|
ببدأ اشتغل في الخضار يوم الجمعة الجاي 6\5\2011 مساعدتكم
[align=center]السلام عليكم ورحمة الله وبركاته
مساكم الله بالخير أولاً أحب أشكر أعضاء المنتدى الرائع على مشاركة أفكارهم مع الجميع وحبهم للخير والمساعدة ثانياً بعد قراءة مواضيعكم عن الخضار ونصائحكم قررت ابدأ اشتغل فيها , راح يكون الشغل عبارة عن بيع بالتجوال يعني مره عن مسجد ومره عند سوق شعبي وكذا , بكرة إن شاء الله راح اشتري السيارة اللي راح اشتغل عليها , ولكن اللي ناقصني بعض المعلومات ياليت اللي عنده خبر يفيدني فيها وياليت يكون متأكد من معلوماته , ابي أعرف اذا في تراخيص من البلدية للباعه المتجولين ولا لا , واذا فيه من وين اقدر اخذه وايش الشروط ؟ وإذا مافي وش الحل ؟! يعني شوركم اذا مافي ترخيص ابيع ومتى ماجت البلدية خذت البضاعه وبس ولا في غرامة وكذا ولا محد حولك , شوروا علي . ثاني شي في موضوع من مواضيع المنتدى صاحب الموضوع كان كاتب ان البضاعه تكون تشكيلة من سوق الحراج بحدود 1500 , انا اشوف ان 1500 كثير مره , خاصه على واحد مبتدئ فالشغلة يعني ما اتوقع اني راح اصرف بضاعه بـ 1500 في يوم واحد , فسؤالي بكم تنصحوني اشتري بضاعتي الأولى؟ وماهي الأنواع اللي اكثر منها وماهي الأنواع اللي أقلل منها لأنها ما تمشي كثير ؟ وإذا مابعت كل البضاعه في يوم واحد أقدر ابيعها ثاني يوم ولا في بعض الأنواع تخرب بسرعه ؟ وهل تنصحوني اشتغل فالخضار بس ولا خضار وفاكهه ؟ منتظر اجوبتكم ودعمكم الله يوفقني واياكم دنيا وآخرة ويجعل اللي راح تكتبونه في ميزان حسناتكم . :) شكر لا ينتهي لكم انتم[/align] |
الله يوفقك ويزيدك من فضله ورزقه
والصراحة ليس لدي خبرة في هذا المشروع لكن من كلام الناس انها تدخل ذهب وهاذي مواضيع هنا بالمنتدى ان شاء الله تفيدك https://www.btalah.com/showthread.*****..t=%CE%D6%C7%D1 https://www.btalah.com/showthread.*****..t=%CE%D6%C7%D1 https://www.btalah.com/showthread.*****..t=%CE%D6%C7%D1 https://www.btalah.com/showthread.*****..t=%CE%D6%C7%D1 |
مالي خبره في ذا المشروع
لاكن اسأل الله العلي العظيم ان يوفقك وييسر لك امورك والاخوان ما يقصرون تمنياتي لك بالتوفيق .... |
موفق بإذن الله ... لك مني أجمل تحية .
|
السلام عليكم ورحمة الله وبركاته
عليك بالخضار كوسه , باميه , طماطم , خيار , بصل اخضر , فاصوليا تجي الله يسلمك تقسمها بالتساوي في زنابيل سوداء مثل اللي في هذي الصوره تكون حاط كيس داخل الزنبيل حلو وفوقه الخضار اي احد يطلب اللي بهالزنبيل ترفع الكيس فوق وعلى طول تعطيه طلبه فهمت كيف http://www.handmade-sy.com/s****img/349_s.jpg مثلاً تدور احد يأجر لك الزنابيل او اذا قيمتها رخيصه تشتري عرفت كيف وتبيع اللي بالزنبيل الواحد بي 10 ريال اي نوع كان لو تبيع الطماطم براس مالها تعوض الربح بالباميه وهكذا بس اهم شيء احسب متوسط البيع لكل بضاعتك مثلا تحسب قيمة مشترى البضاعه وتحسب عدد الزنابيل اللي راح تقسمها عليها وتضربها بعشره اللي هو قيمة البيع وشوف كم يطلع لك تجي الله يسلمك تصف الزنابيل عند باب المسجد قبل صلاة الجمعه وتغطيها بكرتون علشان ما تصفقها الشمس ابد بعد الصلاه مباشره اطلع ووقف على بضاعتك ونادي بعشره بعشره الطماطم بعشره الباميه بعشره .....إلخ وترى ترتيب البضاعه وهالحركات لها دور لا بد تحرص على هالحركات وتلمع الخضره وتصفها بشكل حلو بالزنبيل اتمنى اني افدتك باللي عندي اما باقي تساؤلاتك اتمنى اللي له خبره يدلو بدلوه وشكراً |
الله يوفقك
|
شكراً لكل من رد بلا استثاء , اللي دعمني بأجوبته واللي دعمني معنوياً , شكراً
في انتظار اي نصائح آخرى :) |
اقتباس:
|
ردا على أستفسارك عن 1500 ريال
أشوف أنها كثيره مره بالتوفيق |
المبلغ مو مشكلة 500 تكفي بالبداية
المشكلة في حاجتين حسب معرفتي الاول متى ووين تحصل الخضار الجيدة وتحتاج منك نشاط وهمة بمعنى حضورك للحلقة بدررري الثانية الموقع عند مسجد او في تقاطع ما او مدخل حي هذا اهم شئ بالتوووفيق لك وللجميع |
| الساعة الآن 02:50 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين