .. الله يوفق الجميع |
طيب يافاو.........تقدر تخدمني وتتاكدلي انا احتياط اولا اذا تقدر تكفا..
انا ابي اتاكد معاي قلق والله....وادعيلك بالتوفيق في الحرم عند الكعبه |
كلمه ولو جبر خاطر ولو سلام من بعيد
|
الاخ فيصل الفهد ارسلي اسمك الرباعي على بريدي وبحاول محاولة جادة
ومااأوعدك وهذا بريدي faw1399@hotmail.com |
ونا يااااااااااخوك تكفى وشو
|
الى الاخ فيصل بعد التحية انا رحت لديوان الخدمة المدنية لمعرفة هل اسمي من المرشحين لوظائف الخدمة المدنية الي قدمت عليها في رمضان 1427 او لا قعد الموظف يحوس في الجهاز بعدين رد علي قال انت قدمت في وزارة العدل يوم 8-1-1428 قلت :لا ما قدمت على الوزارة ولا على اي وظيفة ثانية هذي السنة. قال :تأكد لان اسمك موجود في مفاضلت وزارة العدل قلت :انا قدمت على وزارة العدل العام الماضي سنة 1427 قال :هذي اسماء الى دخلوا المفاضلة قلت: طيب اعطيني رقم الانتظار قعد يدور في الجهاز مره يقول انت ترشحت ومره يقلي ما ترشحت مره يفرحني ومره يحطمني الين قال : ما ترشحت واعطاني رقم الانتظار ومعاها عدد الي ترشحوا وقتها وكان عددهم 450 مرشح من كتاب الضبط ويمكن يرشحون غيرهم لاني الظاهر جيتهم وهم باقي ماخلصوا من عملية الترشيح وبعدها سالته عن الوظيفة الي قدمت عليها في وزارة الخدمة قال : طارت عليك قلت :ليه طارت علي قال :لانك قدمت على وزارة العدل وما يمكن الجمع بين الوظيفتين قلت :كان خليتوا اسمي في الجهاز الين انقبل في وظيفة وبعدها الغوا الثانية قال : الجهاز ما يسمح قلت :الله يعوض ومشيت هذي قصتي مع ديوان الخدمة المدنية واسف على الاطالة |
الساعة الآن 09:37 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين