|
سؤال مهم جدا يا ليت احد يجاوبني عليه ارجوكم
السلام عليكم ورحمة الله وبركاته من كم يوم قرأت خبر أنه تم الغاء التوظيف على التعاقد والمعلمات البديلات هل هذا صحيح؟ يعني انه ما عاد فيه تعاقد مع معلمات كبديلات وانهم اكتفو بانه اي معلمه من اللاتي على راس عملهن تقوم بوظيفه المعلمه البديله صحيح ذا الكلام والا لا؟ لانه بكذه اغلقو باب من ابواب القضاء على البطاله ,والمفروض يزيدون وظائف التعاقد مو يلغونها ويوظفون المعلمات اللي هي اصلا تعمل صح؟ والخبر الثاني انه لا تصرف الاعانه لمن رفض الوظيفه المتاحه له هل هذا صحيح؟ لانه لو وجدو لي وظيفه بمكان مختلط ووزوجي رفض اني اتوظف فيها ايش اسوي؟ |
اقتباس:
بعدين اذا انتي من ضمن اللي تعاقدو معها اول فراح يوظفونك على وظيفه رسميه لانهم قالو الترسيم يشمل محو الاميه والمعلمات البديلات .. والخبر الثاني بعد صح اذا رفضتي الوظيفه اي وظيفه يعرضونها عليك بيقولون لك انتي اللي ترفضين العمل ولا تستحقين الاعانه .. مدري من اللي بستحق الاعانه في وجهه نظرهم :d |
اولا شكر لك على الرد وثانيا طيب ايش نسوي نحنا معلمات متخرجات على اساس نتوظف معلمات والحين لي عشر سنوات متخرجه اذا لقو لي وظيفة غير التعليم ورفضت ولي الحق في الرفض ليه ما نستحق الاعانه الين يلاقو لنا وظائف حسب شهاداتنا لانه ازواجنا يبغونا نتوظف لكن ما يكون مكان مختلط ومن جهه اخرى يمكن ما نتوظف في وظائف تعليميه طيب ايش الحل ؟:r |
عاد من تقولين له .. لا حياه لمن تنادي .. يمكن يوظفونك في مدرسه اهليه .. مع اننا ندل المدارس الاهليه ولا نبيها ماتجيب همها .. بس حكم القوي ع الضعيف
|
الله يرزقنا ويرزقكم بالوظايف وراحة البال
|
مشكورين ع الرد |
| الساعة الآن 02:56 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين